O Josefa, o Meri, kei na gonelailai o Jisu ena dua na vale ni manumanu

Raica na Lami ni Kalou, mai vei Walter Rane

21–27 ni Tiseba

Siganisucu

“Sa Lako Mai ki Vuravura me Tasereki Ira na Nona Tamata”

O ira na gone era dau taleitaka me ra veivosakitaka na sala era na marautaka kina na Siganisucu. Vakasamataka vakatitobu na cava o rawa ni cakava me vukea na nodra vakanamata vei Jisu Karisito kei na nodra vakavinavinaka me baleta na Nona sucu.

Vola na Veika o Uqeti Kina

ivakatakilakila ni veiwasei

Sureta na Veiwasei

Sureti ira na gone me ra tukuna se droinitaka e dua na iyaloyalo ni dua na ka era cakava vakamatavuvale ena gauna ni Siganisucu me vukei ira mera nanumi Jisu Karisito.

ivakatakilakila ni veivakavulici

Vakavulica na iVunau: Gone Sobu

1 Nifai 11:13–22; Mosaia 3:5–8; Alama 7:9–13; Ilamani 14:1–6; 3 Nifai 1:15, 19–21

A digitaki ko Jisu Karisito me Noda iVakabula.

Era sa kila tiko beka o ira na gone o vakavulica tiko na cava na vuna eda dau marautaka kina na Siganisucu? E rawa vakacava mo vukei ira mera kila deivaki na cava e vu ni marau kina na sucu i Jisu Karisito?

iTaviqaravi e Rawa ni Caka

• Tukuna vei ira me baleta na sucu i Jisu, ka vakaraitaka na iyaloyalo ni ko cakava tiko (me vaka ena Gospel Art Book, naba 28, 29, 30, 31). Mera wasea na gone na veika era kila. Vakayagataka na tabana ni itaviqaravi ena macawa oqo me vakavulici ira na gone ni ko ira na tamata era bula tiko ena gauna ni iVola i Momani era kila me baleta na sucu i Jisu.

• Wilika na vu ni malanivosa eso mai na Alama 7:11–12 me vakavulici ira na gone na veika a vakayacora o Jisu ena vukuda. Wasea na vuna o sa vakavinavinaka vakalevu kina ni a sucu ko Jisu Karisito, ka tukuna na nomu nanuma me baleta na Nona isoro ni veivinakati.

• Vakaraitaka na iyaloyalo eso e tukuna tiko na nona isorobula ni veivinakati na iVakabula—me vaka na nona rarawa mai Kecisemani, mate ena kauveilatai, kei na tucaketale mai na mate (raica na Gospel Art Book, naba. 56, 57, 58, 59). Kerei ira na gone me ra tukuna vei iko na veika era raica ena iyaloyalo. Vukei ira me ra kila ni sa talai Jisu Karisito mai ki vuravura na Tamada Vakalomalagi me mai vakararawataki ena vuku ni noda ivalavala ca, mate ena vukuda, ka tucaketale me rawa ni da lesu ka laki bula vata kei Koya.

• Lagata vei ira na gone na sere me baleta na sucu i Jisu, me vaka na “He Sent His Son” se “Away in a Manger” (Children’s Songbook, 34–35, 42–43). Dusia vei ira na gone na malanivosa ni sere e vakamacalataka na veivakalougatataki sa tu vei keda me baleta na sucu i Jisu.

2 Nifai 25:23, 26.

Na iVola i Momani e ivakadinadinataki Jisu Karisito.

Ni o tinia na nomu vulica na iVola i Momani ena yabaki oqo, vakananuma vei ira na gone ni ivola oqo e “Dua Tale na iVakadinadina kei Jisu Karisito,” ka volai me vukei keda meda lako yani Vua.

iTaviqaravi e Rawa ni Caka

• Taura cake e dua na ilavelave ni iVola i Momani me ra raica na gone. Wilika na ulutaga ka dusia na vosa “E dua tale na ivakadinadina kei Jisu Karisito.” Me ra veivukevuke na gone ena taura na ivola, ka vukei ira mera kunea na yaca ni iVakabula e waqana. Tukuna vei ira na gone na nomu vakila baleta na iVola i Momani kei na sala sa vukei iko kina mo vulica na veika e baleti Jisu Karisito.

• Solia mera yadua na gone e dua na iyaloyalo kei Jisu, se me ra droinitaka vakai ira na kena iyaloyalo o Koya. Sureti ira me ra taura cake tu na nodra iyaloyalo ena gauna era rogoca na yaca i Karisito ni ko wilika na 2 Nifai 25: 23, 26. Vakadinadinataka ni a volai na iVola i Momani me vukei keda meda “vakabauta na Karisito” (2 Nifai 25: 23).

• Wasea vei ira na gone e dua na nomu tikina taleitaki se italanoa mai na iVola i Momani e vukea na nomu vuli me baleti Jisu Karisito. Tarogi ira na gone me baleta na nodra italanoa taleitaki mai na iVola i Momani, ka vukei ira mera raica ni italanoa eso oqo ena vukei keda meda vuli me baleta na iVakabula ka ra toro voleka vei Koya. Ni raici mada na iyaloyalo era tiko ena iTalanoa ena iVola i Momani ena rawa me vukei ira mera nanuma tiko na italanoa.

ivakatakilakila ni veivakavulici

Vakavulica na ivunau: Gone Qase Cake

1 Nifai 11:13–22; Mosaia 3:5–8; Alama 7:10–13; Ilamani 14:1–6; 3 Nifai 1:15, 19–21

Ea sucu ko Jisu Karisito me noqu iVakabula.

Vakasamataka mada na sala vinaka duadua ko rawa ni vukei ira kina na gone me ra kila na bibi ni nona sucu na Karisito kei na kena ibalebale vei ira.

iTaviqaravi e Rawa ni Caka

• Solia vei ira yadua na gone e dua na tiki ni ivolanikalou ka tiko ena tabana e na itaviqaravi ena macawa oqo. Sureti ira yadua mera wilika na nodra ivolanikalou, vakatakila na parofita e vosa tiko, ka wasea e dua na ka e kila na parofita oqo me baleti Jisu Karisito. Vukei ira se laiva me ra cakacaka vata ke gadrevi.

• Vola ena vava ni volavola eso na ka e yaco wavokita na sucu i Jisu, me vaka e vakamacalataki ena Luke 2:4–14; Maciu 2:1–2; kei na 3 Nifai 1:15, 19–21. Vukei ira na gone mera vakasaqara na ivolanikalou oqo me kila kina se na veika e a yaco mai Peceliema, Amerika, se o rau ruarua. Na cava na vuna eda sa vakavinavinakataka tiko kina na iVola i Momani ni ikarua ni ivakadinadina ni sucu nei Jisu Karisito kei na ilesilesi me iVakabula?

• Wilika na Alama 7:10–13 vata kei ira na gone. Na cava eda vulica mai na veitikina oqo me baleta na sucu i Jisu? me baleta na Nona ilesilesi vakalou? me baleta na Nona ilesilesi e vuravura? Sureti ira na gone me ra wasea na vuna era vakavinavinaka kina baleti Jisu Karisito, ka wasea na nomu ivakadinadina baleti Koya.

2 Nifai 25: 23, 26; 33: 4, 10

Na iVola i Momani e ivakadinadinataki Jisu Karisito.

Ni vosa tiko me baleta na iVola i Momani, na Parofita o Josefa Simici ni “ka na toro voleka vua na Kalou na tamata e bulamuria na kena ivakavuvuli, mai na veivola kece tale” (ivakamacala taumada ni iVola i Momani). O na vukei ira vakacava na gone me ra ciqoma na yalayala oqo?

iTaviqaravi e Rawa ni Caka

• Solia e dua vei ira na tikina oqo vei ira yadua na gone: 2 Nifai 25: 23, 26; 33: 4, 10. Sureti ira na gone me ra wilika na nodra tikina ka raica na ka e vinakata na parofita ni iVola i Momani ko Nifai me da kila. Kerei ira me ra vola na ka era kunea ena papanivolavola. Vakamacalataka ni veika oqo e vakamatatataka tiko e dua na inaki bibi ni iVola i Momani. Me ra dramataka vakai ira na gone se ra vakamacalataka vakacava vua e dua na itokani e dua na inaki bibi ni iVola i Momani.

• Wasea vei ira na gone e dua na nomu tikina taleitaki se italanoa mai na iVola i Momani e vukea na nomu vuli me baleti Jisu Karisito. Tarogi ira na gone me baleta na nodra italanoa taleitaki mai na iVola i Momani, ka vukei ira mera raica ni italanoa eso oqo ena vukei keda meda vuli me baleta na iVakabula ka toro voleka vei Koya. Wasea vei ira na gone ni iVola i Momani e sa vukei iko mo kila ni o Jisu na Karisito. Vakayaloqaqataki ira na gone me ra vakasamataka e dua na tikina se e dua na italanoa mai na iVola i Momani ka vaqaqacotaka na nodra vakabauti Jisu Karisito. Kerei ira mera wasea ki na dua na itokani se lewe ni matavuvale ka sega ni kila me baleta na iVola i Momani.

ivakatakilakila ni vuli

Vakayaloqaqataka na Vuli e Vale

Sureti ira na gone me ra wasea vata kei na nodra matavuvale ni iVola i Momani e sa vukei ira me ra vulica eso tale na ka me baleti Karisito. Vakayaloqaqataki ira me ra wasea e dua na tikina se e dua na italanoa mai na iVola i Momani me tiki ni nodra ivakadinadina.

Vakatorocaketaki Noda Veivakavulici

Era dau taleitaka na gone na italanoa. Na italanoa e tiko e dua na sala vinaka duadua me vukei ira na gone me ra vulica ka nanuma tiko na dina. Ni ko wasea na italanoa ni sucu i Jisu, vakasamataka mo wasea talega na italanoa mai na nomu bula ka sa vukea na kena vaqaqacotaki na nomu vakabauta na iVakabula.

tabana ni itaviqaravi: O ira na parofita ni iVola i Momani era vakatavulica na ilesilesi i Jisu Karisito.