An Jisōs jibwe ajri eo

Kwoj juon Rūkaki an Ajri ro

Kwar kūr jān Anij n̄an katakin ajri ro Nejin ilo jekjek eo an Rilo̧mo̧o̧r. Kwar ekkapit n̄an kūr in kōn mālim in priesthood eo An ekwojarjar. Men̄e kwojjar juon rūkaki eo ewōr an kapeel, ilo am̧ mour erreeo, jar kajjojo raan, im ekkatak jeje ko rekwojarjar, Jemedwōj Ilan̄ enaaj lewaj n̄an eok im̧we im kajoor eo an Jetōb Kwojarjar n̄an jipan̄ eok (lale 2 Nipai 33:1).

Ro lewaj ium̧win kōjparok eo am̧ rej ro nejin Jemedwōj Ilan̄, im Ej jeļā ta aikuj eo aer im ewi ijo em̧m̧antata n̄an tōpar er. Kōn Jetōb Kwojarjar, Anij enaaj tōl eok ilo am̧ kōppopo im ilo am̧ katakin. Enaaj kwaļo̧k n̄an eok ta eo kwoj aikuj ba im ta eo kwoj aikuj kōm̧m̧ane (lale 2 Nipai 32:5).

Ilo aolep mour ko aer, ajri rein raorōk rej ebbōk meļeļe eo, ejaake im kōm̧anm̧an ļo̧k ļo̧m̧ņak ko aer, im kōm̧m̧ani im kwaļo̧k ta eo loi. Menin eļaptata an m̧ool ilogospel in, bwe ajri ro repojak im kijōrjōr in ekkatak m̧ool ko. Aer tōmak enaaj ilo men ko an jetōb rem̧ool im rekwojarjar, im rej lo aolep iien ilo aer bōk iien n̄an ekkatak. Rej m̧ōņōņō in mour kake ta eo rej ekkatak, men̄e aer meļeļe ejjb dikio. En̄in ej jekjek eo jej aikuj aolep bōk gospel in. Ilo an kar Rilo̧mo̧o̧r katakin, “Eo ej jāmin bōk aelōn̄ in Anij āinwōt juon ajri e dik e jāmin deļn̄e ilowaan” (Luk 18:17).

Kūr eo n̄an katakin ajri ro ej juon kūr ekwojarjar, im ekkā n̄an en̄jake eddodo jet iien. Ak keememej bwe Jem̧ōm̧ Ilan̄ eaar kūr eok, im Ejamin likūt eok riatajinemjen. En̄in ej jerbal eo an Irooj, im ilo am̧ jerbal “kōn aolepen būruwōm̧, maron̄, ļōmņak im kajoor” (K&B 4:2), Enaaj kōļapļo̧k kapeel eo am̧, menin letok ko, im taļōn ko, im jerbal ko am̧ renaaj kōjeraam̧m̧an mour ko an ajri ro kwoj katakin.