តើមានអ្វីខុសប្លែក ?

តើមានអ្វីខុសប្លែក ? ចូរមកតាមខ្ញុំ—សម្រាប់ការប្រជុំថ្នាក់បព្វជិតភាពមិលគីស្សាដែក និងថ្នាក់សមាគមសង្គ្រោះ ( ២០១៧ )

តើមានអ្វីខុសប្លែក ?

នៅក្នុងថ្ងៃចុងក្រោយនេះ ព្រះបានស្ថាបនាឡើងវិញនូវបព្វជិតភាព និងបានរៀបចំកូរ៉ុមបព្វជិតភាព និងសមាគមសង្គ្រោះដើម្បីជួយសម្រេចកិច្ចការរបស់ទ្រង់ ( សូមមើលម៉ូសេ ១:៣៩ ) ។ ដូច្នេះ នៅរាល់ថ្ងៃអាទិត្យ ពេលយើងជួបប្រជុំគ្នានៅក្នុងថ្នាក់បព្វជិតភាព មិលគីស្សាដែក និងសមាគមសង្គ្រោះ យើងរួមគ្នាដើម្បីពិភាក្សា និងដាក់ផែនការទៅលើរបៀបដែលយើងអាចសម្រេចកិច្ចការរបស់ទ្រង់បានដោយរបៀបណា ។ នោះជាមូលហេតុដែលការប្រជុំនេះត្រូវតែមានលក្ខណៈពិសេសច្រើនជាងថ្នាក់ធម្មតា ។ វាក៏ជាឳកាសដើម្បីប្រឹក្សាអំពីកិច្ចការនៃសេចក្តីសង្គ្រោះ រៀនជាមួយគ្នាពីការបង្រៀននៃអ្នកដឹកនាំសាសនាចក្រអំពីកិច្ចការនោះ ហើយរៀបចំវាឡើងដើម្បីសម្រេចកិច្ចការនោះ ។ ការផ្លាស់ប្តូរចំពោះការប្រជុំថ្ងៃអាទិត្យទាំងនេះ នឹងជួយពួកយើងឲ្យបំពេញនូវគោលបំណងទាំងនេះ ។

កាលវិភាគប្រចាំខែ

ការប្រជុំថ្ងៃអាទិត្យនៃថ្នាក់បព្វជិតភាព និងសមាគមសង្គ្រោះ នឹងធ្វើតាមកាលវិភាគនេះប្រចាំខែ ៖

សប្តាហ៍	គោលបំណង
សប្តាហ៍ទីមួយ	ប្រឹក្សាជាមួយគ្នាអំពីការទទួលខុសត្រូវ ឱកាស និងឧបសគ្គនានាក្នុងមូលដ្ឋាន ហើយដាក់ផែនការដើម្បីឆ្លើយតប
សប្តាហ៍ទីពីរ និងទីបី	សិក្សាសារលិខិតថ្មីៗមកពីសន្និសិទទូទៅដែលបានជ្រើសរើសដោយគណៈប្រធាន ឬថ្នាក់ដឹកនាំក្រុម ដោយប៊ីស្សព ឬ ប្រធាន ស្តេក
សប្តាហ៍ទីបួន	ចូរពិភាក្សាអំពីប្រធានបទពិសេសមួយដែលជ្រើសរើសដោយ គណៈប្រធានទីមួយ និងកូរ៉ុមនៃពួកសាវកដប់ពីរនាក់
សប្ដាហ៍ទីប្រាំ	បង្រៀនប្រធានបទមួយដែលជ្រើសរើសដោយគណៈប៊ីស្សព

គំរូមួយសម្រាប់ការប្រជុំទាំងឡាយរបស់យើង

នៅក្នុងការប្រជុំនៃថ្នាក់បព្វជិតភាពមិលគីស្សាដែក និងថ្នាក់សមាគមសង្រ្គោះនីមួយៗ យើងធ្វើតាមគំរូមួយដើម្បីសម្រេចកិច្ចការរបស់ព្រះ ។

ចែកចាយបទពិសោធន៍ទាំងឡាយជាលទ្ធផលមកពីការចាប់អារម្មណ៍ និងការអញ្ជើញបានមកពី ការប្រជុំថ្នាក់បព្វជិតភាពមិលគីស្សាដែក និងថ្នាក់សមាគមសង្គ្រោះ ( ត្រូវបានដឹកនាំដោយសមាជិកនៃគណៈប្រធាន ឬអ្នកដឹកនាំក្រុម ) ។
ប្រឹក្សារួមគ្នា( សប្តាហ៍ទីមួយ ត្រូវបានដឹកនាំដោយសមាជិកនៃគណៈប្រធានមួយ ឬសមាជិកក្រុម ) ឬ រៀនរួមគ្នា ( សប្តាហ៍ទីបីនិង ទីបួនដឹកនាំដោយគ្រូដែលត្រូវបានហៅ )។
ផែនការដើម្បីឆ្លើយតបជាក្រុមមួយ ឬជាបុគ្គល ( ដឹកនាំដោយគណៈប្រធានមួយ ឬ សមាជិកក្រុម ) ។