Dagiti Miting iti Maikadua ken Maikatlo a Domingo

Kadagiti maikadua ken maikatlo a Domingo ti tunggal bulan, adalen dagiti korum ti Melchizedek Priesthood ken Relief Society dagiti pannursuro dagiti sibibiag a propeta, Apostol, ken dadduma pay a leader ti Simbaan manipud iti kaudian a sapasap a komperensia. Mabalin a paglilinnawagan ti ania man a mesahe manipud iti kaudian a komperensia.

Iti kaaduan a kasasaad, ti quorum presidency, group leadership, wenno Relief Society presidency ket mangpilinto iti mensahe iti komperensia nga adalen a maibatay kadagiti kasapulan dagiti miembro, nupay mabalin a mangted ti bishop wenno stake president. mabalin dagiti leader ti pumili iti mensahe a mainaig iti topiko a nailawlawag iti council meeting iti umuna a Domingo, wenno mabalinda ti pumili iti sabali pay a mensahe a maibatay iti inspirarion ti Espiritu. Nasken a mangsapul dagiti leader ken mannursuro kadagiti wagas a mangallukoy kadagiti miembro a mangbasa kadagiti napili a mensahe a nasapsapa ken umayda a nakasagana a mangibinglay kadagiti insights. Dagiti naisingasing nga aktibidad iti panagsursuro iti baba, a maibatay kadagiti prinsipio iti Teaching in the Savior’s Way, ket mangiraman kadagiti miembro iti pannakasursuro manipud kadagiti mensahe iti komperensia.

Sharon Eubank, “Turn On Your Light”

Idawat kadagiti miembro ti korumyo wenno Relief Society a mangpanunot maipapan no kasano nga inimpluensiaan ti nalinteg ken napudno a babai ti biagda para iti nasayaat. Ibilangyo ti panangawis iti sumagmamano a miembro tapno mangibinglay no kasano nga iladawan daytoy a babai ti maysa wenno ad-adu pay a kababalin dagiti nalinteg a babbai a nabalabala iti mensahe ni Sister Eubank. Ania ti masursurotayo manipud ken ni Sister Eubank maipapan iti no kasano a makapagbalintayo a “maysa a napateg a puersa iti agpada a bilang ken naespirituan a panagdur-as ti Simbaan kadagiti maudi nga aldaw”?

Neill F. Marriott, “Abiding in God and Repairing the Breach”

Makatulong daytoy a mensahe kadagiti miembro a mabalin a makarikna a naisinada manipud iti Nailangitan nga Ama wenno manipud kadagiti adda iti lawlawda. Ania ti makatulong kadagiti sursuruanyo a mangipaawat no ania ti kayat a sawen ti giwang [breach]? Mabalin a mangitugotka kadagiti ladawan ti nadumaduma a kita ti giwang. Kasano nga ilawlawag ni Sister Marriott ti kaipapanan ti giwang [breach]? Ania ti gapu dagiti giwang [breach] kadagiti relasiontayo iti Dios ken iti dadduma? Awisenyo dagiti miembro a mangsukisok iti mensahe ni Sister Marriott para kadagiti singasing maipapan ti no ania ti maaramidtayo a mangtarimaan kadagiti giwang [breach] iti biagtayo. Ikkam dagiti miembro iti oras a mangisurat no ania ti imparikna kadakuada ti Espiritu nga aramidenda tapno ad-adda a mayasidegda iti Dios ken iti dadduma.

Joy D. Jones, “Value beyond Measure”

Ania dagiti bendision nga agayus kadagiti iti biagtayo no maawatantayo ti nadiosan a kinataotayo? Tapno masungbatan daytoy a saludsod, mabalin a sangkamaysa nga i-review dagiti miembro ti korumyo wenno Relief Society dagiti estoria da Mariama, Renu, ken Taiana iti mensahe ni Sister Jones. Ania ti balakad nga ited ni Sister Jones a makatulong kadatayo a “manglagip ken umawat iti nadiosan a kinataotayo”? Awisenyo dagiti miembro a mangsarak ken paglilinnawagan ti maysa a binatog iti nasantuan a kasuratan wenno adaw iti mensahe ni Sister Jones tapno makatulong kadakuada a makaawat iti pudno a pategda iti Dios. Awisenyo ida a mangibinglay iti maysa kadagitoy nasantuan a kasuratan wenno adaw iti maysa a tao nga agkasapulan iti palagip maipapan iti nadiosan a pategna.

Dieter F. Uchtdorf, “Three Sisters”

Maysa a wagas tapno ma-review ti mensahe ni Presidente Uchtdorf ket bingayen ti korum wenno Relief Society iti babassit a grupo. Mabalinyo a dutokan ti tunggal grupo a mangbasa iti maysa kadagiti agkakabsat a babbai iti mensahe ni President Uchtdorf. Mabalin nga agsurat ti tunggal grupo iti dayta a kabsat a babai a manggupgop iti balakadna ket ibinglayda no ania ti insuratda iti dadduma pay a grupo. Ania ti maaramidtayo tapno agbalin nga ad-adda pay a kas iti maikatlo a kabsat a babai? Kasano a mapagbalintayo ti korumtayo wenno Relief Society a maysa a “natalged a pagtaengan” kadagiti mangikarkarigatan?

Dieter F. Uchtdorf, “A Yearning for Home”

Kasano a matulonganyo dagiti isursuroyo a mangilasin no kasano nga us-usaren ti Dios ida a mangbendision kadagiti dadduma? Mabalinyo nga awisen ida a mang-review iti paset ti mensahe ni President Uchtdorf a napauluan iti “Usarennakayonto ti Dios,” a mangsapsapul kadagiti kari a naaramid kadagiti mangikarkarigatan nga agserbi iti pagarian ti Dios iti baet dagiti pagkapsutanda. Ti panangbasa iti daytoy a mensahe ket mabalin a mangipalagip pay kadagiti miembro maipapan iti padpadas a maibinglayda a nangusaran ti Dios kadakuada a nangbendision kadagiti dadduma—wenno idi inusarna dagiti dadduma a mangbendision kadakuada. Ikkanyo dagiti miembro iti oras a mangutob no ania ti naparegta a mariknada nga aramiden gapu iti daytoy a panaglilinnawag.

Bonnie L. Oscarson, “The Needs before Us”

Maysa a wagas tapno mangirugi iti panaglilinnawag maipapan iti mensahe ni Sister Oscarson ket ti mangted iti tunggal maysa iti piraso ti papel a nasuratan iti “Asino ti agkasapulan kaniak ita?” iti ngatona. Mabalin a mangala iti sumagmamano a minuto dagiti miembro ti Relief Society wenno korumyo tapno mangutob ken mangilista kadagiti sungbat iti daytoy a saludsod. Kalpasanna mabalinda a sukisoken ti mensahe ni Sister Oscarson para kadagiti ideya maipapan no kasano a makapagserbida kadagiti tao iti listaanda—wenno mangnayon kadagiti nagan no maparegta. Mabalin a sumagmamano ti mangibinglay no ania ti nasursuroda.

Dallin H. Oaks, “The Plan and the Proclamation”

Kasano nga agtignayto dagiti miembro ti korumyo, grupo, wenno Relief Society iti awis ni Elder Oaks a “mangisuro [ken] agbiag babaen” ti waragawag ti kaamaan, iti pagtaengan, iti komunidad, ken iti simbaan? Awisenyo ida nga agbibinninglay kadagiti ideya. Mabalin a makatulong pay a sukisoken ti mensahe para iti sumagmamano a palawag iti doktrina manipud iti waragawag ti kaamaan. Kasano a matulongannatayo dagitoy a palawag nga agresponde kadagiti “agdama a karit iti pamilia”? Ti section IV ti mensahe ni Elder Oaks naglaon iti sumagmamano a pagarigan dagiti kasta a palawag.

D. Todd Christofferson, “The Living Bread Which Came Down from Heaven”

Adtoy ti sumagmamano a saludsod a mabalin a mapanunot dagiti miembro ti Relief Society ken korum bayat ti panang-reviewda iti mensahe ni Elder Christofferson: Ania ti kinasanto? Kasano a gun-odentayo ti kinasanto? Kasano a makatulong kadatayo ti pannakiranud iti sakramento kadagiti panagkagumaantayo? Mabalin nga ibinglay dagiti miembro dagiti balikas manipud iti mensahe ni Elder Christofferson tapno makatulong a mangsungbat kadagitoy a saludsod. Kasano nga agtitinnulongtayo kas “makipagili a Sasanto” kadagiti panagkagumaantayo nga agbalin a nasansantuan?

Jeffrey R. Holland, “Be Ye Therefore Perfect—Eventually”

Mabalin nga adda kadagiti sursuruanyo ti makarikna a saanda a marukod no maipanggep iti panangibiag kadagiti pannursuro ti Mangisalakan. Ania ti isuro ni Elder Holland a mabalin a mangliwliwa ken mangallukoy kadagiti makarikna iti kastoy? Mabalinyo nga awisen dagiti miembro ti Relief Society wenno korum nga agsapul iti maysa a banag iti daytoy a mensahe a mabalinda nga ibinglay iti maysa a tao a mangikarkarigatan a makarikna nga “umdasen ti kinasayaatda.” Wenno mabalin a masarakanda ti maysa a banag iti daytoy a mensahe a mangparegta kadakuada a mangrikna iti “dakdakkel nga ayat ken panagdayaw para ken ni [Cristo] ken dakdakkel a tarigagay nga agbalin a kas Kenkuana.”

Gary E. Stevenson, “Spiritual Eclipse”

Napadasan kadin ti asino man iti korumyo wenno Relief Society ti solar eclipse? No kasta, mabalinyo nga awisen ti maysa kadakuada tapno mangilawlawag iti analohia nga imbinglay ni Elder Stevenson maipapan iti “spiritual eclipse.” Ania dagiti tubeng a mabalin a “manglapped iti kadakkel, kinalawag, ken bara, ti silaw ni Jesucristo ken ti ebangheliona”? Kasano a makasinga kadatayo ti social media manipud iti “ngayed, bara, ken nailangitan a lawag ti ebanghelio”? Kasano a mausartayo dagiti “sarming ti ebanghelio” a mangsalaknib kadatayo manipud iti naespirituan a pannakabulsek? Ania ti isuro kadatayo ti analohia ni Elder Stevenson maipapan iti panangpatalinaed iti pannirigan ti ebanghelio?

Quentin L. Cook, “The Eternal Everyday”

Ipalagip kadatayo ti mensahe ni Elder Cook maipapan iti kinapateg ti panagkagumaan nga agbalin a napakumbaba iti nadumaduma a wagas. Maysa a wagas tapno mapaglilinnawagan no ania ti isurona ken bingayen dagiti miembro iti dua a grupo. Pasapulyo iti maysa a grupo dagiti singasing iti mensahe ni Elder Cook a mabalin a makatulong kadatayo a mangpadur-as iti kinapakumbaba, ken pasapul iti sabali pay a grupo dagiti wagas a pangipakitaan dagiti tao iti kinapalangguad. Awisenyo ti tunggal grupo a mangibinglay iti panangiladawanda iti sabali pay a grupo. Mabalin pay nga ibinglay dagiti miembro dagiti wagas a pangipakitaanda iti ad-adda pay nga “ inaldaw a kinapakumbaba” iti biagda ken ibilang no kasano a makatulong kadakuada daytoy a kinapakumbaba nga agsagana a sumabat iti Dios.

Ronald A. Rasband, “By Divine Design”

Tapno mayallukoy ti panaglilinnawag maipapan iti mensahe ni Elder Rasband, mabalin a makatulong nga awisen ti sumagmamano a miembro tapno mangitugot iti sewing pattern, blueprint, wenno recipe ket pagsasaritaan no apay a makatulong dagitoy. Ania dagiti pagarigan ken pannursuro manipud iti mensahe ni Elder Rasband a mangparegta kadagiti miembro a mangbigbig iti panggep ti Dios para iti biagda? Nalabit a mabalin nga ibinglay dagiti miembro ti klase dagiti padasda a nakakitaanda nga iturturong ti Apo ti biagda. Ania ti naaramiddan a nangipakita iti Dios nga “ipategda” ti panangiturongna? Apay a nasken a bigbigen ti “nadiosan a panggep” ti Dios?

Russell M. Nelson, “The Book of Mormon: What Would Your Life Be Like without It?”

Inawis ni Presidente Nelson dagiti miembro a mangpanunot maipapan ti tallo a saludsod: (1) “Ania koma ti langa ti biagyo no awan ti Libro ni Mormon?” (2) “Ania koma ti diyo ammo?” (3) “Ania koma ti awan kadakayo?” Awisenyo dagiti miembro ti korum, grupo, wenno Relief Society a mangutob kadagitoy a saludsod ken mangibinglay no kasano a sungbatanda dagitoy. Ania ti makitada iti daytoy a mensahe a mangparegta kadakuada nga ad-adda a mangipateg iti Libro ni Mormom ngem dagiti “diamante wenno rubi”?

Dale G. Renlund, “The Priesthood and the Savior’s Atoning Power”

Kasano a matulonganyo a maawatan dagiti miembro ti korumyo wenno Relief Society no kasano a makatulong ti priesthood a mangaramid ka dagiti bendision iti Panagbayad-basol ti Mangisalakan ket nasindadaan kadakuada? Mabalinyo nga isurat dagitoy dua a paulo iti pisarra: “Apay a kasapulantayo ti Panagbayad-basol ni Jesucristo” ken “Kasano nga ‘maidanon’ ti priesthood dagiti bendision ti Panagbayad-basol.” Kalpasanna awisenyo dagiti miembro a mangsukisok iti mensahe ni Elder Renlund, a mangsapsapul kadagiti ragup ti balikas [phrases] tapno isurat iti tunggal paulo. Kasano a makatulong ti priesthood ken dagiti ordinansana a mangipatungpal kadagiti panggep ti Nailangitan nga Ama para kadagiti annakna?

Dieter F. Uchtdorf, “Bearers of Heavenly Light”

Awisenyo dagiti miembro a mangsukisok iti mensahe ni Presidente Uchtdorf ken mangilasin no kasano a maapektuan ti biagyo ti kaadda wenno kaawan ti nadiosan a lawag. Mabalinyo nga awisen dagiti miembro nga agadal iti sumagmamano kadagiti nasantuan a kasuratan a pinagibasaran ken linasin ni Presidente Uchtdorf a kinapudno nga adda pakainaiganna iti naespirituan a lawag. Ania ti isuro kadatayo ti metaphor maipanggep iti eclipse maipapan iti akem ti kinawaya a panagpili iti pananggun-od iti naespirituan a lawag? Ania ti maaramidtayo tapno maibinglaytayo ti nadiosan a lawag ni Jesucristo kadagiti dadduma, nangnangruna kadagiti pamiliatayo ken kadagiti “agtutubotayo, a mangikakarigatan a manggun-od iti lawag”?

Henry B. Eyring, “The Lord Leads His Church”

Awisenyo dagiti miembro ti korumyo wenno Relief Society a mangibinglay kadagiti padas idi kasapulanda ti magpapigsa iti pammatida a naggapu iti Dios ti takemda wenno ti takem ti sabali. Kasano nga inaramatda ti pammatida? Kasano a nasursuroda a naggapu iti Dios ti takem[calling]? Awisenyo dagiti miembro a mangsukisok iti mensahe ni President Eyring ken mangilasin kadagiti kinapudno a nasursurona manipud iti personal a padasna a makatulong kadatayo nga agtalek ken agan-anus iti bagbagitayo ken iti dadduma nga inawagan ti Apo.

Jean B. Bingham, “That Your Joy Might Be Full”

Makatulong ti mensahe ni Sister Bingham kadagiti miembro ti Relief Society wenno korumyo tapno maawatanda no kasano ti mangsapul iti rag-o, iti baet dagiti kinarigat ti biag, no umasidegtayo ken ni Cristo. Maysa a wagas tapno mailawlawag ti mensahena ket mangidrowing iti dalan iti pisarra nga agturong iti balikas a rag-o. Awisenyo ti sumagmamano a miembro a mangisurat iti dalan ti maysa a singasing manipud iti mensahe ni Sister Bingham nga agturong iti pudno a rag-o. Allukoyenyo dagiti miembro a magpanunot kadagiti wagas a pakaaramidanda iti balakad ni Sister Bingham. Awisenyo dagiti sumagmamano a miembro a mangibinglay kadagiti kapanunotanda.

David A. Bednar, “Exceeding Great and Precious Promises”

Tapno matulongan dagiti miembro ti Relief Society wenno korumyo a mapaglilinnawagan ti mensahe ni Elder Bednar, mabalinyo ti mangikabil kadagiti ladawan iti pisarra a mangibagi iti Sabbath, templo, ken dagiti pagtaengantayo. Awisenyo dagiti miembro a mangbasa kadagiti maitutop a benneg ti mensahe ni Elder Bednar ket isurat iti pisarra no kasano a makatulong kadatayo ti aldaw ti Sabbath, templo, ken dagiti pagtaengantayo a mangipamaysa kadagiti kari ti Dios kadatayo. Ania dagiti banag iti biagtayo a mabalin a mangyadayo iti atensiontayo kadagitoy a kari? Ania dagiti addang a mabalintayo nga alaen tapno masigurado a laglagipentayo dagitoy?

Henry B. Eyring, “Dikayo Agbuteng nga Agaramid iti Nasayaat”

Makatulong ti mensahe ni Presidente Eyring kadagiti sursuruanyo a mangsarak iti tured ken pammati nga agaramid iti nasayaat iti lubong. Mabalinyo nga awisen ti sumagmamano a miembro a manggupgop kadagiti pagwadan dagiti napudno a tattao nga imbinglay ni Presidente Eyring. Ania ti isuro kadatayo dagitoy a pagarigan maipapan ti no kasano ti agserbi kadagiti dadduma? Ania ti isingasing dagitoy a pagwadan maipapan kadagiti wagas a pakapagserbiantayo kas maysa a korum wenno Relief Society?

Sabali pay a wagas tapno mailawlawag daytoy a mensahe ket i-review dagiti bendision a nakita ni Presidente Eyring manipud iti panangsurotna iti balakad ni Presidente Thomas S. Monson a mangadal iti Libro ni Mormon. Ania dagiti bendision a nakitatayon manipud iti panagadaltayo iti Libro ni Mormon?

M. Russell Ballard, “The Trek Continues!”

Tapno mairugi ti panaglilinnawag maipapan iti mensahe ni Elder Ballard, mabalinyo nga awisen ti maysa a tao a mangibinglay iti padasna idi addaanda iti destinasion ngem natakuatanda nga addada iti biddut a ruta. Kasano nga adda pakainaiganna dagiti pagarigan a kas kadagitoy iti personal a “panagdaliasattayo” nga agsubli iti Nailangitan nga Ama? Kalpasanna mabalin a sukisoken dagiti miembro ti balakad ken dagiti ballaag nga inted ni Elder Ballard a makatulong kadatayo no addatayo iti umno a turongen wenno direksion iti bukodtayo a biag. Ikkanyo dagiti miembro iti oras a magutob kadagiti bukodda a dalan ken tapno paglilinnawagan dagiti wagas a pakatulongan ken pakaallukoyantayo kadagiti dadduma iti “panagdaliasatda” nga agsubli iti Nailangitan nga Ama.

Neil L. Andersen, “The Voice of the Lord”

Nalabit a mabalin nga ibinglay dagiti miembro ti Relief Society wenno korumyo iti maysa a padas a nakariknaanda iti mensahe iti sapasap a komperensia a nangnangruna a napnuan kaipapanan kadakuada. Apay a napnuan iti kaipapanan dagitoy a mensahe? Ania ti isuro ni Elder Andersen maipapan iti kinapateg dagiti mensahe iti sapasap a komperensia ken ti panagkagumaan ken wagas a nairaman iti panangisagana kadagitoy? Kasano nga aringan koma daytoy a pannakaammo ti panaggagar a pakaadalan ken pakangngegantayo kadagitoy a balikas? Ibilang ti mangaramid iti listaan dagiti panagawis manipud iti kallabes a komperensia. Ania ti naaramidtayo tapno agtignay kadagitoy a pangawis?