Te Kateniua n Nibwaai: Tengaun ma Uoman Aikai Ake I a tia n Rineia, iroun Gary L. Kapp

Tebetembwa 21–27

3 Nibwaai12–16

“Bon Ngai te Tua, ao te Ota”

Ngkai kam kamatebwaia 3 Nibwaai 12–16, taratarai koaua ake a na rangi n nano nakoia ataei ake ko reireiniia. Aio are e kaoti koaua tabeua ake a taekinaki, ma te Tamnei e kona ni katerea nakoia tabeman.

Korei Am Namakin

Kaoa te Tibwatibwa

Bwaatina tamnein Iesu. Anganiia ataei bwa a na onomwi n taua te tamnei ao n tibwaua teuana te bwai are e reirei iai Iesu, n aron te bwai are a reiakinna ni mweengaia n te wiiki aei.

Reirei te Reirei: Ataei aika a Uarereke

3 Nibwaai 12:14–16

I kona n riki bwa te banna ni katoto ae tamaroa nakoia tabeman.

N tabetai ataei a kona n aki ata mwaitin aia banna ni katoto are e kona ni kakabwaiaia tabeman. Kabonganai kibu aikai ni kaungaia bwa a na kaotai aia taura.

Waaki ni Kakukurei aika a Kona ni Karaoaki

• Tuangiia ataei bwa 3 Nibwaai 12:14–16 bon rongorongoia, ao ngkanne warekia ni kabaibati. N te tai are ko wareware iai “ngkoe” ke “ngkami,” koteia ataei, ao tuangiia bwa a na bon koteiia.

• Kaota te tooti nakoia ataei, ao kaoa temanna mai ibuakoia bwa e na kauraa. Kabwarabwara bwa ngkana ti iriira te Tia Kamaiu, bon aekakin kauraan te taura are e kona ni buokiia tabeman bwa a na iriiria naba. Ngkanne rabuna ke karaba te ota, ao tuangiia ataei bwa a na atonga aran bwaai tabeua ake a kona ni karaoi bwa a na riki bwa banna ni katoto nakoia tabeman. Ni katoatai are a karaoia iai, anganiia bwa a na kanakoa rabunan te tooti (taraa naba te iteraniba ibukin te waaki ni kakukurei n te wiiki aei).

• Ikotaki anenea te kuna are e kaungaia ataei bwa a na ota n ai aron te ota, n aron “Shine On” ke “I Am like a Star” (Aia Boki n Anene Ataei, 144, 163). Tuangiia ataei taekan te ota are ko nooria irouia ngkana a karaoi “mwakkuri aika a raraoi,” ao kabwarabwara bwa e kanga aia taura ao aia banna ni katoto ni buokiia tabeman ao ngkoe ni karaoi naba mwakuri aika a raraoi.

3 Nibwaai 14:7

Tamara are i Karawa e kaekai au tataro.

Te kibu aei e kona ni buokiia ataei n ota bwa te Atua e na ongo ao e na kaekai aia tataro.

Waaki ni Kakukurei aika a Kona ni Karaoaki

• Ngkai ko wareka 3 Nibwaai 14:7, kaoiia ataei bwa a na karaoa te mwakuri are e tei ibukin ana kakao nako te Tia Kamaiu inanon te kibu aei. Te katoto, a kona ni katei baia (titiraki), katei bwaai ni kataratara ma baia (kakaae), ke karaoa aron te karebwerebwe (karebwerebwe). Buokiia ateai bwa a na iangoi bwaai ake a kona n taekin ao n bubuti n aia tataro. Kabwarabwara bwa ti kona n tuanga Tamara are i Karawa bwaai ni kabane, ao E kakauongo ibukina bwa E tangiriira.

• Kaoiia ataei bwa a na kaota nakoim te bwai are a karaoia ma baia, mataia , ao atuia ngkana a tataro. Kabongana te kuna n aron “We Bow Our Heads” ni buokiia iai (Aia Boki n Anene Ataei, 25). Antai ae ti taetae nakoina ngkana ti tataro? Kaota am koaua bwa Tamara are i Karawa e ongo n ara tataro.

3 Nibwaai 14:24–27

Te Tia Kamaiu e tangirai bwa N na ongo ao ni karaoi bwaai ake E reireinai.

Ti ongoraean ana taeka te Tia Kamaiu e aki tau. Ti naake a maiuakina Ana reirei aika a kona ni kaitarai buakan te maiu.

Waaki ni Kakukurei aika a Kona ni Karaoaki

• Ikotaki anene “The Wise Man and the Foolish Man” (Aia Boki n Anene Ataei, 281), ke wareka 3 Nibwaai 14:24–27. Buokiia ataei ni karini araia ibukin “te mwaane ae wanawana” ngkai a anene. Bukin tera ana auti te mwaane are wanawana e tiku n tei n tain te buaka? Rinanon kibu 24 ni katuruturua bwa e uaia n ongo ao ni karaoi bwaai ake e taekin te Tia Kamaiu.

• Kaotia nakoia ataei te atibu ao taano. Tuangiia bwa a na kotea te atibu ngkana ko kabwarabwara te rinerine n iriira te Tia Kamaiu ao ni kotea te tano ngkana ko kabwarabwara te rinerine n aki Iriiria. Kakoaua bwa ngkana ti karaoa te bwai are e taekinna te Tia Kamaiu, tina korakora n aron te auti are e kateaki iaon te bwaa.

Reirei te Reirei: Ataei aika a Ikawai

3 Nibwaai 12:6

I riai ni baki man taka ibukin te raoiroi.

Ni kabane a kona ni kaineti nakon te baki ao te taka; are e taekinna te Tia Kamaiu man namakin aikai n reireiniira bwa ti kanga n namakina ukoukoran te raoiroi.

Waaki ni Kakukurei aika a Kona ni Karaoaki

• N aki karekea ongoia ataei ake tabeman, tuanga temanna te ataei bwa angkoa e amwarake ke e mooi, ao anganiia ataei ake tabeman bwa a na keetina te bwai are e karaoia teuanne ke neienne. Tera te namakin ni kanakin te amwarake ae tamaroa ao nimakin te ran ae itiaki? Ti kanga ni kamwarakea tamneira? Kaoiia ataei bwa a na wareka 3 Nibwaai 12:6 ni kakaea bwa tera ae e tangiriira te Tia Kamaiu bwa tina “baki ao n taka ibukina.” Tina kanga ni kaotia bwa ti tangira te raoiroi n aron tangiran te amwarake ao te mooi?

• Uoti tamnein amwarake ao mooi, ao katoai korei taekaia ma kibu man koroboki aika tabu n aron Taian Areru 119:103; Ioane 6:35; 2 Nibwaai 32:3; Enoti 1:4; ke 3 Nibwaai 20:8. Tuangiia ataei bwa a na wareka te kibu ao ni kabwarabwara te bwai are a reirei iaon te bwai are ti kona ni karaoia ni kaotia bwa ti baki ao ti taka ibukin te raoiroi. Tibwa te bwai ae ko a tia n rinanona are ko a tia iai n namakinna ni “kaonaki n te Tamnei ae Raoiroi,” ao kaoiia ataei bwa a na tibwa te bwai are a rinanona.

3 Nibwaai 13:1–8, 16–18

I riai ni karaoa te bwai ae raoiroi ni bukina ae eti.

Kiibu aikai a kaotia bwa te mwakuri are raoiroi anne e aki tau—ara mwakuri e riai ni kairaki man ana tangira te Atua ao te nano ni kan beku Ibukina.

Waaki ni Kakukurei aika a Kona ni Karaoaki

• Tuangiia ataei n tatabemaniia bwa a na kakaea 3 Nibwaai 13:1–4, 5–8, ke 16–18 ao ni kinai mwakuri aika raraoi ake a taekinaki ni kiibu aikai (kabwarabwara bwa karaoan “alms” nanona anganakiia kainnano). Bukin tera e taekinna te Tia Kamaiu bwa ti na aki riki n aroia aomata ake a karaoi bwaai aikai?

• Katoaia anganiia ataei te mwakoro ni beeba ma te mwakuri ae raoiraoi ae koreaki iaona (ke anganiia bwa a na iangoi oin aia katoto). Tuangiia bwa a na iangoi bukina aika a raraoi ao aika a buakaka ni karaoan bwaai aikanne. Kaungaia n tainako bwa a na karaoi bwaai aika a raraoi ibukin karaoan bwaai aika raraoi.

3 Nibwaai 14:21–27; 15:1

Kamanoan te maiu n tamnei e roko man karaoan bwaai ake e reirei iaona te Tia Kamaiu.

“Te karau” ao te “ieka” e roko iroura ni kabane n te maiu, ma ti kona ni tokanikai iaon kataaki ngkana ti uaia n ongo ao ni karaoi bwaai ake e reirei iai Iesu.

Waaki ni Kakukurei aika a Kona ni Karaoaki

• N te kiraati, wareka 3 Nibwaai 14:21–27 ao 15:1, ao tuangiia ataei bwa a na teirake ni katoa te tai are a wareka iai “karaoa.” Bukin tera te Tia Kamaiu e katuruturua karaoan bwaai ake E taekin, n aki tii ongo ke n uringii? Kaoiia ataei bwa a na korea tamnein kibu 24–25 ao koreia iaon te atibu “Iesu” ao te bwai are e reireiniira Iesu bwa ti na karaoia. Ikotaki anenea “The Wise Man and the Foolish Man” (Aia Boki n Anene Ataei, 281).

• Kaoiia ataei bwa a na teirake, ao tuangiia bwa a na iangoia bwa teaina rangaia e tei ibukin ongoraean ana taeka te Tia Kamaiu ao are teaina ibukin karaoaia. Kaoiia bwa a na katea rangaia are “karaoaia” ao kabaeranti iaon rangaia are “ongoraeana”. Tera ae e na riki ngkana e kare te ang ae korakora inanon te ruu? Kabongana te katoto aei ni kabwarabwara bukin tera e mano riki bwa kona karaoa te bwai are e taekinna te Tia Kamaiu ao n aki tii ongo n Ana taeka.

Kaungaa te Kamatebwai n te Mweenga

Kaoiia ataei bwa a na anaa te bwai teuana are a reiakinna n ana reirei Iesu n te bong aei ao ni baireia bwa e na karaoa nanona. E kanga aia mwakuri ni buokiia n riki bwa te ota nakoia aia utu ao raraoia?

Kanakoraoan Ara Anga reirei

Karaoi waaki ni kakukurei ake a na katoki kainnano. Tai tarai kaotinano bwa kaetieti ake ko riai n irii. Ma, karaoi bwa bwaai ni kareke iango ake a kona ni kaungaa kaungaakim ngkai ko iangoi kainnanoia ataei ake ko reireiniia. Ni keiti tabeua, ko kona n namakina te kaunganano ni karaoa te waaki ni kakukurei ibukiia ataei ake a uarereke riki n reireiniia ataei ake a ikawai riki, ke ni kaibibiti.