“Tuun 21–27. Reirei ao Berita aika Tabu 67–70: ‘Kakawakina … ai aron Kaubwain nako te Aonaba ae Bwanin,’” Nakomai, Iriirai—Ibukin te Moanrinan: Reirei ao Berita aika Tabu 2021 (2020)
“Tuun 21–27. Reirei ao Berita aika Tabu 67–70,” Nakomai, Iriirai—Ibukin te Moanrinan
Tuun 21–27
Reirei ao Berita aika Tabu 67–70
“Kakawakina … ai aron Kaubwain nako te Aonaba ae Bwanin”
Imwain ae ko wareki kaotinano n te kamataata aei, kamatebwaia Reirei ao Berita aika Tabu 67–70, ao korei kaunganano n tamnei ake ko karekei. Namakin aikai a na buokiiko ni karaoa am baire n angareirei ae anainano. Ngkanne karinrin n te baire anne ma iango man kaotinano, man Nakomai, Iriirai—Ibukiia Aomata n Tatabemaniia ao Utu, ke man ana maekatiin te Ekaretia.
Korei Am Namakin
Kaungaa te Tibwatibwa
Kaoiia ataei bwa a na korea tamnein te bwai are a reiakinna man kamatebwaian koroboki aika tabu n te mweenga ke n te Moanrinan. Ngkana iai aia kangaanga n iangoa te bwai ae a na koreia kauringiia n tabeua atuun reirei Reirei ao Berita aika Tabu 67–70, n aron te bwabetito, karekean te koaua man koroboki aika a tabu, ke kaaro ake a reireiniia natiia taekan te euangkerio.
Reirei te Reirei: Ataei aika a Uarereke
N Reirei ao Berita aika Tabu iai inanona kaotioti mairoun te Atua.
N Nobember 1831, mataniwi ni te Ekaretia a baireia ni karini kaotioti mai iroun Iotebwa Timiti bwa a na wareki aomata nako. Ni boong aikai kaotioti akanne a boretiaki n Reirei ao Berita aika Tabu.
Waaki ni Kakukurei aika a Kona ni Karaoaki
-
Tuangiia ataei bwa e kanga kaotioti n roko iroun Iotebwa Timiti ao a boretiaki bwa te boki (taraa “Mwakoro 23: Reirei ao Berita aika Tabu,” Reirei ao Berita aika Tabu Karaki, 90–92, ke witeo ake irekereke iaon ChurchofJesusChrist.org). Tibwa am koaua bwa Reirei ao Berita aika Tabu iai inanona kaotioti ake a kona ni buokiira ni boong aikai. Tibwa teuana am kibu ae ko tatangiria man Reirei ao Berita aika Tabu.
-
Kaotia nakoia ataei kainibaire n te mwakuri n tatabeua nako teuana imwiin teuana, ao ngkai ko taua teuana i eta tibwa teutana bwa ti kanga ni karekea (taraa kanoan booki nako inanon Guide to the Scriptures). Ngkana ko kaota Reirei ao Berita aika Tabu, tibwaia ma aaei tera te bwai ae onoti iai te boki ae tabu aei (te katooto, iai inanona kaotioti ake a koreaki ibukin ara bong aikai).
Reirei ao Berita aika Tabu 68:25–28
I kona ni bwabetitoaki ngkana e koro waniua au ririki.
N Reirei ao Berita aika Tabu 68:25–28, te Uea e tuanga Iotebwa Timiti bwa ataei a riai n reiakinna ni karekea te onimaki iroun Iesu Kristo, rairannano, ao ni bwabetitoaki ngkana e koro waniua aia ririki. E taekinna naba bwa a riai ni bwaati n tataro ao ni kawakin ana tua te Atua.
Waaki ni Kakukurei aika a Kona ni Karaoaki
-
Kaoiia ataei bwa a na wareware ni karokoa waniua ni kabonganai tabonibaia. Tera ae onoti iai ngkana e koro waniua te ririki? Buokiia ataei bwa a na ataia ngkana ai waniua aia ririki, a kona ni bwabetitoaki. Kabonganai taeka ao kibuntaeka ake a kuneaki n Reirei ao Berita aika Tabu 68:25–28, tibwaia ma ngaiia tabeua bwaai ake e tangiriia te Uea bwa ana reiakin imwain ae e koro waniua aia ririki (taraa naba Taekan te Onimaki 1:4). Buokiia bwa a na ota n iango ake aki taneiai ma ngaia.
-
Aneneia ma ataei kunan te bwabetito, an aron “Baptism” ke “When I Am Baptized” (Aia Boki n Anene Ataei, 100–101, 103). Tuangiia ataei bwa a na tibwaia bwa e kanga aia namakin ngkana a bwabetitoaki ao tera ae a kona ni karaoia bwa a na tauraoi.
Reirei te Reirei: Ataei aika a Ikawai Riki
Reirei ao Berita aika Tabu 67:4, 9
Kaotioti ake e anganaki Iotebwa Timiti a bon koaua.
Angiin te kaetieti inanon Reirei ao Berita aika Tabu 67–70 iai irekerekena ma aia mwakuri aika Itiaki ni boreeti ana kaotioti Iotebwa Timiti. Aio e kona n reke bwa te tai ni buokiia ataei ni kinai kaotioti aikai, ni boreetiaki ngkai n Reirei ao Berita aika Tabu, ti kona ni kunea bwanaan te Uea.
Ngkai ko katauraoi n angareirei, ko kona n rinanon Aika Itiaki, 1:140–43 ke “Mwakoro 23: Reirei ao Berita aika Tabu” (Karaki man Reirei ao Berita aika Tabu, 90–92).
Waaki ni Kakukurei aika a Kona ni Karaoaki
-
Kaotia nakoia ataei te Baibara ae Tabu, ana boki Moomon, Reirei ao Berita aika Tabu, ao te Bwaeao ae Bati Boona. Buokiia ataei ni karaoa te rinan iaon te burakibooti are e karika te kaokoro ni koroboki aika a tabu ao tera ae a titebo iai. Ngkana a kainnaoa te ibuobuoki, tibwaia ma ngaiia kabwarabwaraan booki aikai Bwai ni Kairi nakon Koroboki aika Tabu. Tuangiia ataei bwa a na kanga n ataia bwa a koaua koroboki aika a tabu. Tera ae ti reiakinna man Reirei ao Berita aika Tabu 67:4, 9 iaon kaotioti ake e anga te Uea nakon Iotebwa Timiti?
-
Tibwa te kibu man Reirei ao Berita aika Tabu are e kakorakora am “koaua ni koauan tuua aikai” (te kibu 4). Anganiia aia tai ataei n tibwa aia kibu ae tatangiria ibon irouia. Kabwarabwara nakoia ataei bwa taan kairiiri n te Ekaretia n te tai aei a baireia ni boretia aia koaua n ana kaotioti Iotebwa Timitia are e a tia ni karekei. Ngke a karaoia, temanna irouia taan kairiiri, Levi Hancock, e koreia irarikin arana, “E na aki kamaunaaki” (taraa “Testimony, circa 2 November 1831,” Revelation Book 1, 121, josephsmithpapers.org). Bukin tera e tangiria Levi Hancock arana “e na aki kamaunaaki” man koaua ake a boretiaki? Anganiia ataei aia tai ni korea aia koaua n te bwai are a tia n reiakinna n Reirei ao Berita aika Tabu.
Tamneiataei ngke a warewareTe Atua e tuangiira bwa tina kamatebwai ni koroboki aika a tabu.
Reirei ao Berita aika Tabu 68:3–4
Ngkana a taetae ara mataniwi n te Ekaretia man te kairaki, a taekina “ana taeka te Uea.”
Ngkana e taetae ana toro te Uea man mwaakan te Tamnei ae Raoiroi, aia taeka bon ana kantaninga, iango, taeka, ao bwanaan te Uea (taraa te kibu 4). Ataakin te koaua aei e kona ni buokiia ataei n tangiria ni kakauongo ao n irii aia reirei.
Waaki ni Kakukurei aika a Kona ni Karaoaki
-
Kaoiia ataei bwa a na wareka Reirei ao Berita aika Tabu 68:3–4 inanon kurubu aika a uarereke ao tibwaia imarenaia tera are a kona n reiakinna man kiibu aikai. Kaoiia ataei bwa a na korea te bwai teuana ae a tia n reiakinna iaon te burakibooti. Bukin tera te koaua aei e kakaawaki bwa ti na ataia?
-
Imwiin warekan Reirei ao Berita aika Tabu 68:3–4 n ikotaki, anganiia ataei tabeua rongorongo aika tibwa ngkai man te maungatabu ni kabuta. Kaoiia bwa a na kakaea koauan rongorongo ake e reireiniira te Uea rinanoia Ana toro.
Reirei ao Berita aika Tabu 69:1–2
I kona n “koaua ao ni kakaonimaki.”
Ngke e kainnanoia ni mwananga Oliver Cowdery nako Missouri, te Uea e wetea John Whitmer, temanna ae e “koaua ao ni kakaonimaki” (kibu 1), bwa e na nako ma ngaia. A kanga ataei ni koaua ao ni kakaonimaki n ai aron John Whitmer?
Waaki ni Kakukurei aika a Kona ni Karaoaki
-
Tuangiia ataei bwa ngke e kanakoa te Uea Oliver Cowdery nako Missouri, E taku bwa temanna “koaua ao ni kakaonimaki” (kibu 1) e riai n nako ma ngaia, ngaia are E kanakoa naba John Whitmer. Tera ae nanonaki bwa ko na “koaua ao ni kakaonimaki”? Tina kanga ni kakoaua bwa ngaira ti koaua ao ni kakaonimaki bwa e aonga te Uea ni kona ni kabonganaira ni kakabwaiaia tabeman?
-
Kaoiia tabeman ataei bwa a na karakina temanna ae a kina ae a taku bwa e “koaua ao ni kakaonimaki.” A kanga n ataia bwa te aomata anne e koaua ao ni kakaonimaki? Buokiia n nooria bwa te Uea e onimakina John Whitmer ibukina bwa n te tai aei, e koaua ao ni kakaonimaki (taraa Reirei ao Berita aika Tabu 69:1–2). Ikotaki anenea te kuna are e kaungaia ataei bwa a na koaua ao ni kakaonimaki n ai aron te Tia Kamaiu, n aron “I’m Trying to Be like Jesus” (Aia Boki n Anene Ataei, 78–79).
Kaungaa te Kamatebwai n te Mweenga
Kaoiia ataei bwa a na kabwarabwara nakon temanna ni mweengaia bwa tera Reirei ao Berita aika Tabu, e roko mai ia, ao bukin tera e kakaawaki ibukiia.
Kanakoraoan Ara Anga Reirei
Karaoi waaki ni kakukurei ni kaboraoia ma aia ririki ataei ake ko reireiniia. Ataei aika a uarereke a kona ni kainnanoa riki te kairiiri ngkana a kaoaki bwa a na tibwatibwa. Ataei aika a ikawai riki iai riki aia taneiai n tibwa aia iango. Kawakini kakaokoro aikai n am iango ngkai kam bairei waaki.