Juon Jon̄ak n̄an Katakin

Ilo kein jipan̄ in, kwonaaj lo jilu bun̄ten nee n̄an āliji jon̄ok in ilo kajjojo laajrak: kajjitōk bwe ren kwaļo̧k, katakin katak ko, im kōketak n̄an ekkatak ilo m̧weo. Ilo elōn̄ jekjek ko, ilo am̧ katakin, jekjek eo ilo jon̄ok in emaron̄ in ļap ak emaron̄ in oktak. N̄an waanjon̄ok, ļōmņak ke n̄an katakin ej juon iien em̧m̧an n̄an katakin katak ko, im katakin katak ko reaikuj in koba kajjitōk n̄an kwaļo̧ki. Ejjeļo̧k oktak, kōketak n̄an ekkatak ilo m̧weo emaron̄ waļo̧k ilo aolepen kūlaaj eo. Kōm̧m̧an bwe oktak in ilo jon̄ok in en bōk jikin, ļoor im̧we ko an Jetōb n̄an lo aikuj ko an ajri ro kwoj katakin.

Kajjitōk bwe ren Kwaļo̧k

Āinwōt m̧ōttan kūlaaj eo am̧ aolep iien, kajjitōk ippān ajri ro n̄an kwaļo̧k en̄jake ko aer, ļōmņak ko, im en̄jake ko kōn pedped in katak ko kwoj katakin. Kakkobaba ko aer remaron̄ ilo en̄jake ko raar ekkatak ilo m̧weeo. Kwomaron̄ bar etale ta eo raar ekkatak ilo wiik eo ļo̧k im kajjitōk ewi wāween an kar im̧we mour ko aer.

Katakin Katak ko

Itok, Ļoor Eō—N̄an Kajjojo Armej im Baam̧le ko emaron̄ jipan̄ eok em̧m̧anļo̧k am̧ meļeļe katak eo kwoj katakin ajri ro. Ļōmņake ta eoon ko, kout ko, en̄jake ko, kajjitōk ko, im kein jipan̄ ko jet remaron̄ in kwaļo̧k n̄an jipan̄ ajri ro jeļā im mour kake pedped in gospel in. Lale wāween ko rem̧m̧anļo̧k n̄an jipan̄ er m̧ōņņōņō kōn ta eo rej ekkatak.

Kōketak Ekkatak ilo Mweo

Kōnke m̧weeo ej jikin ekkatak eo ioļaptata, juon iaan jibadbad ko am̧ āinwōt juon Būraimere rikaki ej n̄an kōketak ekkatak ilo m̧weeo. Ewi wāween am̧ maron̄ jipan̄ ajri ro kwaļo̧k n̄an baam̧le ko aer ta eo raar ekkatak ilo kūlaaj? Ewi wāween am̧ kōketak ajri ro im ro jineer im jemeer n̄an ekkatak wōt jen Bok in Mormon ilo m̧weeo?