Kararag ni Cristo, ni Derek Hegsted

Oktubre 19–25

3 Nephi 27–4 Nephi

“Awanen ti Nararagsak a Tao”

Bayat ti panangbasam iti 3 Nephi 27–4 Nephi, ibilangmo dagiti padas, pampanunot, nasantuan a kasuratan, ken estoria a makatulong kadagiti ubbing a makaawat kadagiti konsepto kadagitoy a kapitulo.

Isuratmo Dagiti Impresionmo

Yawis ti Panagbibinninglay

Tulongam dagiti ubbing a manglagip no ania ti nasursuroda iti napalabas a sumagmamano a lawas maipapan iti no ania ti insuro ni Jesus kadagiti tao iti daga ti Bountiful. Ilawlawag nga isalaysay kadatayo ti Libro ni Mormon no kasano a nabendisionan dagiti tao idi nagtungpalda iti insuro ni Jesus kadakuada.

Isuro ti Doktrina: In-inaudi nga Ubbing

3 Nephi 27:1–22

Kamengak ti Simbaan ni Jesucristo.

Kasano a makatulong kadagiti ubbing dagiti balikas ti Mangisalakan kadagiti disipulona tapno maawatanda ti kinapateg iti panagkameng iti Simbaan ni Jesucristo?

Dagiti Mabalin nga Aktibidad

• Kiddawem iti tunggal ubing a mangisao iti naganna. Apay a napateg dagiti nagantayo? Isaritam kadakuada a kayat a maammuan dagiti disipulo ni Jesus no ania ti nasken nga inaganda iti Simbaan ni Cristo. Ibasam kadakuada ti sungbat ti Mangisalakan iti 3 Nephi 27:7. Asino ti kinuna ni Jesus a nasken a maipanagan iti Simbaanna?

• Mangaramid iti maysa a tsapa nga agkuna iti “Kamengak ti Ti Simbaan ni Jesucristo dagiti Santo iti Ud-udina nga Aldaw” nga usaren ti tunggal ubing iti pagtaengan. Bay-am a koloran dagiti ubbing dagitoy nga tsapa. Kantaen ti The Church of Jesus Christ”Children’s Songbook, 77) a kas maysa a klase. Ibagam no apay nga agyamyamanka a kamengka iti Simbaan, ken saludsudem kadagiti ubbing no pay nga agyamyamanda para iti Simbaan.

• Tulongam dagiti ubbing a mangbukkel ti maysa a puzzle iti panid ti aktibidad itoy a lawas. Ilawlawag a kayat ni Jesus a maibangon ti Simbaanna iti Ebangheliona, ken usarem ti panid ti aktibidad tapno isaritam kadagiti ubbing maipapan iti kaipapananna.

4 Nephi 1:2–3, 15–17

Mangyeg kaniak ti rag-o ti panagbiag iti ebanghelio.

Makatulong kadagiti ubbing ti nailadawan a kinaragsak dagiti tao iti 4 Nephi a masursuro ti maipapan iti rag-o a sumangbay manipud iti panagbiag ti ebanghelio.

Dagiti Mabalin nga Aktibidad

• Awisem dagiti ubbing a mangisarita maipapan iti no ania ti makapagbalin kadakuada a naragsak. Ibagam kadagiti ubbing ti maipapan ti kinaragsak ti tao iti 4 Nephi , basae ti kangrunaan a ragup dagiti balikas maipud iti verses 2–3 and 15–17. Mabalinmo pay ti agibasar iti“Kapitulo 48: Kappia iti America” (Dagiti Estoria iti Libro ni Mormon, 136–37, wenno ti katupagna video on ChurchofJesusChrist.org). Inyunay-unay a naragsak dagiti tao gapu ta napasurotda iti ebanghelio ti Apo, nagtungpalda kadagiti bilin, ken ayatenda ti maysa ken maysa.

• Mangipakita kadagiti ladawan ti naragsak a tattao. Ilawlawag a dagiti tao iti 4 Nephi ket dandani a naaddaan iti 200 a tawen a kinaragsak gapu ta inaramida amin a kabaelanda nga agbiag iti ebanghelio. Tulongam dagiti ubbing nga agpanunot kadagiti sumagmamano a bilin a kabaelanda a tungpalen. Kas pagarigan, mabalin a basaem kadakuada ti 4 Nephi 1:15 tapno maisurom a dagiti tao ket saanda pulos a naglalaban iti tunggal maysa. Awisem dagiti ubbing nga agtignay a mangtungtungpal kadagiti bilin a napanunotda. Aggigiddan a mangkansion iti maysa a kanta maipapan iti rag-o a sumangbay manipud iti panagbiag iti ebanghelio, kas iti “When We’re Helping” (Children’s Songbook,198).

• Basaen ti ragup dagiti balikas manipud iti 4 Nephi 1:24–29, 34–35, and 43 a mangiladawan no ania ti mapasamak idi nagsardeng dagiti sumagmamano a Nephite nga agtungpal kadagiti bilin. Bayat nga ar-aramidem, awisem dagiti ubbing nga agaramid iti naliday a rupa no mangngegda ti maysa a saan a naragsak a banag. Paneknekam a mangiturong iti ragsak ti panangtungpal kadagiti bilin.

Isuro ti Doktrina: In-inauna nga Ubbing

3 Nephi 27:3–8

Kamengak ti Simbaan ni Jesucristo.

Ibilang no kasano a matulongam dagiti ubbing a sursuruam a mabigbig ti naindaklan a bendision manipud iti panakaikammeng iti Simbaan ni Jesucristo.

Dagiti Mabalin nga Aktibidad

• Awisem dagiti ubbing a basaen ti 3 Nephi 27:3, a mangsapsapul ti saludsod dagiti disipulo ni Jesus Kenkuana. Kalapasan awisem ida a biruken iti 3 Nephi 27:5–8 para iti sungbat. Segun kadagitoy a bersikulo, apay a napateg ti nagan ti Simbaan?

• Kiddawen kadagiti ubbing a manginagan kadagiti nadumaduma a grupo a naikamenganda, kas kadagiti pamiliada wenno klase ti Primary. Kiddawem kadakuada nga ibagada kenka no ania ti kayatda maipapan iti panakaikammengda iti tunggal grupo. Kiddawem kadagiti ubbing a tumulong kenka nga isurat ti tunggal balikas iti nagan ti Simbaan iti sabali a papel. Paglalaokem dagiti papel, ket awisem dagiti ubbing nga urnosenda dagitoy a balikas. Ania dagiti bendision a naawattayo gapu ta kammengtayo Ti Simbaan ni Jesucristo dagiti Santo iti Ud-udina nga Aldaw?

3 Nephi 27:13–22

Naibangon Ti Simbaan ni Jesucristo kadagiti ebangheliona.

Ginupgop ti Mangisalakan ti ebangheliona iti 3Nephi 27. Kasano a makatulong dagiti balikasna kadagiti ubbing a makaawat no ania ti kaipapanan ti ebanghelio?

Dagiti Mabalin nga Aktibidad

• Ilawlawag kadagiti ubbing a ti kaipapanan ti balikas nga ebanghelio isu ti “naimbag a damag” (kitaen ti Bible Dictionary, “Gospels”). Awisem dagiti ubbing a biroken iti 3 Nephi 27:13–15 ti maysa a banag a kasla naimbag a damag para kadakuada. Apay nga agyamantayo a makaammo ti ebanghelio ni Jesucristo?

• Isurat iti pisarra dagiti pagbatayan ti ebanghelio kas iti pammati, panagbabawi, panagbuniag, ti Espiritu Santo, ken panagibtur agingga iti panungpalan. Awisem dagiti ubbing a biruken iti 3 Nephi 27:19–21, nga agsapsapul kadagitoy a balikas wenno kapadana a balikas iti panangiladawan ni Jesus ti ebangheliona.

• Kiddawem kadagiti ubbing nga iladawan iti panunotda nga addaanda iti maysa a gayem nga salsaludsodena ida no ania ti pammatida a kas maysa a kammeng ti Simbaan. Tulongam ida a sapulen dagiti kinapudno iti 3 Nephi 27:13–21 a mabalinda nga ibinglay tapno magupgop no ania ti pammatitayo.

• Awisem dagiti ubbing a pilien ti maysa kadagiti kinapudno ti ebanghelio nga insuro ti Mangisalakan iti 3 Nephi 27:13–21 a kayatda a masursuro ti ad-adu pay. Tulongam ida nga usaren ti footnotes, Topical Guide, wenno Pangiwanwan iti Nasantuan a Kasuratan tapno masarakan ti nasantuan a kasuratan wenno dua a mainaig iti kinapudnona dayta. Awisem ida nga ibinglay dagiti nasantuan a kasuratanda iti tunggal maysa ken no ania ti nasursuroda. Apay nga agyamantayo a makaammo ti ebanghelio ni Jesucristo?

4 Nephi

Mangyeg kaniak ti rag-o ti panagbiag iti ebanghelio.

Gapu ta napasurotda ken ni Jesucristo ken iti ebangheliona, nakaipasdek iti kagimongan ti kapia ken tunos dagiti tao a nailadawan iti 4 Nephi. Ania ti masursuro dagiti ubbing manipud kadakuada?

Dagiti Mabalin nga Aktibidad

• Mangisagana kadagiti babassit a papel nga addaan iti ragup dagiti balikas manipud iti 4 Nephi 1:2–3, 5, ken 15–17 a mangiladawan kadagiti bendision a naawat dagiti tao (kas iti “awan ti panagririnnupir iti pagilian”). Ikabil dagiti papel iti maysa a pagikkan, ken pagpidutem ti tunggal ubbing ken basaena daytoy. Yallukoyem dagiti ubbing a mangsapul kadagiti ragup dagiti balikasda kadagitoy a bersikulo manipud iti 4 Nephi. Ania ti masursurotayo manipud kadagitoy a ragup dagiti balikas? Ania dagiti makitatayo a pagpapadaan manipud kadagitoy a bersikulo ken iti panakailadawan ti Sion iti Moses 7:18?

• Tapno matulongam dagiti ubbing a mangsanay iti naisursuro iti 4 Nephi 1:15–16, mangipakita kadakuada dagiti kasasaad a dagiti tao ket agpupungtot iti tunggal maysa. Awisem ida nga iyakemda no ania ti mabalin a kasasaad no padasenda nga agbiag nga “awan iti agririnnupir.” Apay a nalaklaka a liklikkan ti agririnnupir no adda kadatayo ti “ayat ti Dios” iti puspusotayo?

• Baasem kadagiti ubbing dagiti sumaganad a bersikulo, ken awisem ida a kiaten dagiti panggep no apay a naawanan dagiti Nephite ken Lamanite iti kapia ken kinaragsak iti 4 Nephi 1:20, 24–29, 34–35, and 43. Kasano a maliklikantayo dagitoy a peggad? Tulongam dagiti ubbing a mangduktal kadagiti wagas a maliklikantayo ti panagpannakkel babaen iti panagrebyu ti Teachings of Presidents of the Church: Ezra Taft Benson (2014), 238–39.

Yallukoy ti Panagsursuro iti Pagtaengan

Yallukoyem dagiti ubbing a mangikeddeng iti maysa a banag nga aramidenda tapno mangyeg iti kapia ken ragsak kadagiti pagtaenganda ken ibinglayda daytoy kadagiti pamiliada.

Panangpadur-as iti Panangisurotayo

Suportaram dagiti nagannak dagiti ubbing. “Dagiti nagannak ti kapatgan a mannursuro iti ebanghelio para kadagiti annakda—agpadada nga addaan iti kangrunaan a pagrebbengan ken kaindaklan a bileg a makaimpluwensia kadagiti annakda (kitaen iti Deuteronomio 6:6–7). Bayat ti panangisurom kadagiti ubbing iti simbaan, sikakararag a mangsapul kadagiti wagas a pakatulongam kadagiti nagannak iti napateg nga akemda” (Panangisuro iti Wagas ti Mangisalakan, 25