Panangipaay kadagiti Kasapulan dagiti Ubbing nga Addaan iti Pagkurangan

Responsable dagiti lider iti Primary a mangisuro ti ebanghelio ni Jesucristo kadagiti amin nga ubbing, agraman kadagidiay addaan iti pagkurangan. Iti Primary, nasken a maawat, maay-ayat, mataraonan, ken mairaman ti tunggal ubing. Iti daytoy a kasasaad nalaklaka para kadagiti amin nga ubbing a maawatanda ti ayat ti Nailangitan nga Amatayo ken ni Jesucristo ken marikna ken mabigbigda ti impluensia ti Espiritu Santo. Makatulong kenka dagiti sumaganad a kapanunotan a mangipaay kadagiti kasapulan dagiti ubbing nga addaan iti pagkuragan.

• Ammuem ti maipapan kadagiti naisangayan a kasapulan ti ubing. Ti kasayaatan a wagas a panangaramid iti daytoy ket iti pannakisarita kadagiti nagannak ti ubing wenno dagiti agay-aywan. Ammuem no kasano a kasayaatan a masursuruan ti ubing ken no ania ti kasayaatan a pamay-an ti kangrunaan a makatulong. Mabalinmo pay ti makiinnuman kadagiti dadduma a lider ti Primary ken mannursuro nga addaan iti padas ken insights nga ibinglay.

• Mangparnuay iti napintas ken makaay-ayo nga aglawlaw a pakariknaan ti tunggal ubing a natalged ken maipatpateg. Ammuem dagiti nagnagan dagiti amin nga ubbing iti klasem, ken tulongam ida a makarikna a maawat, maayat, ken maibilangda. Masansan a mababalaw dagiti ubbing nga addaan iti pagkurangan, isu a mangsapulka kadagiti gundaway a mangdayaw kadakuada kadagiti nasayaat a kababalinda.

• Agaramid kadagiti panagbalbaliw a pakairamanan ti tunggal maysa. Mabalin a maaramid kadagiti aktibidad dagiti babassit a panagbalbaliw tapno maipanamnama a makasursuro ti amin nga ubbing, agraman dagidiay addaan iti diperensia iti bago wenno marigatan nga agsursuro. Kas pagarigan, no isingasing ti maysa nga aktibidad a mangipakita iti ladawan, mabalinmo ketdi ti agkansion iti adda pakainaigannas a kanta amangiraman kadagiti ubbing nga addaan iti pagkurangan iti panagkita.

• Mangipasdek iti agtultuloy a nakaugalian nga aramiden iti siled ti klase ken istruktura. Maysa a wagas tapno maaramid daytoy ket panangaramid iti poster a nakasuratan ti eskediul ti klase a mangbalabala no kasanonto ti urnos ti klase. Mabalin nga iraman iti eskediulmo dagiti panagkararag, oras ti panangisuro, ken oras ti aktibidad. Daytoy ti makatulong a mangpaawan kadagiti rikna ti panagduadua a rmabalin a mangpaad-adda it panagdanag iti sumagmamano nga ubbing.

• Usarem dagiti pagilasinan iti panagkita [visual cues]. Mabalin a pagimbagan dagiti ubbing nga addaan iti pagkurangan iti panagsursuro wenno addaan iti parikut iti ugali manipud kadagiti pagilasinan iti panagkita [visual cues], kas kadagiti ladawan a mangipakita kadagiti maitutopnga ugali kas iti panangingato iti ima ti maysa sakbay ti panangsungbat iti maysa a saludsod.

• Awaten no apay a mapasamak dagiti mapannubok nga ugali. Agsursuro maipapan kadagiti pagkuranganwenno kasasaad a mabalin a makaimpluensia iti maysa nga ubing nga agtignay iti saan amaitutop. Ikasom a naimbag no ania ti mapaspasamak no addaan iti rumsua a parikut iti ugali. Sikakararag nga ibilangmo no kasano a baliwam ti kasasaad tapno nasaysayaat a matulongam ti ubing.