pamilia nga agad-adal kadagiti nasantuan a kasuratan

Dagiti Nainayon a Resources

Masarakan dagitoy a resources iti Gospel Library app ken iti ChurchofJesusChris.org.

Hymns ken Children’s Songbook

Ti sagrado a musika ti mangawis iti Espiritu, tulongannatayo a mangrikna iti ayat ti Dios, ken mangisuro iti doktrina iti nakallalagip a wagas. Kas nayon iti panangusar kadagiti naiprenta a bersion ti Hymns ken ti Children’s Songbook, masarakam dagiti recording iti video ken audio ti adu a himno ken kanta dagiti ubbing iti music.ChurchofJesusChrist.org ken iti Sacred Music ken Gospel Media apps.

Dagiti Manual iti Seminary ken Institute

Dagiti manual iti seminary ken Institute mangipaayda iti nagtaudan ti pakasaritaan [historical background] ken komentario a mainaig iti doktrina para kadagiti pagbatayan ken pakaammuan a masarakan kadagiti nasantuan a kasuratan.

Dagiti Magasin iti Simbaan

Dagiti magasin a Friend, Para iti Pigsa dagiti Agtutubo, ken ti Liahona mangipaayda kadagiti estoria ken aktibidad a mangsuplemento kadagiti pagbatayan nga isursurom manipud iti Umaykayo, Sumurot Kaniak—Para kadagiti Indibidual ken Pamilia.

Dagiti Topiko ti Ebanghelio

Iti Gospel Topics (topics.ChurchofJesusChrist.org), masarakam ti kangrunaan nga impormasion maipapan kadagiti agduduma a topiko iti ebanghelio, kasta met dagiti link kadagiti makatulong a resources, kas kadagiti mainaig a mensahe iti sapasap a komperensia, dagiti artikulo, nasantuan a kasuratan, ken video. Masarakam pay ti Gospel Topics Essays, a mangidiaya iti detaliado nga impormasion maipapan kadagiti isyu a mainaig iti pakasaritaan, kasta met dagiti sungbat iti agduduma a saludsod maipapan iti Simbaan ken kadagiti pannursurona.

Dagiti Estoria iti Baro a Tulag

Dagiti Estoria iti Baro a Tulag ti makatulong kadagiti ubbing a mangsursuro iti doktrina ken dagiti estoria a masarakan iti Baro a Tulag. Masarakam pay dagiti video kadagitoy nga estoria iti Gospel Library app ken iti GospelMedia.ChurchofJesusChrist.org.

Dagiti Libro ti Panagkolor kadagiti Estoria iti Nasantuan a Kasuratan—Baro a Tulag

Naglaon daytoy a resource kadagiti panid ti aktibidad iti panagkolor a naisangrat a mangpasayaat iti panagsursuro dagiti ubbing manipud iti Daan a Tulag.

Dagiti Video ken Arte

Ti artwork, dagiti video, ken dadduma pay a media ket makatulong iti pamiliam a makaawat iti doktrina ken mangiladawan iti panunot (visualize) kadagiti estoria a mainaig kadagiti nasantuan a kasuratan. Bisitaen ti Gospel Media iti GospelMedia.ChurchofJesusChrist.org tapno i-browse ti koleksion ti Simbaan iti media resources. Ti Gospel Media ket sidadaan pay a magun-od kas mobile app. Masarakan dagiti adu a ladawan a mabalinmo nga usaren iti Libro ti Arte ti Ebanghelio.

Panangisuro iti Wagas ti Mangisalakan

TiPanangisuro iti Wagas ti Mangisalakan ti makatulong kenka a makasursuro ken mangusar kadagiti pagbatayan iti panangisuro a kas ken ni Cristo.