Ania ti Pagdumaan?

Kadagitoy ud-udina nga aldaw, insubli ti Dios ti priesthood ken nangbukel kadagiti korum ken ti Relief Society tapno makatulong a maipatungpal iti aramidna (kitaen iti Moises 1:39). Isu a tunggal Domingo no agguummogtayo kadagiti miting iti Melchizedek Priesthood ken Relief Society, agguummongtayo tapno paglilinnawagan ken planuen no kasano a maipatungpaltayonto ti aramidna. Isu a kasapulan nga ad-adda pay dagitoy a miting ngem dagiti klase. Gundaway pay dagitoy tapno aggiinnuman maipapan iti aramid ti pannakaisalakan, sangkamaysa a masursuruan manipud kadagiti pannursuro dagiti leader ti Simbaan maipapan dayta nga aramid, ken mangbukel tapno maipatungpal daytoy. Dagitoy a panagbalbaliw kadagiti mitingtayo iti Domingo ket makatulongto kadatayo a mangipatungpal kadagitoy a panggep.

Binulan nga Iskediul

Surotento dagiti miting iti Melchizedek Priesthood ken Relief Society iti Domingo daytoy binulan nga iskediul.

Lawas	Panggep
Umuna a Domingo	Aggiinnuman maipapan kadagiti lokal a pagrebbengan, gundaway, ken karit ket agaramid kadagiti plano nga agtignay
Dagiti Maikadua wenno Maikatlo a Domingo	Adalen dagiti kallabes a mensahe iti sapasap a komperensia a pinili ti presidency wenno dagiti group leader, wenno no adda okasion, ti bishop wenno stake president
Maikapat a Domingo	Paglilinnawagan ti espesial a topiko a pinili ti Umuna a Panguluen ken ti Korum dagiti Sangapulo-ket-dua nga Apostol
Maikalima a Domingo	Mangted iti topiko a pinili ti bishopric

Relief Society council meeting

Maysa a Pagtuladan para kadagiti Mitingtayo

Iti tunggal maysa kadagiti mitingtayo iti Melchizedek Priesthood ken Relief Society, surotentayo ti maysa a pagtuladan tapno maipatungpal ti aramid ti Dios.

1. Mangibiglay kadagiti padas a bunga manipud kadagiti impresion ken awis a naawat kadagiti kallabes a miting iti priesthood ken Relief Society (idauluan ti presidency wenno group leader).

2. Aggiinnuman (umuna a Domingo, idauluan ti presidency wenno group member) wenno aggigiddan a masursuruan (dagiti maikadua, maikatlo, ken maikapat a Domingo, idauluan ti naawagan a mannursuro).

3. Agplano nga agtignay kas grupo wenno kas indibidual (idauluan ti presidency wenno group member).