pamilya nga nagtuon sa mga kasulatan

Dugang nga mga Kapangohaan

Kini nga mga kapangohaan makita diha sa Gospel Library nga app ug sa ChurchofJesusChrist.org.

Mga Himno ug Songbook sa mga Bata

Ang sagradong musika nagdapit sa Espiritu, nagtabang kanato sa pagbati sa gugma sa Dios, ug nagtudlo kanato sa doktrina sa usa ka halandumong paagi. Agig dugang sa paggamit sa giimprinta nga bersiyon sa Mga Himno ug sa Songbook sa mga Bata, makakita ka og video ug audio nga mga recording sa daghang mga himno ug mga awit sa mga bata diha sa music.ChurchofJesusChrist.org ug diha sa Sacred Music and Gospel Media nga apps.

Mga Manwal sa Seminary ug Institute

Ang Mga manwal sa seminary ug institute naghatag og makasaysayanong kaagi ug doktrinal nga komentaryo alang sa mga baroganan ug mga asoy nga makaplagan diha sa mga kasulatan.

Mga Magasin sa Simbahan

Ang Higala, Alang sa Kalig-on sa mga Kabatan-onan, ug ang Liahona mga magasin nga adunay mga istorya ug mga kalihokan nga makadugang sa mga baroganan nga imong gitudlo gikan sa Dali, Sunod Kanako—Alang sa mga Indibidwal ug mga Pamilya.

Gospel Topics

Diha sa Gospel Topics (topics.ChurchofJesusChrist.org), ikaw makakaplag og sukaranan nga mga impormasyon mahitungod sa daghang mga hisgotanan sa ebanghelyo, kauban sa mga link ngadto sa makatabang nga mga kapangohaan, sama sa may kalabotan nga mga mensahe sa kinatibuk-ang komperensiya, mga artikulo, mga kasulatan ug mga video. Ikaw makakaplag usab sa Gospel Topics Essays, diin nagtanyag og kompleto nga impormasyon mahitungod sa doktrinal ug makasaysayanong mga isyu, ingon man sa mga tubag ngadto sa nagkalainlaing mga pangutana mahitungod sa Simbahan ug sa mga pagtulon-an niini.

Mga Istorya sa Bag-ong Tugon

Ang Mga Istorya sa Bag-ong Tugon makatabang sa mga bata nga makakat-on sa doktrina ug mga istorya nga makita diha sa Bag-ong Tugon. Makakaplag ka usab og mga video niini nga mga istorya diha sa Gospel Library nga app ug diha sa GospelMedia.ChurchofJesusChrist.org.

Koloranan nga Libro sa mga Istorya sa Kasulatan—Bag-ong Tugon

Kini nga kapangohaan naglangkob og makalingaw nga kalihokan sa pagkolor sa mga pahina nga gidesinyo aron pagdugang sa pagkat-on sa mga bata gikan sa Bag-ong Tugon.

Mga Video ug Art

Ang artwork, mga video, ug ubang media makatabang sa imong pamilya sa pagsabot sa doktrina ug sa paghanduraw sa mga istorya nga kalabot ngadto sa mga kasulatan. Bisitahi ang Gospel Media sa GospelMedia.ChurchofJesusChrist.org sa pagtan-aw-tan-aw sa koleksyon sa Simbahan sa mga kapangohaan sa media. Ang Gospel Media maanaa usab isip usa ka mobile nga app. Daghang mga hulagway ang imong magamit nga makaplagan diha sa Libro sa mga Hulagway sa Ebanghelyo.

Pagtudlo sumala sa Pamaagi sa Manluluwas

Ang Pagtudlo sumala sa Pamaagi sa Manluluwas makatabang kanimo sa pagkat-on ug sa paggamit sa mga baroganan sa Kristohanon nga pagtudlo.