Iesu ngke e taua te tibu te teei

Ko Aki Mwanuokinaki, iroun Jon McNaughton

Tuun 1-7

Aramwa 5-7

“Kam a tia n rinanon te bitaki ae korakora aio Inanomi?”

Tataro mwaaka n iangoi reirei inanon Aramwa 5–7 are ko namakinna bwa e bootau nakoia ataei ake ko reireiniia.

Korea am namakin

te aikaon ibukin te tibwatibwa

Kaungaa te Tibwatibwa

Kaoiia ataei bwa a na tibwaua te bwai are a uringnga n reiakinna ibukin Aramwa te Ataei tabeua te wiiki n nako. Kabwarabwaraa bwa imwiina ngke e a tia n rairaki Aramwa, e reireiniia aomata bwaai aika a kakawaki n taekan te euangkerio. Anganiia ataei bwa a na tibwauai bwaai ake a atai ake e reirei iaona.

te aikaon ibukin te anga reirei

Reirei te Reirei: Ataei aika a Uarereke

Aramwa 5:44–48

I kona ni karekea au koaua rinanon te Tamnei ae Raoiroi.

Ataei ake ko reireiniia a kona ni karikirakea aia koaua ae matoatoa, riki ngkai a tabe n ikawairake.

Waaki ni Kakukurei aika a Kona ni Karaoaki

• Kabongana tamnein Aramwa te ataei (taraa Te Boki n Tamnei n te Euangkerio, nambwa 77) n rinanon rongorongon te anera are e kawaria (taraa Motiaea 27). Imwiina tuangiia ataei bwa a na kabwarabwaraa bwa tera te koaua, ao buokiia ngkana e riai. Kabwarabwaraa bwa Aramwa e mwakuriia karekan ana koaua imwiin rokon te anera irouna. Karaurau wareka Aramwa 5:46 tabeua te tai, ao kaoiia ataei bwa a na kakauongo nakon te bwai are e karaoia Aramwa ao e kanga n ataa te koaua. (Ko riai ni kabwarabwaraa bwa te aki mamatam e nanonaki n akean te amwarake ao te ran.)

• Katekea tamnein te bwai are e rikirake ao e kainnanoa te tararua ae teimatoa, n aron te aroka ke te man ae uarereke. Tuangiia ataei bwa a na tibwauaia bwa tera arora n tararuai bwaai ao ni buokia bwa a na rikirake. Kauringiia bwa ti riai n teimatoa naba n tararuai ara koaua.

• Kabongana te katibu ae tuai n katibuaki bwa e na tei ibukin te koaua ao uka te ang nako nanona ni katoa tai are ko tibwaua iai te bwai teuana are e na buoka te koaua n rikirake. Kabaea te katibu ao bwaatinna, tuangiia ataei bwa a na tibwaua te bwai teuana are a kona ni karaoia ni buoka aia koaua bwa e na rikirake. Kaoiia ataei bwa a na korei tamneia ni karaoi bwaai ake e na korakora iai aia koaua.

uoman ataeinimwaane ao maan aika a uarereke

Ngkana ti butimwaea te euangkerio, ai bon aekakin waakinan te maiu ae boou.

Aramwa 7:10–13

Te Tia Kamaiu e katoka iaona au bure, marakiu ao korakaiu.

Koaua inanon Aramwa 7:10–13 e kona ni buokiia ataei n ataia bwa Iesu kristo e tabeakiniia ao e konaa ni buokiia.

Waaki ni kakukurei aika a Kona ni Karaoaki

• Kaota tamnein Iesu nakoia ataei. Kabwarabwaraa bwa e ataia bwa aekakira aron te maraki, nanokawaki, ke te maaku. Wareki tabeua taeka man Aramwa 7:11–13 are e kabwarabwarai bwaai ake e korakai iai te Tia Kamaiu, ao kabwarabwarai taeka ake aki ota iai ataei. Kaotia bwa Iesu e kona ni buokira ao ni karaui nanora ngkana ti nanokawaki. Tibwauaia bwa e kanga te Tia Kamaiu ni buokiko ao ni karaua nanom.

• Tuangiia ataei bwa a na tibwaua te bwai are a rinanona ngkana a aoraki ke a maraki ke iai aia kaangaanga teuana are a nanokawaki iai. Kaota am koaua bwa te Tia Kamaiu e a tia n rinanon te korakai ni bwaai akanne naba ao e ataa arona ni buokiira.

Aramwa 7:19–20

Te kawai n okira Tamara are i Karawa ao Iesu Kristo e bon ineti.

Ko na kanga ni kabongana ana kabwarabwara Aramwa n te kawai n okira Tamara are i Karawa ni buokiia ataei n reiakinna ni karaoi rinerine aika a raoiraoi?

Waaki ni Kakukurei aika a Kona ni Karaoaki

• Wareka Aramwa 7:19 nakoia ataei, ao kabwarabwaraa bwa ngkana ti karaoi rinerine aika raraoi, ti a toka iaon te kawai are e kairiira n oki nakon Tamara are i Karawa. Anganiia ataei rinanin rinerine ao mwakuri (n aron te aro ae aki akoi nakoia kain te utu ke ni buokakiia). Tuangiia bwa a na tuangko ngkana rinerine akanne n tatabeua nako e raoiroi ao e kairiko n oki nakon te Atua ke ngkana e buakaka ao e kairiia nako mai Irouna.

• Wareka Aramwa 7:20 ao buokiia ataei n ota bwa taeka ni kibu aikai e kabwarabwaraa te kawai n oki rikaaki nakon te Atua. Koreia iaon te burakibooti te kawai ae eti mai iroura nakon Tamara are i Karawa. Imwiina korea te kawai ae bwakeke are e airi ma kawai ae aki reitinako are e kairiko nako mai iroun te Atua. Kaoiia ataei bwa a na rimwin kawai ni kauoua akanne ni baia. Enga te kawai ae tamaroa riki? Buokiia bwa a na iangoi rineriine aika raraoi ake e na buokiia n tiku iaon te kawai ae eti.

te aikoan ibukin te anga reirei

Reirei te Reirei: Ataei aika a Ikawai

Aramwa 5:12–14, 27–28, 57; 7:14–24

I riai ni manga bungiaki riki ao imwiina N na ira te kawai are e kairi n oki nakon te Atua.

Ko na kanga ni buokiia ataei n ataia bwa tera ae nanonaki n te manga bungiaki?

Waaki ni Kakukurei aika a Kona ni Karaoaki

• Kaotia nakoia ataei tamnein te merimeri, ao kaoiia bwa a na maroroakinna bwa aekakira te ataei ngkana teuanne ke neienne e moan bungiaki. Kaoa te ataei bwa e na wareka Aramwa 5:14. Ni buoka te ataei bwa e na ota n te bwai are e nanonaki n te “maiu n tamnei … bungiaki iroun te Atua,” tuangiia bwa a na iango bwa aekakira Aramwa te Ataei imwain are e rairaki. Aekakira ngaia imwiina? (Taraa Motiaea 27:23–32 ao Aramwa 36:12–24.) Kabwarabwaraa bwa ngkana ti karekea te onimaki iroun Iesu Kristo ao ni maiuakina Ana euangkerio, kanga ai aron manga moanakin te maiu ae boou, n aron te merimeri.

• Ikotaki wareka Aramwa 7:19, ao kabwarabwaraa bwa imwiin manga bungiakira, ti riai n iriira “te kawai are e kaeineti nakon uean te Atua.” Karabai beeba rinanon nako te ruu ma kibu aikai ni koreaki iaoia: Aramwa 5:12–13, 27–28, 57; 7:14–16, 23–24. Kaoiia ataei bwa a na kakaai beeba, n tarai kiibu, ao n tibwauaia bwa tera are a reirei iaona kiibu akanne ake ti riai ni karaoia bwa ti aonga n oki nakon te Atua.

Aramwa 5:14, 44–48

I kona ni karekea oin au koaua rinanon te Tamnei ae Raoiroi.

Aramwa e kawaraki iroun te anera, ma ana koaua a “kaotaki koauaia [nakoina] iroun te Tamnei ae Tabu” (Aramwa 5:46).

Waaki ni Kakukurei aika a Kona ni Karaoaki

• Wareware ma ataei Aramwa 5:44–46. Tera ae e karaoia Aramwa ni karekea ana koaua n te euangkerio? Anganiia ataei te mwakoro ni beeba ao kaoiia bwa a na karaoa te baire ni karaoa te bwai teuana n te wiiki aei ni kamatoa aia koaua.

• Bwaatina te tirotaam ao anganiia ataei bwa a na noori tamneia ngkai ko wareka Aramwa 5:14. Tera ae e nanonaki ni karekean taraakin moan te Tia Kamaiu i moara? Tibwaua te tai ae iai temanna ae e taku ke e a tia ni karaoa te bwai teuana are e kauringko iai ibukin te Tia Kamaiu, ao n tuangiia ataei bwa a na karaoa naba ae aron anne.

Aramwa 7:10–13

Te Tia Kamaiu e katoka iaona au bure, marakiu, ao korakaiu.

Ngkai ko kamatebwaia Aramwa 7, iangoia bwa ko na kanga ni karikirakea aia onimaki ataei iroun Iesu Kristo bwa aonga n rairaki nakoina n aia kaangaanga.

Waaki ni Kakukurei aika a Kona ni Karaoaki

• Kaoiia ataei bwa a na wareka Aramwa 7:11–13, n taratarai bwaai ake e korakai iai Iesu Kristo. A kona ni kan tibwaua aia namakin ngkana a namakina te maraki, aoraki, ke te korakai. Ni kaineti nakon kibu aikai, bukin tera te Tia Kamaiu e tauraoi ni korakai rinanon aikai ni kabane? (Kabwarabwaraa bwa “succor” nanona “n ibuobuoki.”)

• Tuangiia ataei taekan te aoraki, te ikoaki, ke kaangaanga tabeua ake ko a tia ni karekei, ao titiraki ngkana a tia n namakina ae titebo ma aekakina. Ikotaki wareka Aramwa 7:11–13, ao katebenakoi bwaai ake e korakai iai Iesu ibukira. Buokiia ataei bwa a na iangoa te tai are e rinanon iai bwaai aikai te Tia Kamaiu, n aron ngke E kataaki (taraa Mataio 4:1–11) ke ngke E korakai i Ketetemwane. E kanga ni buokiira n ataia bwa Iesu e ota n ara kaangaanga? Tibwaua am kakoaua ni mwaakan Iesu ni karaunano, ibuobuoki, ao ni kamarurungiira.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na katinea tamnein Iesu n te tabo are a kona n nooria iai n taainako bwa e na kauringiia te bwai are a reiakinna n rongorongona n te bong aei.

Kanakoraoan ara Anga reirei

Kanakoraoia n aron te tia reirei ae ai aron Kristo. N aron te tia reirei, e kakawaki bwa ko na iangoi kawai ake ko na kona iai ni karaka am konabwai ni buokiia ataei ni katea aia onimaki iroun Tamara are i Karawa ao Iesu Kristo. Iangoa kabonganakin titiraki iaon nooran am waaki ibon iroum iaon iteraniba 37 n Reirei n Ana Kawai te Tia Kamaiu.

iteraniba ibukin te waaki ni kakukurei: I kona n riki n ai aron te Tia Kamaiu