“Dagiti Nainayon a Resources para iti Panangisuro kadagiti Ubbing,” Umaykayo, Kaniak—Para iti Primary: Libro ni Mormon 2020 (2020)
“Dagiti Nainayon a Resources para iti Panangisuro kadagiti Ubbing,” Umaykayo, Sumurot Kaniak—Para iti Primary: 2020
Dagiti Nainayon a Resources para iti Panangisuro kadagiti Ubbing
Masarakan kadagitoy a resources iti Gospel Library app ken iti ChurchofJesusChrist.org.
Umaykayo, Sumurot Kaniak—Para kadagiti Indibidual ken Pamilia
Mabalinmo nga ibagay dagiti aktibidad manipud iti Umaykayo, Sumurot Kaniak—Para kadagiti Indibidual ken Pamilia a mausarmo iti klase ti Primary. Saanka a madanagan no dagiti ubbing ket nalpasda nga inaramid dagitoy nga aktibidad kadagiti pamiliada iti pagtaenganda; makatulong a maisuro dagiti ubbing ti panangulit-ulit. Mabalin a kayat dagiti ubbing nga ibagada kenka no kasano nga inaramidda dagitoy nga aktibidad kadagiti pamiliada ken no ania ti nasursuroda.
Hymns ken Children’s Songbook
Ti sagrado a musika ket mangyawis iti Espiritu ken mangisuro iti doktrina iti nakallalagip a wagas. Kas nayon iti naiprenta a bersion ti Hymns ken Children’s Songbook masarakam dagiti audio ken video recording ti adu a himno ken kanta dagiti ubbing iti music.ChurchofJesusChrist.org ken iti LDS Music ken LDS Media Library apps.
Adtoy dagiti Babassit nga Annakyo
Adu kadagiti topiko a nadakamat iti nursery manual Behold Your Little Ones: Nursery Manual ket kapada kadagiti isuromto iti Primary. Nangnangruna no mangisuroka kadagiti in-inaudi nga ubbing, ibilangmo a kitaen iti nursery manual para kadagiti nayon pay a kanta, estoria, aktibidad, ken crafts.
Tti Friend ken Liahona Magasin
Ti Friend ken Liahona magasin ket mangipaay kadagiti estoria ken aktibidad a mabalin a suplemento kadagiti pagbatayan nga isursurom manipud iti Umaykayo, Sumurot Kaniak—Para iti Primary.
Dagiti Estoria iti Libro ni Mormon
Dagiti Estoria iti Libro ni Mormon ket makatulong kadagiti ubbing nga agsursuro iti doktrina ken dagiti estoria a masarakan iti Libro ni Mormon. Masarakan met dagiti video kadagitoy nga estoria iti medialibrary.ChurchofJesusChrist.org.
Media Library
Ti artwork, dagiti video, ken dadduma pay a media ket makatulong kadagiti ubbing a mangiladawan iti doktrina ken dagiti estoria a masarakan iti Libro ni Mormon. Bisitaen ti medialibrary.ChurchofJesusChrist.org tapno i-browse dagiti koleksion iti media resources, pakairamanan dagiti Libro ni Mormon Videos collection, a mangiladawan kadagiti pasamak iti Libro ni Mormon. Adda a magun-od dagitoy a resources iti LDS Media Library app.
Ti Libro ti Arte ti Ebanghelio
Makatulong kadagiti ubbing ti artwork a mangiladawan iti panunotda ti doktrina ken dagiti estoria a masarakan iti Libro ni Mormon. Masarakan dagiti adu a ladawan a mabalinmo nga usaren iti klase iti Libro ti Arte ti Ebanghelio ken medialibrary.ChurchofJesusChrist.org, ken iti LDS Music ken LDS Media Library apps.
Napudno iti Pammati
No kasapulam ti nayon a tulong iti pannakaawat kadagiti kangrunaan a pagbatayan nga isuromto kadagiti ubbing, ibilang ti panangkita iti Napudno iti Pammati. Mangted daytoy reperensia kadagiti simple a pannakailawlawag dagiti topiko ti ebanghelio, a nailista iti alpabetiko nga urnos.
Panangisuro iti Wagas ti Mangisalakan
TiPanangisuro iti Wagas ti Mangisalakan ket makatulong kenka a makasursuro ken mausar dagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.