“Li ch’utam re k’uub’ank na’leb’ re li xb’een domingo,”Kim, Taaqehin—choq’ reheb’ li ch’utam re li Tijonelil re Melkisedek ut li Komonil re Tenq’ank (2017)
Li ch’utam re k’uub’ank na’leb’ re li xb’een domingo.
Li ch’utam re k’uub’ank na’leb’ re li xb’een domingo.
Sa’ li xb’een domingo rajlal po, eb’ li ch’utam reheb’ li molam, ch’uut, ut li Komonil re Tenq’ank ink’a’ te’xk’ul jun tzolok k’utb’il xb’aan aj k’utunel. Ruuchil a’an, eb’ li awa’b’ejil malaj aj jolominel re li ch’uut te’xb’eresi jun ch’utam re k’uub’ank na’leb’. Li junjunq chi molam, ch’uut, malaj Komonil re Tenq’ank te’xk’uub’ xna’leb’ sa’ komonil chirix li na’ajman ru sa’ li qana’aj, li naru taab’aanumanq, ut li ch’a’ajkilal; te’tzoloq rik’in lix na’leb’ ut lix k’ulum li junjunq; ut te’xk’uub’ chanru te’k’anjelaq a’ yaaleb’ li musiq’anb’il na’leb’ neke’xk’ul rik’in li Musiq’ej.
“Li k’utb’esinb’il na’leb’ jek’inb’il sa’ qayanq.”1
Li Elder Neil L. Andersen
Rub’elaj li ch’utam re k’uub’ank na’leb’
-
Eb’ laj jolominel neke’xtaw li na’ajman ru sa’ li qana’aj, li naru taab’aanumanq, ut li ch’a’ajkilal ut neke’xsik’ rik’in tijok jun na’leb’ re xseraq’inkil.
-
Chixjunileb’ neke’xsik’ lix b’eresihom li Musiq’ej.
-
Chixjunileb’ neke’xkawresi rib’ chixwotzb’aleb’ lix k’oxlahom ut lix k’ulum.
Chiru li ch’uutam re k’uub’ank na’leb’
-
Eb’ laj jolominel neke’xb’oqeb’ li komon chixwotz’bal li k’a’ru xk’ulumeb’ rik’in k’anjelak a’ yaaleb’ li musiq’anb’il na’leb’ xe’xk’ul sa’eb’ li ch’utam numenaqeb’.
-
Chixjunileb’ neke’xk’uub’ xna’leb’ sa’ komonil chirix li na’leb’ li neke’aatinak wi’, neke’rab’i rib’ chirib’ileb’ rib’, ut neke’xsik’ xb’eresihom li Musiq’ej.
-
Eb’ laj jolominel neke’xk’os ru li k’a’ru xe’aatinak wi’ ut neke’xk’e li b’oqok re k’anjelak.
Chirix li ch’utam re k’uub’ank na’leb’
-
Chixjunileb’ neke’k’anjelak a’ yaaleb’ li musiq’anb’il na’leb’ ut li b’oqok, sa’ komonil ut xjuneseb’ rib’.
-
Chixjunileb’ neke’xkawresi rib’ re xwotzb’al li neke’xk’ul sa’eb’ li ch’utam chalel.
“Laa’o li ruq’ a’an.”2
Li Awa’b’ej Dieter F. Uchtdorf
Reetalil li tjiok re li Getty Images
Li xb’eenil na’leb’ re k’uub’ank na’leb’ sa’ komonil
Moko juntaq’eeteb’ ta chixjunil li ch’utam re k’uub’ank na’leb’. Chekanab’ naq li Qaawa’ texxtzol. Wahi’eb’ junjunq na’leb’ li te’tenq’anq aawe chixtikib’ankil:
-
Li rajb’al jun ch’utam re k’uub’ank na’leb’, a’an li k’uub’ank na’leb’ sa’ komonil chirix li na’ajman ru sa’ li qana’aj, li naru taab’aanumanq, ut li ch’a’ajkilal; li tzolok rik’in lix na’leb’ ut lix k’ulum li junjunq; ut xk’uub’ankil chanru te’k’anjelaq a’ yaaleb’ li musiq’anb’il na’leb’ neke’xk’ul rik’in li Musiq’ej.
-
Tento naq li ch’utam re k’uub’ank na’leb’ tixk’e chi uxmank li k’anjelak—li k’uub’anb’il na’leb’ sa’ komonil ut re li junjunq, li musiq’anb’ileb’ xb’aan li Musiq’ej, re k’anjelak chirix li ch’utam re xtz’aqob’resinkil ru lix k’anjel li Qaawa’.Tz. ut S. 43:8-9
-
Eb’ li ch’utam tento te’roksiheb’ li loq’laj hu ut li raatineb’ li profeet ut apostol sa’ roso’jikeb’ li kutan, xkomon chik aj jolomil aj b’eresinel, ut li jolomil aj k’anjel re xb’eresinkil ut xxaqab’ankil xwankil li na’leb’ank. Chi jo’ka’in, li musiq’anb’il raatineb’ laj jolominel re li Iglees naru tixtenq’aheb’ li molam, ch’uut, ut li Komonil re Tenq’ank chi aatinak chirix li na’ajman ru.
-
Tento naq sa’ li aatinak ink’a’ nayeeman resil k’a’ruhaq muqmu malaj ch’a’aj chirix junaq li komon malaj junkab’al.
-
Us ta b’eresinb’il li ch’utam re k’uub’ank na’leb’ xb’aan jun komon sa’ li awa’b’ejil malaj li ch’uut aj jolominel, ink’a’ us naq tixb’aanu xk’ihal li wotzok. Laj jolominel naxk’ut jun na’leb’ te’aatinaq wi’ ut naxb’oq chixjunileb’ chixwotz’b’al lix k’oxlahom ut lix k’ulum, a’ yaal jo’ b’eresinb’ileb’ xb’aan li Musiq’ej.
-
Us ta naq maajun tento taareek’a naq minb’il ru chi tz’aqonk, chixjunileb’ tento te’reek’a naq te’ruuq chixwotzb’al li raatin ut lix na’leb’ sa’ xyaalal chi maak’a’ xxiw naq te’eetz’uuq.
-
Wi naru, li chunlaak sa’ jun sutam naru tixk’am chaq jun musiq’ej re wotzok ut aatinak sa’ xyaalal.
Junjunqeb’ li na’leb’ li naru chi oksimank sa’ li ch’utam re k’uub’ank na’leb’ sa’ li xb’een domingo
Eb’ li na’leb’ li te’tz’ile’q rix sa’ li ch’utam re k’uub’ank na’leb’ naru taachalq rik’in li jolomil ch’utam re li teep, li ch’utam re li awa’b’ejil, li k’uub’anb’il na’leb’ re li na’ajej, lix musiq’anb’il na’leb’ laj jolominel li nachal xb’aan li k’anjelak chiruheb’ li komon, ut li musiq’anb’il na’leb’ re li Santil Musiq’ej. Li na’leb’ wankeb’ chirub’el naru te’oksimanq a’ut moko teneb’anb’il ta naq te’oksimanq. Naru naq eb’ laj jolominel neke’xnaw xkomon chik li k’a’ru na’ajman ru li neke’reek’a naq te’aatinaq wi’.
-
Chan ru naru toochaab’ilo’q sa’ xk’eeb’al x’aajelil ru chixjunileb’ li qateneb’ahom?
-
Chan ru naru toonach’oq rik’in li Dios ut taqak’ul xkomon chik lix b’eresihom li Musiq’ej sa’ li qayu’am ut sa’ li qajunkab’al?
-
Chan ru taqawotz li evangelio rik’ineb’ li qamiiw ut li qech kab’al? (chi’ilmanq Alma 17).
-
Chan ru naru taqak’e xk’olb’al qix ur xk’olb’al rix li qajunkab’al chiru li yib’ aj esil ut li tz’aj aj jalamu-uuch? (chiʼilmanq Tz. ut S. 42:22–23).
-
K’a’ru taqab’aanu re xtzolb’aleb’ ut xkawob’resinkileb’ li qalal qak’ajol ut eb’ li saaj sa’ li qateep?
-
Chan ru taqanimob’resi li junajil sa’ li qamolam, li qach’uut, malaj li Komonil re Tenq’ank? (chi’ilmanq Mosiah 24:12–15.
-
Chan ru naru too’tz’aqonq chi us sa’ li k’anjel re li resilal li junkab’al ut li loq’onink sa’ li santil ochoch.
-
Chan ru naqab’oq lix tenq’ li Qaawa’ naq naqasik’ xsumenkileb’ li qapatz’om ut xnimal xtawb’al ru li evangelio?
-
Chan ru naru te’chaab’ilo’q li na’b’ej yuwa’b’ej jo’ aj jolominel sa’ li junkab’al?
-
Chan ru naru taqakawob’resi lix nawom qach’ool chirix li Qaawa’ ut lix evangelio ut taqatenq’a li qajunkab’al chixtenq’ankil rib’ xjunes sa’ li k’a’aq re ru re li musiq’ej
-
K’a’ru naraj naxye li k’anjelak? Chan ru yooko chi k’anjelak chiruheb’ li wankeb’ qasutam? (chi’ilmanq 1 Pedro 4:11).
Wi naru, eb’ laj jolominel naru te’xye reheb’ li komon k’a’ru li na’leb’ te’aatinaq wi’ re naq taaruuq te’chalq chi kawresinb’il re aatinak chirix a’an.