Te tahi atu mau rāve’a tauturu nō te ha’api’ira’a i te mau tamari’i

E nehenehe teie mau rāve’a tauturu e ’itehia i roto i te fa’anahora’a ’āfa’ifa’i nō te Vaira’a buka ’evanelia ’e i ni’a ChurchofJesusChrist.org

Mai, pe’e mai—nō te ta’ata hō’ē ’e te ’utuāfare

E nehenehe ’outou e fa’atano i te mau ’ohipara’a i roto mai i te Mai, pe’e mai—nō te ta’ata hō’ē ’e te ’utuāfare nō te fa’a’ohipa i roto i tā ’outou piha ha’api’ira’a Paraimere. ’Eiaha e ha’ape’ape’a mai te mea ’ua rave a’e na te mau tamari’i i teie mau ’ohipara’a ’e tō rātou ’utuāfare i te fare ; nā te tāpitira’a i te rave e tauturu i te mau tamari’i ’ia ’apo mai. E hina’aro paha te mau tamari’i e fa’a’ite mai ia ’outou e mea nāhea tō rātou ravera’a i te mau ’ohipara’a ’e tō rātou ’utuāfare, ’e e aha tā rātou i ’apo mai.

Te mau hīmene ’e te Chants pour les enfants

E ani manihini te pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu te mau nene’ira’a o Te mau hīmene ’e o te Chants pour les enfants e nehenehe ’outou e ’ite mai i te mau haruharura’a fa’aro’o ’e te video o te mau hīmene ’e te mau hīmene nā te mau tamari’i i ni’a i te music.ChurchofJesusChrist.org ’e i roto i te mau fa’anahora’a ’āfa’ifa’i LDS Music ’e te LDS Media Library.

A hi’o na i tā ’outou mau tamari’i ri’i

E rave rahi mau tumu parau i fa’a’itehia i roto i te buka ha’api’ira’a nā te piha ha’apa’ora’a tamari’i A hi’o na i tā ’outou mau tamari’i ri’i : Buka ha’apa’ora’a tamari’i tei tū’ati i te mau tumu parau tā ’outou e ha’api’i i roto i te Paraimere. Mai te mea ihoa rā e ha’api’i ’outou i te mau tamari’i ’āpī a’e, e hi’o i roto i te buka ha’api’ira’a nā te piha ha’apa’ora’a tamari’i nō te tahi atu mau hīmene, mau ’ā’amu, mau ’ohipara’a ’e mau rara’ara’a.

Mau ve’a Hoa ’e Liahona

Tē vai ra i roto i te mau ve’a Hoa ’e te Liahona te mau ’ā’amu ’e te mau ’ohipara’a o te nehenehe e tauturu atu i te mau parau tumu tā ’outou e ha’api’i ra nā roto mai i te Mai, pe’e mai—nō te Paraimere.

Te mau ’ā’amu o te Buka a Moromona

E nehenehe Te mau ’ā’amu o te Buka a Moromona e tauturu i te mau tamari’i ’ia ’apo mai i te parau ha’api’ira’a ’e te mau ’ā’amu e ’itehia i roto i te Buka a Moromona. E ’ite-ato’a-hia ia ’outou te mau videos nō teie mau ’ā’amu i ni’a i te medialibrary.ChurchofJesusChrist.org.

Vaira’a buka nō te ’ohipa ha’apararera’a

E nehenehe te hōho’a pēni, ’e te tahi atu ’ohipa ha’apararera’a e tauturu i te mau tamari’i ’ia ’ite mata i te ha’api’ira’a tumu ’e te mau hōho’a e ’itehia i roto i te Buka a Moromona. E haere atu e hi’o medialibrary.ChurchofJesusChrist.org nō te hi’o haere i te mau rāve’a nō te ’ohipa ha’apararera’a a te ’Ēkālesia, mai te mau video nō ni’a i te Buka a Moromona, ’o tē fa’a’ite ra i te mau ’ohipa i tupu i roto i te Buka a Moromona. Tē vai ato’a ra te mau rāve’a tauturu nō te ve’a i ni’a i te fa’anahora’a ’āfa’ifa’i LDS Media Library.

Hōho’a nō te ’evanelia

E nehenehe te hōho’a pēni, e tauturu i te mau tamari’i ’ia ’ite mata i te ha’api’ira’a tumu ’e te mau ’ā’amu e ’itehia i roto i te Buka a Moromona. E ’itehia te mau hōho’a e rave rahi tā ’outou e nehenehe e fa’a’ohipa i roto i te piha ha’api’ira’a i roto i te Buka hōho’a o te ’evanelia, i roto i te medialibrary.ChurchofJesusChrist.org, ’e i roto i te fa’anahora’a ’āfa’ifa’i LDS Music ’e te LDS Media Library.

Mau Māite i te Fa’aro’o

Mai te mea e hina’aro ’outou i te tahi atu tauturu nō te hāro’aro’a i te mau parau tumu niu tā ’outou e ha’api’i atu i te mau tamari’i, e hi’o i roto i te Mau māite i te fa’aro’o. I roto i teie fa’ahorora’a, e ’itehia te tahi mau fa’ata’ara’a ’ōhie nō ni’a i te mau tumu parau o te ’evanelia, tāpura-pīāpā-hia.

Ha’api’ira’a mai tā te Fa’aora

E nehenehe te Ha’api’ira’a mai tā te Fa’aora e tauturu ia ’outou ’ia ’apo mai ’e ’ia fa’a’ohipa i te mau parau tumu o te ha’api’ira’a mai tā te Fa’aora. E tuatāpapahia ’e e fa’a’ohipahia teie mau parau tumu i roto i te mau rurura’a ’āpo’ora’a a te mau ’orometua ha’api’i.