« ថ្ងៃទី ៥–១១ ខែ មេសា ។ គោលលទ្ធិ និងសេចក្ដីសញ្ញា ៣០-៣៦ ៖ ‹ អ្នកត្រូវបានហៅដើម្បីឲ្យទៅផ្សាយដំណឹងល្អរបស់យើង ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១ឆ្នាំ ២០២០ )
« ថ្ងៃទី ៥–១១ ខែ មេសា ។ គោលលទ្ធិ និង សេចក្តីសញ្ញា ៣០-៣៦ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
ថ្ងៃទី ៥–១១ ខែ មេសា
គោលលទ្ធិ និង សេចក្ដីសញ្ញា ៣០–៣៦
« អ្នកត្រូវបានហៅដើម្បីឲ្យទៅផ្សាយដំណឹងល្អរបស់យើង »
នៅពេលអ្នកសិក្សាគោលលទ្ធិ និង សេចក្តីសញ្ញា ៣០-៣៦ ជាមួយកុមារនៅក្នុងថ្នាក់ប្រកបដោយការអធិស្ឋាននៅក្នុងចិត្ត នោះព្រះវិញ្ញាណអាចផ្ដល់គំនិតយោបល់ដល់អ្នកអំពីរបៀបដើម្បីបង្រៀនពួកគេ ។ ស្វែងរកគំនិតយោបល់បន្ថែមនៅក្នុងគម្រោងមេរៀននេះ ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមកាន់រូបភាពរបស់អ្នកផ្សព្វផ្សាយសាសនា ហើយសុំឲ្យកុមារចែកចាយនូវអ្វីដែលពួកគេដឹងអំពីកិច្ចការផ្សព្វផ្សាយសាសនា ។
បង្រៀនគោលលទ្ធិ ៖ កុមារតូចៗ
គោលលទ្ធិ និង សេចក្ដីសញ្ញា ៣៣:២-៣, ៦-១០
ខ្ញុំអាចចែកចាយដំណឹងល្អនៃព្រះយេស៊ូវគ្រីស្ទ ។
សូម្បីតែកុមារតូចៗក៏អាចចែកចាយសាក្សីរបស់ពួកគេអំពីដំណឹងល្អនៃព្រះយេស៊ូវគ្រីស្ទផងដែរ ។ តើអ្នកអាចប្រើខគម្ពីរទាំងនេះដើម្បីជួយបំផុសគំនិតពួកគេឲ្យធ្វើដូច្នោះដោយរបៀបណា ?
សកម្មភាពដែលអាចជ្រើសរើស
-
សូមអញ្ជើញកុមារឲ្យព្យាយាមនិយាយឃ្លាមួយដូចជា « ព្រះស្រឡាញ់អ្នក » ដោយបិទមាត់របស់ពួកគេ ។ សូមចង្អុលបង្ហាញថាយើងមិនអាចបង្រៀនមនុស្សអំពីដំណឹងល្អបានទេ បើយើងមិនបើកមាត់របស់យើងនោះ ។ សូមអាន គោលលទ្ធិ និងសេចក្ដីសញ្ញា ៣៣:៨-១០ ហើយអញ្ជើញកុមារឲ្យបើកមាត់របស់ពួកគេគ្រប់ពេលពួកគេស្ដាប់ឮឃ្លា « បើកមាត់របស់អ្នក » ។ ហេតុអ្វីព្រះវរបិតាសួគ៌ចង់ឲ្យយើងបើកមាត់របស់យើង ហើយចែកចាយដំណឹងល្អជាមួយអ្នកដទៃដូច្នេះ ?
-
សូមខ្សឹបអ្វីមួយដោយស្ងាត់ៗចំពោះកុមារ ដូចជា « យ៉ូសែប ស៊្មីធគឺជាព្យាការីនៃព្រះ » ហើយសុំឲ្យពួកគេរំឭកអ្វីដែលអ្នកបាននិយាយ ។ បន្ទាប់មកពួកគេនិយាយឃ្លាដដែលនោះដោយសម្លេងខ្លាំងៗ ។ សូមអាន គោលលទ្ធិ និងសេចក្ដីសញ្ញា ៣៣:២ ។ សូមជួយកុមារយល់ថា « ការបន្លឺសំឡេង[ របស់យើង ]ឡើង» មានន័យថាមិនត្រូវភ័យខ្លាចក្នុងការប្រាប់អ្នកដទៃអំពីព្រះយេស៊ូវគ្រីស្ទ ព្រះគម្ពីរមរមន និងសេចក្ដីពិតនៃដំណឹងល្អដទៃទៀតឡើយ ។
-
សូមដាក់តុក្កតាក្រដាស ឬរូបភាពរបស់មនុស្សនៅជុំវិញថ្នាក់ ។ សូមអញ្ជើញកុមារឲ្យស្វែងរកមនុស្ស ហើយប្រមូលផ្ដុំពួកគេឲ្យមកខាងមុខថ្នាក់ ។ សូមអាន គោលលទ្ធិ និងសេចក្ដីសញ្ញា ៣៣:៦ ហើយពន្យល់អំពីអត្ថន័យដែលព្រះអម្ចាស់នឹង « ប្រមូលផ្ដុំមនុស្សជម្រើស [ របស់ទ្រង់ ] » ។ សូមថ្លែងទីបន្ទាល់ថា យើងអាចជួយប្រមូលផ្ដុំរាស្ត្រមកកាន់ព្រះអម្ចាស់ នៅពេលយើងចែកចាយដំណឹងល្អ ។
-
សូមច្រៀងចម្រៀងមួយអំពីការចែកចាយដំណឹងល្អ ដូចជាបទ « ខ្ញុំចង់ក្លាយជាអ្នកផ្សាយសាសនាពេលនេះ » ( សៀវភៅចម្រៀងកុមារទំព័រ ៩០ ) ។ សូមជួយកុមារគិតអំពីវិធីដែលពួកគេអាចជួយមនុស្សដទៃរៀនអំពីព្រះយេស៊ូវគ្រីស្ទ ។
គោលលទ្ធិ និង សេចក្ដីសញ្ញា ៣៣:១២–១៧
ខ្ញុំអាចស្ថាបនាជីវិតរបស់ខ្ញុំនៅក្នុងដំណឹងល្អរបស់ព្រះយេស៊ូវគ្រីស្ទ ។
ដំបូន្មានដែលព្រះអម្ចាស់ប្រទានដល់ អ៊ែសរ៉ា ធេយ័រ និង ណូរត្រុព ស្វ៊ីត អាចជួយកុមារដែលអ្នកបង្រៀនស្ថាបនាជីវិតរបស់ពួកគេនៅលើដំណឹងល្អនៃព្រះយេស៊ូវគ្រីស្ទ ។
សកម្មភាពដែលអាចជ្រើសរើស
-
សូមបង្ហាញកុមារនូវរូបភាពនៃគ្រឹះអគារមួយ ហើយសុំឲ្យពួកគេពិពណ៌នាអំពីវា ។ ហេតុអ្វីក៏អគារមួយចាំបាច់ត្រូវមានគ្រឹះរឹងមាំខ្លាំងដូច្នេះ ? សូមអានជាមួយកុមារ គោលលទ្ធិ និងសេចក្ដីសញ្ញា ៣៣:១២-១៣ ហើយពន្យល់ថា ព្រះអម្ចាស់សព្វព្រះទ័យឲ្យយើងស្ថាបនាជីវិតយើងនៅលើដំណឹងល្អរបស់ទ្រង់ ។ សូមជួយកុមារគិតអំពីវិធីមួយចំនួនដែលពួកគេអាចស្ថាបនាជីវិតរបស់ពួកគេនៅលើដំណឹងល្អនៃព្រះយេស៊ូវគ្រីស្ទ ។
-
សូមផ្ដល់ឲ្យកុមារនូវវត្ថុមួយចំនួនដែលពួកគេអាចប្រើដើម្បីស្ថាបនាប៉មមួយ ដូចជាដុំឈើ ឬកែវជ័រ ។ សូមដាក់ស្លាកឈ្មោះវត្ថុនីមួយៗដោយរូបភាពមួយ ដែលតំណាងឲ្យអ្វីៗដែលព្រះអម្ចាស់បានមានបន្ទូលនៅក្នុង គោលលទ្ធិ និងសេចក្ដីសញ្ញា ៣៣:១៤-១៧ ។ សូមអញ្ជើញកុមារឲ្យសង់ប៉មមួយ នៅពេលអ្នកនិយាយជាមួយពួកគេអំពីរបៀបដែលវត្ថុ ទាំងនេះជួយយើងស្ថាបនាជីវិតរបស់យើងនៅលើដំណឹងល្អរបស់ព្រះយេស៊ូវគ្រីស្ទ ។
បង្រៀនគោលលទ្ធិ ៖ កុមារធំៗ
គោលលទ្ធិ និង សេចក្ដីសញ្ញា ៣០:១–២
ខ្ញុំគួរតែផ្ដោតទៅលើរបស់ផងទាំងឡាយនៃព្រះ ជាងទៅលើរបស់ផងទាំងឡាយខាងលោកិយ ។
ដំបូន្មានរបស់ព្រះអម្ចាស់ចំពោះ ដាវីឌ វិតមើរ នៅក្នុង កណ្ឌ ៣០ អាចជួយកុមារដែលអ្នកបង្រៀនឲ្យបន្ដនៅស្មោះត្រង់ចំពោះដំណឹងល្អនៃព្រះយេស៊ូវគ្រីស្ទ ។
សកម្មភាពដែលអាចជ្រើសរើស
-
សូមអាន គោលលទ្ធិ និងសេចក្ដីសញ្ញា ៣០:១ ជាមួយគ្នា ហើយសុំឲ្យកុមារសង្ខេបតាមសម្ដីរបស់ពួកគេផ្ទាល់អំពីដំបូន្មានដែល ព្រះអម្ចាស់បានប្រទានទៅដល់ ដាវីឌ វិតមើរ ។ តើយើងពេលខ្លះ « ខ្លាចមនុស្ស » ឬបារម្ភអំពីការគិតរបស់អ្នកដទៃ ជាជាងធ្វើនូវអ្វីដែលយើងដឹងថាយើងគួរតែធ្វើតាមរបៀបណាខ្លះ ?
-
ចូរសុំកុមារឲ្យសាកល្បងធ្វើកិច្ចការពីរក្នុងពេលតែមួយ ដូចជាសូត្រមាត្រានៃសេចក្ដីជំនឿ ខណៈពេលកំពុងសរសេរឈ្មោះរបស់កុមារទាំងអស់នៅក្នុងថ្នាក់ ។ ចូរសួរពួកគេថាហេតុអ្វីបានវាពិបាកដើម្បីផ្ដោតទៅលើកិច្ចការដំបូងគេ ។ តើ « របស់ផងទាំងឡាយនៃផែនដី » មួយចំនួន (គោលលទ្ធិ និង សេចក្ដីសញ្ញា ៣០:២) ដែលអាចរារាំងយើងមិនឲ្យចងចាំព្រះយេស៊ូវ និងដំណឹងល្អរបស់ទ្រង់មានអ្វីខ្លះ? តើយើងអាចរក្សាការផ្ដោតទៅលើទ្រង់ជាជាងរឿងមិនសូវសំខាន់ដោយរបៀបណា ?
គោលលទ្ធិ និង សេចក្ដីសញ្ញា ៣០-៣៤
ខ្ញុំអាចចែកចាយដំណឹងល្អនៃព្រះយេស៊ូវគ្រីស្ទ ។
កុមារជាច្រើននៅក្នុងសាសនាចក្រទន្ទឹងចាំបម្រើបេសកម្មពេញម៉ោង ឬបេសកកម្មសេវាកម្ម ។ បទពិសោធន៍របស់អ្នកផ្សព្វផ្សាយសាសនាថ្លែងនៅ ក្នុង កណ្ឌ ៣០-៣៤ អាចជួយពួកគេឲ្យរៀបចំខ្លួន ។
សកម្មភាពដែលអាចជ្រើសរើស
-
សូមអញ្ជើញសមាជិកវួដម្នាក់ឲ្យរៀនអំពីអ្នកផ្សព្វផ្សាយម្នាក់ដែលបានហៅនៅក្នុង គោលលទ្ធិ និង សេចក្តីសញ្ញា ៣០-៣៤ហើយចែកចាយជាមួយនឹងកុមារអំពីអ្វីដែលពួកគេបានរៀន ( សូមមើល « សម្លេងនៃការស្ដារឡើងវិញ ៖ ទីបន្ទាល់អ្នកផ្លាស់ប្រែចិត្តជឿជំនាន់មុន » នៅក្នុង ចូរមកតាមខ្ញុំសម្រាប់បុគ្គល និងក្រុមគ្រួសារឬ « The Faith and Fall of Thomas MarshEzra Thayer: From Skeptic to BelieverOrson Pratt’s Call to Serveបរិបទការស្ដារឡើងវិញ៥៤-៦៩ ) ។
-
សូមគូររូបមាត់ធំមួយនៅលើក្ដារខៀន ហើយជួយកុមារឲ្យស្វែងរកនៅក្នុង គោលលទ្ធិ និងសេចក្ដីសញ្ញា ៣៣:៨-១០ ការសន្យារបស់ព្រះអម្ចាស់ចំពោះយើង នៅពេលយើងបើកមាត់របស់យើងដើម្បីចែកចាយដំណឹងល្អ ។ សូមឲ្យកុមារសរសេរការសន្យាទាំងនេះនៅលើក្ដារខៀន ហើយជួយពួកគេយល់ថាការសន្យាទាំងនេះមានអត្ថន័យអ្វីខ្លះ ។ ចូរសុំឲ្យកុមារម្នាក់ៗសរសេរនៅ ក្នុងមាត់នោះអំពីសេចក្ដីពិតមួយ ដែលពួកគេអាចចែកចាយជាមួយអ្នកដទៃ ។
-
សូមបង្ហាញរូបភាពត្រែមួយ ហើយនិយាយអំពីអត្ថន័យដើម្បីប្រកាសដំណឹងល្អ « ហាក់ដូចជាដោយសម្លេងត្រែ » ។ តើយើងអាច « បន្លឺ » សម្លេងរបស់យើង ? [ គោលលទ្ធិ និងសេចក្ដីសញ្ញា ៣៣:២៣៤:៦ ) ។
-
ចូរសុំឲ្យកុមារចែកចាយពីរបៀបដែលពួកគេកំពុងរៀបចំខ្លួនដើម្បី បម្រើបេសកកម្មនៅថ្ងៃណាមួយ ។ បើពួកគេស្គាល់នរណាម្នាក់ ( ប្រហែលជាសមាជិកគ្រួសារ ) ដែលកំពុងបម្រើ សូមអញ្ជើញពួកគេឲ្យប្រាប់អំពីបទពិសោធន៍របស់ពួកគេ ។ ឬអញ្ជើញអ្នកផ្សព្វផ្សាយសាសនា អ្នកត្រឡប់ពីបេសកកម្ម ឬមនុស្សម្នាក់ដែលកំពុងរៀបចំចូលបេសកកម្មឲ្យចែកចាយនូវភាពអង់អាចរបស់ពួកគេចំពោះកិច្ចការផ្សព្វផ្សាយសាសនា ។ សូមចែកចាយបទពិសោធន៍របស់អ្នកក្នុងការចែកចាយដំណឹងល្អ រួមទាំងបទពិសោធន៍នៅក្នុងជីវិតប្រចាំថ្ងៃរបស់អ្នក ។
រូបភាពកុមារាកំពុងលេងខ្ញុំចែកចាយដំណឹងល្អជាមួយមិត្តរបស់ខ្ញុំ ។
គោលលទ្ធិ និង សេចក្ដីសញ្ញា ៣៣:១២–១៧
ខ្ញុំអាចស្ថាបនាជីវិតរបស់ខ្ញុំនៅក្នុងដំណឹងល្អរបស់ព្រះយេស៊ូវគ្រីស្ទ ។
បើកុមារអាចរៀនតាំងពីវ័យក្មេងអំពីរបៀបដើម្បីស្ថាបនាជីវិតរបស់ពួកគេនៅ លើដំណឹងល្អរបស់ព្រះយេស៊ូវគ្រីស្ទ នោះពួកគេទំនងជាកាន់តែបន្ដនៅស្មោះត្រង់ចំពោះទ្រង់ ។ ដំបូន្មានដែលផ្ដល់ឲ្យនៅក្នុងខគម្ពីរទាំងនេះអាចជួយពួកគេបាន ។
សកម្មភាពដែលអាចជ្រើសរើស
-
សូមយកវត្ថុរឹងខុសគ្នាមក ថ្នាក់រៀន ដូចជាសត្វដែលញាត់ឲ្យណែន អេប៉ុង ដីឥដ្ឋ និងថ្មមួយដុំ ។ សូមអនុញ្ញាតឲ្យកុមារលើករបស់នោះម្តងមួយៗ ។ ចូរសុំឲ្យពួកគេរកមើលនៅក្នុង គោលលទ្ធិ និងសេចក្ដីសញ្ញា ៣៣:១២-១៣ ដើម្បីស្វែងរករបៀបដែលព្រះអម្ចាស់ពិពណ៌នាអំពីដំណឹងល្អរបស់ទ្រង់ ។ ហេតុអ្វី « ថ្ម » ជាពាក្យល្អមួយដើម្បីពិពណ៌នាដំណឹងល្អ ? តើយើងអាចស្ថាបនាជីវិតរបស់យើងនៅលើថ្មនៃដំណឹងល្អដោយរបៀបណា ?
-
សូមជួយកុមារអាន គោលលទ្ធិ និងសេចក្តីសញ្ញា៣៣:១២-១៧ ហើយស្វែងរកវត្ថុដែលយើងអាចធ្វើដើម្បីស្ថាបនាជីវិតរបស់យើងនៅលើដំណឹងល្អនៃព្រះយេស៊ូវគ្រីស្ទ ។ សូមអញ្ជើញកុមារឲ្យគូររូបមួយអំពីអ្វីមួយដែលពួកគេស្វែងរក ហើយប្រាប់ពួកគេឲ្យទាយ ពីរូបគំនូររបស់គ្នាទៅវិញទៅមក ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យធ្វើដូចជាអ្នកផ្សព្វផ្សាយសាសនាតាមរយៈការចែកចាយជាមួយនឹងគ្រួសាររបស់ពួកគេនូវអ្វីមួយដែលពួកគេបានរៀននៅក្នុងថ្នាក់អង្គការបឋមសិក្សានៅថ្ងៃនេះ ។
ការអភិវឌ្ឍន៍ការបង្រៀនរបស់យើង
សូមថ្លែងទីបន្ទាល់អំពីពរជ័យទាំងឡាយដែលបានសន្យា ។ នៅពេលអ្នកអញ្ជើញកុមារឲ្យរស់នៅតាមគោលការណ៍មួយ សូមចែកចាយការសន្យានានាដែលព្រះបានធ្វើដល់អស់អ្នកទាំងឡាយណាដែលរស់នៅតាមគោលការណ៍នោះ ។ ឧទាហរណ៍ អ្នកអាចថ្លែងទីបន្ទាល់អំពីពរជ័យទាំងឡាយដែលព្រះអម្ចាស់បានប្រទានដល់អ្នកទាំងឡាយដែលបើកមាត់របស់ពួកគេ ហើយចែកចាយដំណឹងល្អ ។