C. C. A. Christensen (1831–1912), Zion’s Camp, c. 1878, tempera on muslin, 196 × 287 tientemita. Brigham Young University Museum of Art, gift of the grandchildren of C. C. A. Christensen, 1970

Tebetembwa 13–19

Reirei ao Berita aika Tabu 102-105

“Imwiin Karawawataaki aika Mwaiti … E Roko te Kakabwaia”

Am kamatebwai iaon Reirei ao Berita aika Tabu 102:-5. bon te mwakoro ae kakaawaki n am katauraoi n angareirei. Kakauongo nakon namakin n tamnei iaon arom ni buokiia ataei bwa a na mataata riki iaon koroboki aika tabu.

Korei Am Namakin

Kaungaa te Tibwatibwa

Buokiia ataei n rinea te anene are e na kauringiia n te bwai are a tia n reiakinna ni mweengaia ke n te taromauri.

Reirei te Reirei: Ataei aika a Uarereke

Reirei ao Berita aika Tabu 103:9

I kona n riki bwa “te oota nakon te aonaaba.”

Ko na kanga ni kaungaia ataei ake ko reireiniia bwa a na tibwa otan te euangkerio ma naake irarikiia?

Waaki ni Kakukurei aika a Kona ni Karaoaki

• Wareka Reirei ao Berita aika Tabu 103:9 nakoia ataei, ao kaoia bwa a na taui tamnein te taura te wiiki, taura te nenea, ke taura riki tabeua. Tuangiia bwa a na kaota aia tamnei nakon temanna kain aia kiraati. Tuangiia ataei bwa a na kanga n riki n ai aron te oota nakoia tabeman ngkana a iriira Iesu Kristo.

• Anenea te kuna ma ataei iaon te banna ni katooto, n aron “Jesus Wants Me for a Sunbeam” ke “I Am like a Star” (Aia Boki n Anene Ataei, 60–61, 163). Buokiia n iangoi aia kai are e na airi ma taekana. Ti na kanga n riki bwa te oota, ke te banna ni katooto, nakoia aomata ake irarikira?

  

  I kona n riki bwa te otan akon te aonaaba.

Reirei ao Berita aika Tabu 104:42

Te Uea e na kakabwaiaai ngkana I kawakin Ana tua.

Tabeua te tai inanon mwakoro 104, te Uea e berita “ni kakabwaiaia aika a mwaiti” nakoia naake a kakaonimaki n ongotaeka nakon Ana tua nako. Ko na kanga ni buokiia ataei n namakinna bwa E tangiria ni kakabwaiaira man ana akoi?

Waaki ni Kakukurei aika a Kona ni Karaoaki

• Kaoia ataei bwa a na karaoa kaina, n aron kamwaingiingan tabon baia, ni katoa tai are a ongo iai te taeka ae “kakabwaia” ngkai ko wareka Reirei ao Berita aika Tabu 104:42. Tuangiia ataei bwa e kanga Tamara are i Karawa ni kakabwaiako ibukin kawakinan Ana tua. Tuangiia ataei bwa a na tibwaua aron te Tia Kamaiu n tia ni kakabwaiaia. Kaoia ataei bwa a na tibwa te tua ae a kona n ongotaeka iai.

• Ni buokiia ataei n ataia bwa tera “aekakin nako” ae nanonaki, korea tamnein te mronron iaon te burakibooti ke iaon te mwakoro ni beeba. Tuangiia ataei bwa a na buokiko ni kamwaiti mwaitin taian mronron—ni korea tamnein uoua, imwiina aua, imwiina waniua, ao imwiina tebwi ma onoua, ao a mwaiti riki—ni karokoa te burakibooti ke te beeba e a onrake n taian mronron. Ni katoa tai are ko karina iai te mronron, buokiia ataei n iangoa te kakabwaia are e a tia n anganiia Tamara are i Karawa. Kabwarabwara bwa “kakabwaia aika a mwaiti” nanona te Uea e na kaoni maiura ma kakabwaia ngkana ti ongotaeka nakon Ana tua.

Reirei ao Berita aika Tabu 105:38–40

I kona n riki bwa te tia raoi.

A rang mwaiti reirei ake ti kona n reiakini man te bwai are e riki n te Kaembwa i Tion. Teuana are e kona ni kakaawaki nakoia ataei bwa te kauntaeka ao te itabaraara e uota te kaangaanga, ngkai te katiteuanaaki ao te rau e uotii kakabwaia.

Waaki ni Kakukurei aika a Kona ni Karaoaki

• N oin am taeka, karakinna nakoia ataei karakinan te Kaembwa i Tion (taraa te kabwarabwara nakon bwaai aika a kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu; Aika Itiaki, 1:194–206; ke “The Acceptable Offering of Zion’s Camp” [Kanoan te Kaotioti, 213–18]). Tooki ni katoatai ni katereterei reirei ake ti kona n reiakin man te Kaembwa are i Tion—n te katooto, bwa te uea e tangiriira bwa ti na rau ao ni kaai ni mwakuri n ikotaki nakon ae ti na kakauntaeka ao ni itabaraara.

• Wareka Reirei ao Berita aika Tabu 105:38–40, ao titirakiniia ataei bwa a na teirake ngkana a ongo te taeka ae “rau.” Kabwarabwara bwa te Uea e tangiriia Aika Itiaki bwa a na karekea te rau ma aomata aika aki rangi n akoi. Buokiia ataei bwa a na iangoi bwaai ake a kona n riki iai bwa taan raoi, ao kaoia bwa a na karaoa te kaotioti n aron tabeua kaangaanga.

• Karakina taekan te ataei ae riki bwa te tia raoi man oin maium ke man te Rao ke Riaona. Anenea te kuna iaon tangirakiia tabeman, n aron “Jesus Said Love Everyone” (Aia Boki n Anene Ataei, 61), ke katiaa te iteraniba ni waakin kakukurei n te wiiki aei.

Reirei te Reirei: Ataei aika a Ikawai Riki

Reirei ao Berita aika Tabu 104:13–18

Te Uea e tangirai bwa N na tibwai bwaai ake iai irou ma naake a kainnanoia.

Iangoia bwa ko na kanga ni buokiia ataei n ata ana kawai te uea are e katauraoia ibukiia Ana aomata ngkana a kainnano.

Waaki ni Kakukurei aika a Kona ni Karaoaki

• Anganiia ataei tabeua te miniti bwa a na karaoi rinanin kakabwaia ake e a tia n anganiia te Atua. Kaungaia bwa a na karin rinanin bwaai ni kabane ake a kona ni uringi. Imwiina ikotaki wareka Reirei ao Berita aika Tabu 104:13–18, n taratarai kaeka nakon titiraki n aron aikai: Antai te tia bwaibwai ni koaua ni bwaai ni kabane? Bukin tera e anganiira? Tera ae E tangiria bwa ti na karaoia ma bwaai aikai? Buokiia ataei n iangoi kawai ake a kona iai n tibwauai aia kakabwaia ma tabeman.

• Tibwaua te bwai are ko rinanona are temanna e anganiko te bwai ae ko kainnanoia, ao tuangiia ataei bwa a na tibwatibwa naba n te bwai are a rinanona ae aekakin anne. Ke kaota te witeo iaon buokakiia tabeman, n aron “Te Kooti” (ChurchofJesusChrist.org). Tera ae ti reiakinna man kiibu aikai iaon bwaai ake ti rinanona aikai ni beku ibukiia tabeman? Kaoia ataei bwa a na ataia naake a kainnano ao ni kakaea temanna are a na buokia n te wiiki aei, n aron temanna n te reirei ke riki temanna inanon aia utu.

• Kaoia ataei bwa a na kakaea n Aia Boki n Anene Ataei ke Anene n Taromauri ni kakaai anene ake iai rekerekeia ma te mwakuri n ibuobuoki ke buokakiia tabeman (taraa intekiti iaon taobiki). Anenea te korana ke uakora n ikotaki, ao marooro iaon te bwai are e reiakiniira anene aikai.

Reirei ao Berita aika Tabu 105:9–19

I kona n ongotaeka n ana tua te Uea e ngae ngkana I aki mataata bwa tera bukina.

Taneiai n te Kaembwa i Tion e kona n riki bwa te kawai ae korakora ni kabwarabwaraan kakabwaia ake a roko man ukoukoran iriiran ana kantaninga te Uea.

Waaki ni Kakukurei aika a Kona ni Karaoaki

• Kaota te tamnei inanon te kamataata n te wiiki aei inanon Nakomai, Irirai—Ibukiia Aomata n tatabeman ao Utu, ao kaoia ataei bwa a na tibwaua te bwai ae ataia ibukin te kaembwa i Tion. Ngkana a kainnanoa te ibuobuoki, kabongana te kabwarabwara nakon bwaai aika a kakaawaki n te wiiki aei Inanon Nakomai, Iriirai—Ibukiia Aomata n Tatabeman ao Utu; Aika Itiaki, 1:194–206; or “The Acceptable Offering of Zion’s Camp” (Kanoan te Kaotioti, 213–18). Kaoia ataei bwa a na baka n ae angkoa ngaiia kain te kaembwa i Tion, ao a karakinna nakoia natiia te bwai are a rinanona. Tera ae a na tangiria ni kan reiakinaki iai natiia man te taneiai aei?

• Ikotaki wareka Reirei ao Berita aika Tabu 105:13–14, ao kabwarabwara bwa ana kaembwa Tion e roko i Missiouri, te Uea e tuangiia bwa a na aki kaoka abaia Aika Itiaki. Tabeman kain te kaembwa a un ao a titiraki bwa bukin tera ngkai a tuangaki bwa a na nako ikekei. Tera ae ti riai ni karaoia ngkana ti aki ataia bwa bukin tera te tua? Tibwai tabeua rongorongo man “Voices of the Restoration: Zion’s Camp” (inanon Nakomai, Iriirai—Ibukiia Aomata n Tatabeman ao Utu) ni buokiia ataei n nooria bwa kakabwaia a na roko ngkana ti ongotaeka nakon tuua ake e anganiira rinanon Ana burabeti, e ngae ngke ti aki atai bukiia ni kabane.

Kaungaa te Kamatebwai n te Mweenga

Kaungaiia ataei bwa a na tibwa te bwai are a rinanona n ana Kaembwa Tion ma temanna ni mweengaia, n raonaki ma teuana te reirei are ti reiakinna man taneiai akanne. Ke kaoia bwa a na iangoa te bwai teuana are e a tia ni kakabwaiia iai te Atua ao man anne are a kona n tibwaia ma temanna ae e kainnano.

Kanakoraoan Ara Anga reirei

Katoka te kakeru ma te tangira. “N tabetai te ataei e karaoi waaki ni kakeru ake e na uruana iai aia reirei tabeman n te kiraati. Ngkana e riki aei, bwaina te taotaonannano, tangira, ao n ota ni kakaewenako ake e na kakaitarai te ataei. … Ngkana te ataei are e karika te kakeru iai kainnanona ae riai, marooro ma te aomata ae mwatai iaoia mwauku n te uote ke te titeiki ke nakon [disabilities.ChurchofJesusChrist.org] ni kakaea bwa kona kanga ni karekei kainnanoia n te aro ae tamaroa riki.” (Reirei n ana Kawai te Tia Kamaiu, 26).