Marso 8–14

Doktrina ug mga Pakigsaad 23–26

“Pagpalig-on sa Simbahan”

Samtang ikaw mangandam sa pagtudlo, hunahunaa ang mga ideya sa kalihokan sa mga seksyon sa “Mas Gagmay nga mga Bata” ug sa “Mas Dagko nga mga Bata”.

Irekord ang Imong mga Impresyon

Dapita ang Pagpaambit

Pagpakita og hulagway ni Emma Smith (tan-awa sa outline niini nga semana diha sa Dali, Sunod Kanako—Alang sa mga Indibidwal ug mga Pamilya). Dapita ang mga bata sa pagpakigbahin kon unsa ang ilang nahibaloan mahitungod kaniya, lakip ang mga butang nga ilang nakat-unan sa pagtuon diha sa Doktrina ug mga Pakigsaad 25 niining milabay nga semana. “Kapitulo 13: Joseph ug Emma” (Mga Istorya sa Doktrina ug mga Pakigsaad, 51–55) makatabang.

Itudlo ang Doktrina: Mas Gagmay nga mga Bata

Doktrina ug mga Pakigsaad 23:6; 26:1

Ang Dios gusto kanako nga mag-ampo ug magkat-on gikan sa mga kasulatan sa matag adlaw.

Mitambag ang Ginoo sa unang mga pangulo ug mga higala sa Simbahan sa pag-ampo (tan-awa sa Doktrina ug mga Pakigsaad 23:6) ug tun-i ang mga kasulatan (tan-awa sa Doktrina ug mga Pakigsaad 26:1). Sa unsa nga paagi ikaw makatabang sa mga bata paghimo sa pag-ampo ug mga kasulatan nga kabahin sa ilang mga kinabuhi?

Posible nga mga Kalihokan

• Basaha ngadto sa mga bata gikan sa Doktrina ug mga Pakigsaad 23:6, sugod sa “ikaw kinahanglan gayud nga mag-ampo.” Tabangi sila sa pag-ila sa nagkalainlaing mga paagi ug mga dapit nga giingon sa Ginoo kita kinahanglan nga mag-ampo. Dapita sila sa pagdrowing og hulagway sa ilang mga kaugalingon nga nag-ampo sa usa niadto ka mga paagi o mga dapit.

• Kon kinahanglan, ipasabut ngadto sa mga bata kon unsaon sa pag-ampo. Usa ka awit mahitungod sa pag-ampo, sama sa “I Pray in Faith” (Children’s Songbook, 14), makatabang.

• Basaha ngadto sa mga bata, “Kamo mohatag sa inyong panahon sa paghalad ngadto sa pagtuon sa mga kasulatan” (Doktrina ug mga Pakigsaad 26:1). Sultihi sila kon nganong ikaw magtuon sa mga kasulatan. Tabangi sila sa paghunahuna og mga paagi nga sila makakat-on gikan sa mga kasulatan, bisan og sila dili pa makabasa.

• Panganta og dungan “Pagsiksik, Pamalandong, ug Pag-ampo” (Songbook sa mga Bata, 66) o lain nga awit mahitungod sa pag-ampo ug pagtuon sa kasulatan. Tabangi ang mga bata sa pagdiskubre sa mga panalangin nga gisaad diha sa awit. Sultihi sila mahitungod sa espiritwal nga mga pagbati nga ikaw aduna kon mag-ampo ug magbasa sa mga kasulatan.

Doktrina ug mga Pakigsaad 25:11–12

Nahimuot si Jesus “sa awit sa kasingkasing.”

Ang Ginoo miingon nga ang sagrado nga musika “makapahimuot ngari kanako.” Tabangi ang mga bata sa pagkat-on nga ang pagkanta dili lamang usa ka makalingaw nga kalihokan apan paagi usab sa pagsimba Kaniya.

Posible nga mga Kalihokan

• Dapita ang matag bata sa pagpakigbahin sa iyang paborito nga himno o awit sa Simbahan, ug kantaha ang pipila niini nga magdungan. Basaha ang Doktrina ug mga Pakigsaad 25:12 ngadto sa mga bata, ug dapita sila sa paghanduraw kon unsa ang gibati sa Langitnong Amahan ug ni Jesus kon makadungog sila kanato nga nagkanta niini nga mga awit.

• Tudloi ang mga bata og usa ka awit mahitungod sa pagkanta, sama sa “Manganta Ta og Kusog” (Songbook sa mga Bata, 124), o usa ka awit mahitungod ni Jesukristo, sama sa “Mipadala sa Iyang Bugtong Anak” (Songbook sa mga Bata, 20–21). Dapita sila sa pagkanta sa awit uban sa ilang mga pamilya niini nga semana.

  

  Ang pagkanta usa ka paagi kita makapakita sa atong gugma alang sa Dios.

Doktrina ug mga Pakigsaad 25:13, 15

Ako makaandam sa paghimo og sagrado nga mga pakigsaad.

Ang mga bata nga imong gitudloan nangandam sa paghimo sa ilang unang pakigsaad uban sa Langitnong Amahan kon sila bunyagan. Unsaon nimo sila pagtabang sa pagkat-on kon unsa ka bililhon ang mga pakigsaad?

Posible nga mga Kalihokan

• Basaha ang Doktrina ug mga Pakigsaad 25:13 ngadto sa mga bata. Ipasabut nga ang pulong nga “hupot” niini nga bersikulo nagpasabut sa paggunit og hugot ngadto sa usa ka butang. Aron sa pagtabang kanila sa pagsabut, pagpalibut og usa ka butang nga solido, sama sa bato (o bisan og puthaw nga tubo), sa kwarto ug dapita ang mga bata sa paggunit sa butang og hugot kutob sa ilang mahimo. Ipasabut nga ang paghupot ngadto sa atong mga pakigsaad nagpasabut og paggunit ngadto sa (o sa pagsunod) sa mga saad nga atong gihimo uban sa Langitnong Amahan ug dili gayud mamuhi (o dili gayud mobiya).

• Gamita ang pahina sa kalihokan niini nga semana sa pagtudlo sa mga bata mahitungod sa mga panahon nga kita naghimo og mga pakigsaad uban sa Langitnong Amahan. Basaha ang Doktrina ug mga Pakigsaad 25:15, ug ipasabut nga ang “korona sa pagkamatarung” nagrepresentar sa panalangin sa pagbalik og puyo uban sa Dios, ang atong Langitnong Hari.

Itudlo ang Doktrina: Mas Dagko nga mga Bata

Doktrina ug mga Pakigsaad 23:3–7; 25:7

Gusto ni Jesus kanako nga molig-on niadtong naglibut kanako.

Sa dihang ang Simbahan unang gi-organisar, wala kaayoy daghan nga mga miyembro. Gisugo sa Ginoo ang mga Santos sa pagpatubo sa Simbahan pinaagi sa pagpakigbahin sa ebanghelyo ug sa paglig-on sa usag usa. Makabuhat kita sa sama karon.

Posible nga mga Kalihokan

• Hangyoa ang mga bata sa pagpangita sa matag higayon sa pulong “pag-awhag” diha sa Doktrina ug mga Pakigsaad 23:3–7; 25:7. Tabangi sila sa paghatag sa kahulugan niini nga pulong. Sa unsa nga paagi kaha nga ang pag-awhag sa usa ka tawo makalig-on kanila? Dapita ang mga bata sa pag-role play sa “pag-awhag” og usa ka tawo apan buhaton ang mao uban sa gugma.

• Sa unsa nga paagi kita makahimo og mas maayo sa buhat sa paglig-on sa ubang mga miyembro sa Simbahan? Aron sa paghulagway niini nga baruganan, hatagi ang usa ka bata og buhat nga nagkinahanglan og daghang mga tigtabang. Dayon hangyoa ang ubang mga bata sa pagtabang, ug sa paghisgot kon unsa ka mas sayon ang buhat nga nahimo. Pakigbahin og usa ka kasinatian diin ikaw nalig-on pinaagi sa serbisyo sa isig ka miyembro sa Simbahan.

Doktrina ug mga Pakigsaad 24:1, 8

Ang Manluluwas makapataas kanako “gikan sa [akong] mga kasakit.”

Giantus ni Joseph Smith ang daghang mga pagsulay, apan nahimo niya ang “pagpailub sa mga kasakit” tungod kay ang Ginoo misaad nga Siya anaa uban kaniya sa kanunay.

Posible nga mga Kalihokan

• Tabangi ang mga bata sa paglista diha sa pisara og pipila ka mga kasakit o mga hagit nga giatubang ni Joseph Smith ug sa ubang una nga mga Santos (tan-awa sa “Kapitulo 11: Daghang mga Katawhan Nagpasakop sa Simbahan,” Mga Istorya sa Doktrina ug mga Pakigsaad, 46–47, o ang katugma nga video sa ChurchofJesusChrist.org). Dayon dapita sila sa pagdiskubre kon unsa ang gisulti sa Ginoo ngadto ni Joseph mahitungod sa iyang mga kasakit diha sa Doktrina ug mga Pakigsaad 24:1, 8. Unsaon nato pagpangayo ang tabang sa Manluluwas kon kita adunay malisud nga panahon?

• Aron sa pagtudlo sa mga bata nga usahay kita kinahanglan nga “magpailub sa [atong] mga kasakit,” makapasalida ka sa video “Continue in Patience” (ChurchofJesusChrist.org). Hangyoa ang mga bata sa paghunahuna og usa ka butang nga sila gyud gusto apan kinahanglan nga maghulat. Ngano nga ang Ginoo usahay nagkinahanglan kanato sa pagbaton og pailub atol sa mahagitong mga panahon sa atong mga kinabuhi? Sa unsa nga paagi Siya mopahibalo kanato nga Siya “uban [kanato]” sa panahon sa atong mga kasakit?

Doktrina ug mga Pakigsaad 25:13

Ako makahimo sa “[pag]hupot ngadto sa mga pakigsaad” nga akong gihimo.

Wala madugay human gibunyagan si Emma Smith, ang Ginoo misulti kaniya,“Hupot ngadto sa mga pakigsaad nga ikaw mihimo.” Hunahunaa kon unsaon niini nga tambag pagpanalangin sa mga bata nga imong gitudloan.

Posible nga mga Kalihokan

• Pagbasa og dungan sa Doktrina ug mga Pakigsaad 25:13, ug hangyoa ang mga bata kon unsa ang kahulugan niini dinhi sa bersikulo sa “[pag]hupot ngadto sa mga pakigsaad” nga atong gihimo. Aron sa paghulagway, pagpalibut og mga butang nga hugot kaayo nga gihiusa ug pasulaya ang mga bata sa pagbulag niini. Ngano nga ang pulong “hupot” usa ka maayo nga pulong sa paghulagway kon unsaon nato pagbati ang mahitungod sa atong mga pakigsaad?

• Kon gikinahanglan, pagribyu uban sa mga bata sa mga pakigsaad nga atong gihimo sa dihang kita gibunyagan (tan-awa sa Mosiah 18:8–10; Doktrina ug mga Pakigsaad 20:37). Unsa ang kahulugan sa “hupot” ngadto niini nga mga pakigsaad?

• Pagribyu og dungan sa pipila sa imong nahibaloan mahitungod sa kinabuhi ni Emma Smith (tan-awa sa “Kapitulo 13: Joseph ug Emma” [Mga Istorya sa Doktrina ug mga Pakigsaad, 51–55], o ang katugma nga video sa ChurchofJesusChrist.org). Hatagi ang matag bata og usa o duha ka bersikulo gikan sa seksyon 25, ug dapita sila sa pagpakigbahin kon giunsa sa tambag sa Ginoo ug mga buluhaton mitabang ni Emma og “hupot ngadto sa mga pakigsaad” nga siya mihimo. Unsaon nato pagsunod sa iyang ehemplo?

Awhaga ang Pagkat-on diha sa Panimalay

Dapita ang mga bata sa pagpili og paborito nga bersikulo nga inyong gihisgutan, isulat ang kapanguhaan, ug ipakigbahin kini ngadto sa usa ka sakop sa pamilya o higala.

Pagpalambo sa Atong Pagtudlo

I-awhag ang balaang pagtahud. Tabangi ang mga bata nga makasabut nga ang usa ka importante nga aspeto sa balaan nga pagtahud mao ang paghunahuna mahitungod sa Langitnong Amahan ug ni Jesukristo. Mahimo nimo silang pahinumduman nga magbaton og balaang pagtahud pinaagi sa hinay nga pagkanta o paglaylay og usa ka awit o sa pagpakita og hulagway ni Jesus.