K’a’ru jalan?

Sa’eb’ li roso’jik li kutan a’in, li Dios kixk’ojob’ wi’chik li tijonelil ut kixk’uub’eb’ li molam re li tijonelil ut li Komonil re Tenq’ank re te’tenq’anq sa’ xtz’aqob’resinkil ru lix k’anjel (chi’ilmanq Moises 1:39). Jo’kan ut, rajlaj domingo naq naqach’utub’ qib’ sa’ xch’utameb’ li Tijonelil re Melkisedek ut li Komonil re Tenq’ank, naqach’utub’ qib’ re aatinak ut xk’uub’ankil qana’leb’ chirix chanru taqab’aanu lix k’anjel. Xb’aan a’in naq moko k’a’aj ta wi’ tzoleb’aaleb’ li ch’utam a’in. A’aneb’ aj b’an wi’ li hoonal re k’uub’ank na’leb’ chirix li k’anjel re li kolb’a-ib’, re xtzolb’aleb’ sa’ komonil lix k’utumeb’ laj jolominel re li Iglees chirix li k’anjel a’an, ut re xk’uub’ankil qib’ chixtz’aqob’resinkil ru. Eb’ li jalok a’in sa’eb’ li qach’utam re domingo toohe’xtenq’a chixtz’aqob’resinkileb’ ru li ajom a’in.

Jun tusleb’aal kutan choq’ re li po

Eb’ li ch’utam sa’ domingo re li Tijonelil re Melkisedek ut li Komonil re Tenq’ank te’uxmanq a’ yaal jo’ chanru li tusleb’aal kutan a’in choq’ re li po:

Xamaan	Ajom
Xb’een domingo	K’uub’ahomaq eena’leb’ sa’ komonil chirix li na’ajman ru sa’ li qana’aj, li naru taab’aanumanq, ut li ch’a’ajkilal; ut k’uub’ahomaq eena’leb’ chirix chanru texk’anjelaq
Xkab’ ut rox domingo	Tzolomaqeb’ li esil re li ch’utub’aj-ib’ toje’ xnume’ li sikb’ileb’ ru xb’aaneb’ li awa’b’ejil malaj li ch’uut aj jolominel, ut wan naq, xb’aan li obiisp malaj li awa’b’ej re li oeqch
Xkaa domingo	Aatinanqex chirix jun na’leb’ sik’b’il ru xb’aan li Xb’eenil Awa’b’ejil ut lix Molameb’ li Kab’laju chi Apostol
Ro’ domingo	Aatinanqex chirix jun na’leb’ sik’b’il ru xb’aan li obispil

Ch’utam re k’uub’ank na’leb’ re li Komonil re Tenq’ank

Jun eetalil choq’ re li qach’utam

Sa’ li junjunqeb’ li qach’utam re li Tijonelil re Melkisedek ut li Komonil re Tenq’ank, naqataaqe jun eetalil re xtz’aqob’resinkil ru lix k’anjel li Dios.

1. Wotzomaq li k’a’ru nekek’ul b’antiox reheb’ li musiq’anb’il na’leb’ ut li b’oqok k’ulb’ileb’ sa’eb’ li ch’utam junxil re li tijonelil malaj li Komonil re Tenq’ank (chi b’eresinb’il xb’aan jun awa’b’ejil malaj jun aj jolominel re li ch’uut).

2. K’uub’ahomaq eena’leb’ sa’ komonil (xb’een domingo, chi b’eresinb’il xb’aan jun awa’b’ejil malaj jun aj jolominel re li ch’uut) malaj Tzolomaq sa’ komonil (xkab’, rox, ut xkaa domingo, chi b’eresinb’il xb’aan jun b’oqb’il aj k’utunel)

3. K’uub’ahomaq eena’leb’ chi k’anjelak jo’ jun ch’uut malaj eejunes eerib’ (chi b’eresinb’il xb’aan jun awa’b’ejil malaj jun aj jolominel re li ch’uut).