auala i Initipene Misuri

Initipene, Misuri, saunia e Al Rounds

24–30 Me

Mataupu Faavae ma Feagaiga 58–59

“Auai ma le Naunautai i se Faamoemoega Lelei”

A o e faitauina le Mataupu Faavae ma Feagaiga 58–59, faamaumau uunaiga faaleagaga e te maua. O nei uunaiga e mafai ona fesoasoani ia te oe e fuafua ai le aoaoina atu o le aoaoga faavae na e aoaoina i tamaiti. E mafai ona e maua ni manatu i le otootoga o le vaiaso lenei i le Sau, Mulimuli Mai ia te A’u—Mo Tagata Taitoatasi ma Aiga, po o totonu o mekasini o le Ekalesia.

Tusi Faamaumau Ou Lagona Uunai

aikona o le faasoa

Valaaulia le Fefaasoaai

Valaaulia ni nai tamaiti e faasoa mai se mea sa latou faia i le vaiaso e aoao ai mai tusitusiga paia.

aikona o le aoao atu

Aoao atu le Aoaoga Faavae: Tamaiti Laiti

Mataupu Faavae ma Feagaiga 58:27–28

Ua tuuina mai e le Tama Faalelagi ia te a’u le mana e filifili ai.

Fesoasoani ia iloa e tamaiti e finagalo le Tama Faalelagi ia tatou faia ni filifiliga lelei lea e aumaia le fiafia i o tatou olaga ma olaga o isi.

Gaoioiga e Mafai Ona Fai

• Faitau ni fuaitau mai le Mataupu Faavae ma Feagaiga 58: 27–28, e fesoasoani ai i tamaiti ia malamalama e mafai ona latou filifili e fai le lelei. Tuu se foliga fiafia i le isi itu o le potu ma se foliga faanoanoa i le isi itu. O a ni o tatou lagona pe a tatou filifili e fai le lelei? Faamatala ni nai tulaga, ia tofu ma se filifiliga lelei po o se filifiliga leaga. A uma ona faamatala na tulaga ma filifiliga, fai atu i tamaiti e tutu i talaane o le foliga fiafia pe afai e lelei le filifiliga ma tutu i talaane o le foliga faanoanoa pe afai e leaga.

• Faaali atu i tamaiti se koneteina o loo i ai ni vali lanu eseese se tele. Faaali atu ia i latou se isi koneteina o loo i ai se vali e tasi. Fesili atu i tamaiti po o fea o nei koneteina latou te mananao e faaaoga. Aisea? Faamalamalama atu o le mafai ona tatou filifili o se faamanuiaga mai le Tama Faalelagi. Molimau atu e alolofa le Tama Faalelagi ma Iesu Keriso ia i tatou ma e finagalo ia tatou faia ni filifiliga lelei.

• Taʻu i tamaiti se taimi na e faia ai se filifiliga lelei, ma faamatala ou lagona ina ua uma. Valaaulia tamaiti e tusi se ata o lau tala po o se tala a latou lava ia. Ona tuu atu lea ia i latou e faasoa mai a latou ata i le vasega ma faasoa mai mea na latou aoaoina mai le tala.

Mataupu Faavae ma Feagaiga 59:7

E finagalo le Tama Faalelagi ia ou loto faafetai.

E mafai faapefea ona e fesoasoani i tamaiti ia malamalama i le taua o le tuuina atu o le faafetai i le Tama Faalelagi mo o latou faamanuiaga?

Gaoioiga e Mafai Ona Fai

• Tau atu i tamaiti se mea e te loto faafetai ai, ma fesili atu ia i latou e faasoa mai ni mea latou te loto faafetai ai. Faitau le Mataupu Faavae ma Feagaiga 59:7, ma fesoasoani i tamaiti e mafaufau i ni auala e mafai ai ona latou faafetaia le Tama Faalelagi mo a latou faamanuiaga. O le a se mea e mafai ona latou faia e ave i le fale e faamanatu ai ia i latou e faafetai atu i le Tama Faalelagi mo a latou faamanuiaga?

• Usu faatasi se pese e faatatau i le loto faafetai, e pei o le “Mo le Malosi ma le Maloloina” (Tusipese a Tamaiti, 18). Valaaulia tamaiti e sui upu o le pese i nisi mea latou te loto faafetai ai.

• Tuu atu i tamaiti e tusi ni ata o mea latou te faafetai ai.

Mataupu Faavae ma Feagaiga 59:9–12

O le Sapati o le aso o le Alii.

Ao e faasoa atu le olioli na e mauaina e ala i tausia o le aso Sapati ia paia, e mafai ona e fesoasoani i tamaiti e vaai i le Sapati o se aso e tapuai atu ai i le Alii.

Gaoioiga e Mafai Ona Fai

• Aumai ni ata po o ni mea faitino e faaalia ai ni gaoioiga lelei e mafai ona tatou faia i le aso Sa e tapuai atu ai i le Alii ma maua ai le olioli. O nisi manatu o loo maua i totonu o le Mataupu Faavae ma Feagaiga 59:9–12 ma le “Tausia o le Aso Sapati” (Mo le Malosi o le Autalavou, 30–31). Mo se faataitaiga, e faatusa i le faamanatuga, e mafai ona e faaali atu le ata 108 mai le Tusiata o le Talalelei po o se ipu faamanatuga ma se fasi falaoa. E faapefea ona fesoasoani nei mea taitasi ia tatou latalata atili ai i le Tama Faalelagi ma Iesu Keriso i le Sapati?

• Faatumu le itulau o gaoioiga o lenei vaiaso ma tamaiti e avatu ai ia i latou ni manatu ina ia faia le Sapati o se aso paia.

  falaoa ma ipu faamanatuga

  O le tagofiaina o le faamanatuga e fesoasoani tatou te faamamalu ai le aso Sapati.

aikona o le aoao atu

Aoao atu le Aoaoga Faavae: Tamaiti Matutua

Mataupu Faavae ma Feagaiga 58:27–28

O le faitalia o le mana e filifili ai.

Ua tuuina mai e le Atua ia i tatou le mana e filifili ai, ma faatasi ma lena mana e mafai ai ona tatou “aumaia le amiotonu tele” (fuaiupu 27). E mafai faapefea ona e fesoasoani i tamaiti o loo e aoaoina ia iloa e tusa lava pe i ai le amioleaga i le lalolagi, “ua i totonu ia te i latou le mana” e “[fai ai] mea lelei”? (fuaiupu 28).

Gaoioiga e Mafai Ona Fai

• Faaali atu i tamaiti se fasipepa o loo tusia ai le upu filifiliga i le isi itu, ma le upu taunuuga i le isi itu. Faamalamalama atu o filifiliga e i ai ona taunuuga, pe o ni iuga e masani ona mulimuli mai i faatinoga. Valaaulia se tamaitiiti e aumai i luga le pepa e faaali atu ai pe a e aumaia i luga le pepa, e te mauaina uma le filifiliga ma le taunuuga o lena filifiliga. Fai atu i se tamaitiiti e faitau le Mataupu Faavae ma Feagaiga 58:27–28. O a ni filifiliga e mafai ona tatou faia o le a “aumaia le amiotonu tele” po o taunuuga lelei? (fuaiupu 27). O le a se taimi na tatou faia ai ni filifiliga lelei na faamanuiaina ai isi i taunuuga o na filifiliga?

• Tusi fuaitau mai le Mataupu Faavae ma Feagaiga 58:27–28 i ni fasi pepa, ma tufa atu i tamaiti taitoatasi. Valaaulia i latou e faitau le leoa ia fuaiupu ma mafaufau loloto i a latou fuaitau. Fai i tamaiti e nonofo i le faatulagaga e i ai a latou fuaitau i totonu o le fuaiupu 27–28 ma fefaasoaai i mea na latou aoaoina. O le a le feau a le Alii ia i tatou i nei fuaiupu?

• Usu se pese e faatatau i filifiliga, e pei o le “Filifili Tau o Mea Tonu” (Viiga, nu. 149). Fai fesili e fesoasoani ai i tamaiti e mafaufau loloto i upu o le pese—mo se faataitaiga, O ai e fesoasoani e taitai oe e fai le filifiliga sao? O ai e taumafai e faaosooso oe e fai le filifiliga sese? O a ou lagona e maua pe a e filifili le mea tonu?

Mataupu Faavae ma Feagaiga 59:9–16

O le Sapati o le aso o le Alii.

Ua fetalai mai le Alii o le tausiga o le Sapati e fesoasoani ia i tatou e “tausi i [tatou] i le le pisia mai le lalolagi” (Mataupu Faavae ma Feagaiga 59:9). E mafai faapefea ona e fesoasoani i tamaiti o loo e aoaoina e faamamalu le Sapati ma fai o se faailoga o le latou alofa mo le Tama Faalelagi ma Iesu Keriso?

Gaoioiga e Mafai Ona Fai

• Valaaulia tamaiti e faitau o ni paga taitoalua le Mataupu Faavae ma Feagaiga 59:9–16 , ma fai atu i paga taitasi e tusi i lalo se mea latou te aoaoina e faatatau i le aso Sapati mai fuaiupu taitasi. A uma ni nai minute, fai atu i paga taitasi e faasoa mai i le vasega mea sa latou tusia. O le a se mea o le a ese ona tatou faia i le Sapati ona o mea na tatou aoaoina?

• Sauni se taaloga faafetaui faigofie e faafetaui ai e tamaiti fuaitau mai le Mataupu Faavae ma Feagaiga 59:9–16 i le fuaiupu sao. Filifili fuaitau o loo aoao mai ai vaega o loo finagalo le Alii tatou te faia i le Sapati. Ia talanoaina mea o loo aoao mai e nei fuaitau ia i tatou e faatatau i le aso o le Faaola ma pe faapefea ona tatou omai latalata ia te Ia.

• O le aso Sapati o le “aso o le Alii” (Mataupu Faavae ma Feagaiga 59:12)— o se aso e faaali atu ai o loo tatou manatuaina galuega e tele a le Faaola ao tatou tapuai ia te Ia (tagai i le Bible Dictionary, “Sapati”). Fesoasoani i tamaiti e mafaufau loloto i nei galuega e ala i le valaauliaina o i latou e faitau mau o loo mulimuli mai ma faaali atu ata e faatatau i ai: Kenese 2:1–3 (tagai Tusi Ata o le Talalelei, nu. 3); Ioane 20:1–19 (tagai Tusi Ata o le Talalelei, nu. 59). O a nisi galuega maoae a le Alii e mafai ona tatou manatuaina i le aso Sapati? O le a se isi mea tatou te aoaoina e uiga i le Sapati mai le Mataupu Faavae ma Feagaiga 59:9–16?

aikona o le aoaoina

Fautuaina le Aoaoina i le Aiga

Valaaulia tamaiti e faasoa atu i o latou aiga se mea e mafai ona latou faia e tausia ai le paia o le Sapati.

Faaleleia o Lo Tatou Aoao Atu

Ia fausia le talitonuga mautinoa o tamaiti ia i latou lava. O nisi tamaiti atonu latou te le lagona e mafai ona latou aoaoina le talalelei na o latou lava. Folafola atu i tamaiti o le a fesoasoani le Agaga Paia ia latou aoao.

itulau o gaoioiga: o le Sapati o se aso fiafia