talon iti isisingising ti init

Daviess County, Missouri

Hunio 14–20

Doktrina ken Katulagan 64–66

“Kalikaguman ti Apo ti Puso ken ti Natallugod a Panunot”

Bayat ti panagsaganam a mangisuro, ibilangmo no kasanom nga ibagay ti pamay-am tapno maibagay kadagiti kasapulan dagiti ubbing. Laglagipem a mabalinmo nga usaren uray ania kadagiti aktibidad iti daytoy a balabala, para kadagiti naub-ubbing wenno nataenganen nga ubbing.

Isuratmo dagiti Impresionmo

icon iti panagbibinninglay

Yawis ti Panagbibinninglay

Ikkam ti tunggal maysa kadagiti ubbing ti gundaway a maiggaman ti maysa a ladawan ti Mangisalakan ken ibinglayda ti maysa a banag a masursuroda maipapan Kenkuana ken ti ebangheliona.

icon iti panangisuro

Isuro ti Doktrina: In-inaudi nga Ubbing

Doktrina ken Katulagan 64:9–10

Kiniddawnak ni Jesucristo a mangpakawan kadagiti dadduma.

Ania dagiti banag a pakasursuruan wenno aktibidad a mapanunotmo a makatulong kadagiti ubbing a maawatan no ania ti kaipapanan ti mangpakawan? Bayat ti panangilawlawagmo ti panangpakawan, ipalagipmo kadagiti ubbing a ti panangpakawan ket dina kaipapanan nga ipalubos dagiti dadduma a saktandatayo.

Dagiti Mabalin nga Aktibidad

• Basaem ti ragup dagiti balikas a “nasken nga agpipinnakawankayo iti tunggal maysa” (Doktrina ken Katulagan 64:9) ken saludsodem kadagiti ubbing no ania ti kaipapanan ti panangpakawan iti maysa a tao. Tapno matulongam ida a makaawat, ibinglaymo ti sumagmamano a simple a pagarigan. Tulongam ida a mangyakem kadagitoy a pagarigan tapno masanayda a mamakawan.

• Ibambannayatmo a basaen ti Doktrina ken Katulagan 64:10 kadagiti ubbing, ket awisem ida a makialamano iti sabali nga ubing no mangngegda ti balikas nga “pakawanem.” Ibinglaymo ti pammaneknekmo iti kappia ken kinaragsak a sumangbay no pakawanentayo dagiti dadduma.

• Agkansion iti maysa a kanta maipapan iti pammakawan, kas iti “Help Me, Dear Father” (Children’s Songbook, 99). Ania ti isuro kadatayo dagitoy a kanta maipapan iti panangpakawan kadagiti dadduma?

Doktrina ken Katulagan 64:34

Matungpalko ni Jesus iti pusok ken panunotko.

Insuro ti Apo dagiti Santo a tapno mangibangon ti Sion, kasapulanda nga ipaay Kenkuana dagiti puso ken natallugod a panunotda. Ibilang no kasano a matulongam dagiti ubbing a mangrugi nga agpanunot ti maipapan iti kaipapanan daytoy para kadakuada.

Dagiti Mabalin nga Aktibidad

• Basaem kadagiti ubbing manipud iti Doktrina ken Katulagan 64:34: “Adtoy, kalikaguman ti Apo ti puso ken ti natallugod a panunot.” Ulitem daytoy a ragup dagiti balikas iti sumagmamano a daras, nga itudtudom ti pusom ken ulom bayat ti panangbasbasam kadagidiay a balikas, ket awisem dagiti ubbing nga aramidenda met daytoy. Kasano a makaipaaytayo kadagiti puso ken panunottayo iti Mangisalakan? (Mabalin a makatulong no mailawlawag a dagiti pusotayo ket tumukoy kadagiti rikna ken ayattayo ken ti panunottayo ket tumukoy kadagiti pampanunotentayo.

• Agkansion ti maysa a kanta maipapan iti panangayat ken panangsurot iti Mangisalakan, kas iti “I Feel My Savior’s Love” (Children’s Songbook, 74–75; nagnagruna ti bersikulo 3). Kasano nga ipakitatayo iti Mangisalakan nga ay-ayatentayo Isuna? Ibinglaymo dagiti riknam para ken ni Jesucristo.

Doktrina ken Katulagan 66

Am-ammo ti Apo no siasinoak ken ay-ayatennak.

Adda lima nga espesipiko a saludsod ni William E McLellin para iti Apo. Naawat ni Joseph Smith dagiti sungbatda iti maysa a paltiing uray pay di na ammo no ania dagiti saludsod ni William. Makatulong daytoy a padas a mangisuro kadagiti ubbing a ti Dios ket ammona ida ken sungbatanna dagiti saludsodda.

Dagiti Mabalin nga Aktibidad

• Isalaysaymo no kasano a sinungbatan ti Apo dagiti saludsod ni William E McLellin babaen iti paltiing manipud ken ni Propeta Joseph Smith (kitaen ti Doktrina ken Katulagan 66, paulo ti benneg.). Paneknekam nga ammonatayo ti Nailangitan nga Ama ket kayatna ti tumulong kadatayo. Kiddawem dagiti ubbing a mangibinglay iti no kasano a naammuanda nga ay-ayaten ida ti Nailangitan nga Ama.

• Ibasam kadagiti ubbing ti Doktrina ken Katulagan 66:4. Isaritam kadagiti ubbing maipapan iti maysa a panawen nga impakita kenka ti Apo no ania ti kayatna nga aramidem. Basaen manen ti bersikulo, daytoy a tiempo isingitmo ti nagan ti maysa kadagiti ubbing. Ulitem ti tunggal maysa kadagiti ubbing.

  Ni Jesus ken dagiti ubbing

  Ay-ayaten ni Jesus ti tunggal maysa kadatayo.

icon iti panangisuro

Isuro ti Doktrina: In-inauna nga Ubbing

Doktrina ken Katulagan 64:7–10

Kayat ti Apo a pakawanek ti tunggal maysa.

Kas impakita dagitoy a bersikulo, uray pay dagiti disipulo ni Jesucristo ket no dadduma marigatan a mangpakawan ti tunggal maysa. Ibilangmo no kasano a matulongam dagiti ubbing a maawatan ti bilin ti Apo a “pakawanenyo amin a tao.” (Ilawlawagmo a ti mangpakawan saanna kayat a sawen a panangipalubos kadagiti tao a dangrandatayo, nasken a kanayon nga ibagada ti pagtalkanda a nataengan no adda maysa a tao a nangdangran kadakuada.)

Dagiti Mabalin nga Aktibidad

• Awisem dagiti ubbing a mangipapan a nakiddawda a mangisuro ti in-inaudi a kabsat maipapan iti panangpakawan kadagiti dadduma. Kasano ti panangaramidda daytoy? Awisem ida a basaen ti Doktrina ken Katulagan 64:7–10 nga agpaparis ken sapulenda ti ragup dagiti balikas nga usarenda iti panangisuroda. Mabalinda met nga agsanay a mangisuro iti tunggal maysa.

• Aggigiddan a kansionen ti “Help Me, Dear Father” (Children’s Songbook, 99). Kasano a tulongannatayo ti Nailangitan nga Ama a mangpakawan kadagiti dadduma?

• Panunotem ti maysa nga analohia a mabalin a makatulong kadagiti ubbing a maawatanda no kasano a “madusatayo” no saantayo a mamakawan (bersikulo 8). Kas pagarigan, ipakita kadagiti ubbing ti maysa a bag ti pitak wenno daga; kiddawem ida a mangipapan a maysa a tao ti nangipuruak kadakuada iti pitak. Kasano a ti di panangpakawan ket kas iti panangurnong ti pitak ken ti kanayon a panangbagkattayo iti daytoy? Apay a nasaysayaat nga ibellengtayo daytoy a pitak? Tulongam dagiti ubbing a mangpanunot kadagiti sabali nga analohia a mangisuro maipapan iti kinapateg ti mamakawan.

Doktrina ken Katulagan 64:33–34

Kalikaguman ti Apo ti “puso[k] ken ti natallugod a panunot[ko].”

Ti panangbangon ti Sion—wenno panangtulong ti panagdur-as ti Simbaan—ket maysa a “naindaklan nga aramid.” Tapno maipatungpal daytoy, kalikaguman ti Apo nga ipaaytayo Kenkuana dagiti pusotayo ken natallugod a panunottayo. Dagidiay agnanaed iti Sion ket “sangsangkamaysa ti puso ken panunotda” (Moises 7:18).

Dagiti Mabalin nga Aktibidad

• Ipakita kadagiti ubbing ti sumagmamano a banag a naaramid ti adu a babassit a piesa, kas iti puzzle wenno maysa nga alpombra. Tulongam ida a mangpanunot kadagiti dadduma a pagarigan. Awisem dagiti ubbing a basaen ti Doktrina ken Katulagan 64:33. Ania ti kayat ti Dios nga aramidentayo tapno makatulong Kenkuana a maipatungpal ti “naindaklan nga aramid[na]”? Ania dagiti “babassit a banag” a maaramidtayo a makatulong tapno maipatungpal daytoy nga aramid?

• Kiddawem dagiti ubbing a mangkompleto ti tignay nga agkasapulan ti dua nga banag, ngem ikkam ida ti maysa laeng (kas pagarigan, agsurat iti pisarra nga awan iti tisa wenno manggetteng ti papel nga awan ti kartib). Awisem dagiti ubbing a basaen ti Doktrina ken Katulagan 64:34 tapno maammuan no ania dagiti dua a banag a kidkiddawen ti Apo kadatayo. Apay a kasapulantayo nga ipaay nga agpadpada dagiti puso ken panunottayo iti Apo? Kasano nga aramidentayo daytoy?

Doktrina ken Katulagan 65

Makatulongak a mangisagana ti lubong a mangawat ken ni Jesucristo.

Ti mision ti Simbaan—ti pagarian ti Dios iti daga—ket isu ti panangisagana ti lubong para iti panagsubli ti Mangisalakan. Napateg a paset dagiti ubbing a sursuruam iti daytoy a mision. Ania ti maaramidmo tapno matulongan ida a makiraman?

Dagiti Mabalin nga Aktibidad

• Kas maysa a klase wenno agpaparis, basaen ti Doktrina ken Katulagan 65, ken bilangen no namin-ano a naisurat ti balikas nga “agsagana”. Ania ti kiniddaw ti Apo nga isaganaantayo? Ania ti maaramidtayo tapno maisaganatayo ti bagitayo ken ti daga?

• Ipakitam ti ladawan ti Maikadua a Yaay ti Mangisalakan (kitaen iti Libro ti Arte ti Ebanghelio, num. 66), ket kiddawem kadagiti ubbing nga iladawanda no ania ti makitada wenno no ania ti ammoda maipapan iti daytoy a pasamak. Ikkam dagiti ubbing kadagiti key words ken ti ragup dagiti balikas a sapulenda iti Doctrine and Covenants 65 (kas iti “napunno ti sibubukel a daga” ken “nakaskasdaaw nga aramid”). Ania ti isuro dagitoy a balikas ken ragup dagiti balikas maipapan iti Maikadua nga Yaay ken ti akemtayo iti panagsagana para iti daytoy?

icon ti panagsursuro

Yallukoy ti Panagsursuro iti Pagtaengan

Tulongam dagiti ubbing a mangsarak ti maysa a bersikulo iti Doktrina ken Katulagan 64–66 a kayatda ken agtarigagayda nga ibinglay iti miembro ti pamiliada wenno gayyemda.

Panangpadur-as iti Panangisurotayo

Sursuruem ti mangilasin iti paltiing. Bayat ti panagkararag ken panangutobmo kadagiti nasantuan a kasuratan, maammuamto a mabalin a dumteng dagiti kapanunotan ken impresion iti ania man nga oras ken iti sadino man a lugar—“kabayatan ti panagbiahem a mapan iti trabaho, panagaramid kadagiti trabaho iti balay, wenno pannakilangen iti pamilia ken gagayyem” (Panangisuro iti Wagas ti Mangisalakan, 12).

panid ti aktibidad: masurotko ni Jesucristo iti panunotko ken pusok