te marae n otan taai

Daviess County, Missouri

Tuun 14–20

Reirei ao Berita aika Tabu 64:66

“Te Uea e Kainanoa te Nano ao te Iango ae Tatauraoi”

Ngkana ko katauraoi n anga reirei, iangoia bwa kona kanga ni karaoa am angareirei ni kaeineti ma kainnanoia ataei. Uringnga bwa ko kona ni kabongana te waaki ni kakukurei teuana n te kamataata aei ibukiia ataei aika kairake ao ake a ikawai riki.

Korei Am Namakin

te aikaon ibukin te tibwatibwa

Kaungaa te Tibwatibwa

Anganiia ataei aia tai n taua tamnein te Tia Kamaiu ao tibwaua te bwai teuana ae a reiakinna Ibukina ao Ana euangkerio.

te aikaon ibukin te anga reirei

Reirei te Reirei: Ataei aika a Uarereke

Reirei ao Berita aika Tabu 64:9-10

Iesu Kristo e tuangai bwa n na kabwarai aia bure tabeman.

Tera bwaai n reirei ke waaki ni kakukurei aika ko kona n iangoi ae na buokiia ataei n ataia bwa tera ae nanonaki n te kabwarabure? Ngkana ko maroroakina te kabwarabure, kauringiia ataei bwa e aki nanonaki te kabwarabure bwa kariaiakakia tabeman bwa a na kamarakiira.

Waaki ni Kakukurei aika a Kona ni Karaoaki

• Wareka te kibun taeka “kam riai ni kabwara bure i marenami” (Reirei ao Berita aika Tabu 64:9), ao titirakinia ataei bwa tera ae nanonaki ni kabwaraan ana bure temanna. Ni buokiia bwa aonga n ataia, tibwauai tabeua katooto aika bebete. Buokiia ni karaoia n te kaotioti katooto aikai ni kataneiaia n te kabwara bure.

• Wareka Reirei ao Berita aika Tabu 64:10 ni karaurau nakoia ataei, ao tuangiia bwa a na iobai ma te ataei temanna ngkana a ongo te taeka “kabwarabure.” Tibwaua am koaua n te rau ao te kukurei are e roko ngkana ti kabwarai aia bure tabeman.

• Anenea te anene iaon taekan te kabwarabure, n aron “Help Me, Dear Father” (Aia Boki n Anene Ataei,99). Tera ae reireiniira te anene aei ibukin kabwaraan aia bure tabeman?

Reirei ao Berita aika Tabu 64:34

I kona ni karinea Iesu ma nanou ao au iango.

Te Uea e reireiniia Aika Itiaki bwa katean Tion, a kainnanoia n Anganna nanoia ao aia iango ae tatauraoi. Iangoia bwa ko na kanga ni buokiia ataei ni moana iangoan nanon te bwai aei ibukiia.

Waaki ni Kakukurei aika a Kona ni Karaoaki

• Warekia nakoia ataei man Reirei ao Berita aika Tabu 64:34: “Nooria, Te Uea e Kainnanoa te Nano ae Tatauraoi.” Kaokioka te kibu n taeka aei tabeua te tai, ni kotea nanom ao atum ngkana ko wareki taeka aikanne, ao kaoiia ataei bwa a na karaoa naba anne. Ti na kanga n anga nanora ao ara iango nakon te Tia Kamaiu? (E na kona n ibuobuoki ni kabwarabwara ae nanora e nanonaki n ara namakin ao ara tangira ao ara iango e nanonaki nakon ara iango.)

• Anenea te anene iaon te tangira ao irirakin te Tia Kamai, n aron “I Feel My Savior’s Love” (Aia Boki n Anene Ataei, 74–75; riki iaon te kibu 3). Ti na kanga ni kaotia nakon te Tia Kamaiu bwa ti Tangiria? Tibwaua am namakin ibukin Iesu Kristo.

Reirei ao Berita aika Tabu 66

E ataia te Uea bwa antai ngai ao e tangirai.

Iai nimaua ana titiraki William E. McLellin aika a onoti ibukin te Uea. E karekei kaeka Iotebwa Timiti nakoia n te kaotioti e ngae ngke e aki ataia bwa tera ana titiraki William. E kona te taneiai aei ni buokiko n reireiniia ataei are e atai ni kabane te Atua ao e kona ni kaekaki aia titiraki.

Waaki ni Kakukurei aika a Kona ni Karaoaki

• Taekinna bwa e kanga te Uea ni kaekai ana titiraki William E. McLellin rinanon te kaotioti mairoun te Burabeti Iotebwa Timiti (taraa Reirei ao Berita aika Tabu 66, atuun te tiekition). Kakoaua ae e kinaira ao e tangiria ni buokiira Tamara are i Karawa. Titirakiniia ataei bwa e kanga n ataia ae e tangiriia te Atua.

• Wareware ma ataei Reirei ao Berita aika Tabu 66:4. Tuangiia ataei te tai ngke e kaotia nakoim te Uea te bwai ae E tangiria bwa ko na karaoia. Wareka riki te kibu, n te tai aei ni karina aran temanna te ataei. Kaokia ibukiia ataei n tatabemaniia.

  Iesu ao ataei

  Iesu Kristo e tangiriira n tatabemanira nako.

te aikaon ibukin te anga reirei

Reirei te Reirei: Ataei aika a Ikawai Riki

Reirei ao Berita aika Tabu 64:7–10

E tangirai te Uea bwa N na kabwarai aia bure ni kabane.

N aron are e kaotaki ni kibu n taeka akai, iai naba aia kaangaanga ana reirei Iesu Kristo ni kabwarai aia bure tabeman. Iangoia bwa ko na kanga ni buokiia tabeman ataei bwa a na ataa ana tua te Uea “ni kabwarai aia bure ni kabane.” (Kamataata bwa te kabwarabure tiaki nanona bwa ko na kariaia aomata bwa ana kamarakiira; a riai n taainako n tuanga te ikawai ae a onimakinna ngkana temanna e na kamarakiia.)

Waaki ni Kakukurei aika a Kona ni Karaoaki

• Kaoia ataei n iangoia bwa ae tuangakiu bwa a na reireina tariia ma mwaneia ae uarereke riki iaon kabwarakin aia bure tabeman. Ana kanga ni karaoia? Kaoiia bwa a na wareka Reirei ao Berita aika Tabu 64:7–10 ni kakauoman ao ni kakaai kibun taeka aika ana kabonganai n aia anga reirei. A kona naba ni kataneiaia n anga reirei temanna imwiin temanna.

• Ikotaki n anenea “Help Me, Dear Father” (Aia Boki n Anene Ataei, 99). E kanga Tamara are i Karawa ni buokiira ni kabwarai aia bure tabeman?

• Iangoa aron te kabotau ae na buokiia ataei n ataia bwa ti kanga ni “karawawataaki” ngkana ti aki kabwarabure (te kibu 8). Te katooto, kaotia nakoia ataei te baeki ni bokaboka ke ni bareka; tuangiia bwa a na iangoia bwa iai ae kareia n te bokaboka. E kanga te aki kakabwarabure n riki n aron kawakinan te bokaboka ao ni uotia n tainako ma ngaira? Bukin tera e na raoiroi riki karenakoan te bokaboka? Buokiia ataei bwa a na iangoi aekan kabotau riki tabeua aika a reirei bukina ngkai e kakawaki te kabwarabure.

Reirei ao Berita aika Tabu 64:33-34

Te Uea e kainanoa “nanou ao au iango ae tatauraoi.”

Katean Tion—ke buoka te Ekaretia bwa e na rikirake—bon te “mwakuri ae tamaroa.” Ni kakoroa bukina, e kainnanoira te Uea bwa ti na Anganna nanora ao ara iango ae tatauraoi. Naake a maeka i Tion bon ti “teuana nanoia ao teuana aia iango” (Mote 7:18).

Waaki ni Kakukurei aika a Kona ni Karaoaki

• Kaotia nakoia ataei tabeua bwaai ake iai inanona bwaai aika uarereke, n aron te bwai ni kamwaninga ke te rabuna ae maraurau. Buokiia bwa a na iangoi aekan katooto riki tabeua. Kaoiia ataei bwa a na wareka Reirei ao Berita aika Tabu 64:33. Tera ae tangiria te Atua bwa ti na karaoia ni Buokiia ni kakoroa nanon Ana “mwakuri ae korakora”? Tera “bwaai aika uarereke” aika ti kona ni karaoi ae na buokia ni kakororaoa nanon te mwakuri aei?

• Tuangiia ataei bwa a na katia te mwakuri ae kainnanoi uoua bwaai, ma anganiia ti teuana (te katooto, te koroboki iaon te burakibooti n akea te tiaoka ke korean te mwakoro ni beeba n akea te tati). Kaoiia ataei bwa a na wareka Reirei ao Berita aika Tabu 64:34 ni kakaei bwaai aika uoua ae tuangiira te Uea. Bukin tera ti kainnanoia n anga nanora ao ara iango nakon te Uea? Ti na kanga ni karaoa aei?

Reirei ao Berita aika Tabu 65

I kona ni buokia ni katauraoa te aonaaba ni karekea Iesu Kristo.

Ana mition te Ekaretia—abanuean te Atua iaon te aba—bon katauraoakin te aonaaba ibukin mangaokin te Tia Kamaiu. Ataei aika ko reireiniia bon mwakoron te mition aei aika kakawaki. Tera ae ko kona ni karaoia ni buokiia bwa a na tibwatibwa?

Waaki ni Kakukurei aika a Kona ni Karaoaki

• N te kiraati ke ni kakauoman, wareka Reirei ao Berita aika Tabu 65, ao warekia bwa iraua te tai ae koreaki iai te taeka ae “katauraoi”. Tera ae e tuangiira te Uea bwa ti na katauraoi ibukina? Tera ae ti kona ni karaoia ni katauraoiira ao te aonaaba?

• Kaota tamnein Kauaokin te Tia Kamaiu (taraa Gospel Art Book, te nambwa 66), ao tuangiia ataei bwa a na kabwarabwara te bwai ae a nooria ke tera ae a ataia ibukin te bwai aei. Anganiia ataei taeka ao kibu n taeka aika a okioki inanon Reirei ao Berita aika Tabu 65 (n aron “kaona te aonaaba ni kabane” ao “mwakuri aika raoiroi”). Tera ae a reireiniira taeka ao kibun taeka aikai n taekan te Kauaoki ao tabera ni katauraoi ibukina?

te aikaon ibukin te kamatebwai

Kaungaa te Kamatebwai n te Mweenga

Buokiia ataei ni kakaea te kibu n Reirei ao Berita aika Tabu 64–66 ae a tangiria ao n tangiria n tibwauaia ma te membwa n te utua ke raoraom.

Kanakoraoan Ara Anga reirei

Reiakinna ni kinaa te kaotioti. Ngkai ko tataro ao n iangoi taekan koroboki aika tabu, ko na kunea bwa a kona iango ao namakin n roko n te tai n aki akaka ao te tabo n aki akaka—“ngkai ko mwananga n nako ni mwakuri, karaoi am mwakuri ni mweengam, ke ngkai ko reitaki ma am utu ao raoraom” (Teaching in the Savior’s Way,12).

iteraniba ni kakukurei: I kona n iriira Iesu Kristo ma au iango ao nanou