Te tahi atu ā mātēria

E ’itehia teie atu mau mātēria i roto i te putuparau uira Vaira’a buka ’evanelia ’e i ni’a ia ChurchofJesusChrist.org.

Te mau hīmene ’e Chant pour les enfants (Buka hīmene nā te mau tamari’i)

E tītau manihini te pehe mo’a i te Vārua, e tauturu te reira ’ia putapū i te here o te Atua, ’e e ha’api’i te reira i te ha’api’ira’a tumu ma te rāve’a e ’ore roa e mo’ehia. Ta’a ’ē noa atu te mau nene’ira’a nō Te mau hīmene ’e te Chants pour les enfants, e nehenehe e ’ite mai i te mau haruharura’a video ’e fa’aro’o nō te mau hīmene purera’a e rave rahi ’e te mau hīmene nā te mau tamari’i i ni’a ia music.ChurchofJesusChrist.org ’e i roto i te mau putuparau uira Musique ’e Gospel Media.

Mau buka nō te Séminaire ’e te Institut

E hōro’a te mau buka nō te Séminaire ’e te Institut i te huru o te tupura’a te ’ā’amu, nā reira ato’a te mau mana’o tauturu nō ni’a i te mau parau tumu ’e te mau fa’ati’ara’a e ’itehia i roto i te mau pāpa’ira’a mo’a.

Mau ve’a a te ’Ēkālesia

Tē vai ra i roto i te Hoa, te Nō te Pūai o te Feiā ’Āpī, ’e te Liahona te mau ’ā’amu ’e te mau ’ohipa ri’i ’o tē nehenehe e fa’ananea atu ā i te mau parau tumu tā ’outou e ha’api’i ra i te ta’ata mai roto atu i te Mai, pe’e mai—nō te ta’ata hō’ē ’e te ’utuāfare.

Te mau ’ā’amu o te Faufa’a ’Āpī

E nehenehe Te mau ’ā’amu o te Faufa’a ’Āpī (2005) e tauturu i te mau tamari’i ’ia ’apo i te ha’api’ira’a tumu ’e te mau ’ā’amu e vai nei i roto i te Faufa’a ’Āpī. E nehenehe ato’a e ’itehia ia ’outou te mau video nō teie mau ’ā’amu i roto i te putuparau uira Vaira’a buka ’evanelia, ’e i ni’a i te GospelMedia.ChurchofJesusChrist.org.

Buka pēni nō te mau ’ā’amu o te mau pāpa’ira’a mo’a—Faufa’a ’Āpī

Tē vai ra i roto i teie buka te mau ’api pēnira’a tei fa’ata’ahia nō te ha’amaita’i i te ’apora’a te mau tamari’i i te ha’api’ira’a i roto i te Faufa’a ’Āpī.

Mau video ’e te mau hōho’a

E nehenehe te mau hōho’a, te mau video ’e te tahi atu mau rāve’a ha’apararera’a e tauturu ia ’outou ’e tō ’outou ’utuāfare ’ia hāro’aro’a i te ha’api’ira’a tumu ’e ’ia hi’o i te mau ’ā’amu e tū’ati i te mau pāpa’ira’a mo’a. ’A haere e hi’o i te Gospel Media (Rāve’a ha’apararera’a ’evanelia) i ni’a ia GospelMedia.ChurchofJesusChrist.org nō te hi’o haere i te ha’aputura’a rāve’a ha’apararera’a a te ’Ēkālesia. Tē vai ato’a nei te putuparau uira Gospel Media nō te fa’anahora’a ’āfa’ifa’i. E rave rahi hōho’a tā ’outou e nehenehe e fa’a’ohipa ’o tē ’itehia i roto i te Buka hōho’a nō te ’evanelia.

Ha’api’ira’a mai tā te Fa’aora

E tauturu te Ha’api’ira’a mai tā te Fa’aora ia ’outou ’ia ’apo mai i te ha’api’ira’a ’e ’ia fa’a’ohipa i te mau parau tumu nō te ha’api’i i te ta’ata mai te Fa’aora te huru.