Kivei Ira Kece Na Tagane Bula Kilikili, mai vei Emma Allebes

6–12 ni Tiseba

Na Yavu ni Vakabauta kei na Ai Vakaro Raraba 1 kei na 2

“Keimami Vakabauta”

Ni ko vuli ena macawa oqo ka tuvana mo veivakavulici, vakasamataka na sala e rawa ni o vukei ira na gone ena nomu kalasi ka vaqaqacotaka na nodra vakabauta na dina taumada ni kosipeli.

Vola na Veika o Vakauqeti Kina

Sureta na Veiwasei

Pasitaka e dua na polo vei dua na gone, ka kerea na gone me wasea e dua na ka e vakabauta me baleti Jisu Karisito se na Tamada Vakalomalagi. Me caka tikoga me yacova ni ra sa vakaitavi kece na gone ena veiwasei.

Vakavulica na iVunau: Gone Sobu

Na Yavu ni Vakabauta

Au vakabauta na kosipeli i Jisu Karisito.

Sa rawa mo vakayagataka na Yavu ni Vakabauta mo taleva lesu kei ira na gone eso na vakabauta taumada ni Lotu i Jisu Karisito. Na cava na vuna e bibi kina vei ira na gone o vakavulica me vakabauti na veidina rawarawa oqo?

iTaviqaravi e Rawa ni Caka

• Digitaka e vica na noda yavu ni vakabauta o nanuma e sa ka bibi sara vei ira na gone o vakavulica. Me baleta na yavu yadua ni vakabauta, wasea e dua na iyaloyalo (raica na tabana ni itaviqaravi ena macawa oqo) se e dua na italanoa (mai na ivolanikalou se nomu bula) ka na vakaraitaka se vakamatatataka na dina e vakatavulici ena itukutuku o ya. Tukuna vei ira na gone na cava e bibi kina vei iko na dina o ya, ka me ra wasea na vuna e bibi kina vei ira.

• Raica na sere ni Lotu se nodra sere na Lalai me rawa ni vukei ira na gone mera kila vakavinaka e dua se sivia na yavu ni vakabauta. E rawa beka ni ra vukei iko na gone—E rairai ira na gone e rawa ni vukei iko —ena nomu digidigi. Lagata vata na sere, ka vukei ira na gone me ra raica na kena semati vakacava ki na yavu ni vakabauta na sere.

Yavu ni Vakabauta 1:9; Ai Vakaro Raraba 1 kei na 2

Sa liutaka na Turaga na Nona Lotu mai vua na Nona parofita.

Me vaka ni lewe ni Lotu era bini e matadra na veimataqali dredre, sa rawa meda kune vakacegu ena noda kila ni sa rawa ni vakarautaka e dua na ivakatakila me dusimaki keda tiko na Tamada Vakalomalagi. Vukei ira na gone o vakatavulica me vaqaqacotaka na nodra vakabauta na Kalou ena dusimaki na Lotu mai vua e dua na parofita bula.

Sa vosa vei keda na Tamada Vakalomalagi mai vei ira na parofita.

iTaviqaravi e Rawa ni Caka

• Vakaraitaka e dua na kena iyaloyalo ni parofita bula kei na iwase ni ivolanikalou (se na ilavelave ni koniferedi wale tikoga oqo ni Ensign se Liaona). Vukei ira na gone me vakadeitaka na malanivosa cava e veisemati “veika sa vakatakila oti na Kalou” kei na ka e veisemati ki na malanivosa “veika sa vakatakila mai na ena gauna oqo” (Yavu ni Vakabauta 1:9).

• Bokoca na cina, ka biuta e dua na iyaloyalo i Jisu Karisito ena papa ni volavola. Cinava yani e dua na cina livaliva ena iyaloyalo ka vakaraitaka vakacava na parofita, me vaka na cina livaliva, ena vukei keda meda raica vakamatata sara na iVakabula.

• Raica na idusidusi rawarawa me ra cakava e dua na ka, me vakataka na kakana se e dua na iyaya ni vakatatalo. Vakamuria na ivakasala oqo kei ira na gone, ka vakamacalataka ni mai vua na parofita, na Tamada Vakalomalagi e solia vei keda na ivakaro me vukei keda meda na lesu ka laki bula vata kei Koya. Na cava soti eso na ka sa vakavulica vei keda na parofita meda lesu rawa kina vua na Kalou?

Vakavulica na iVunau: Gone Qase Cake

Na Yavu ni Vakabauta

E vakavulica na Yavu ni Vakabauta na rawarawa ni dina ni kosipeli.

Ena so na gauna na kosipeli e vaka me levu ka dredre, vakabibi vei ira na gone. Na Yavu ni Vakabauta e rawa ni vukei ira na gone mera kila vakavinaka, ena dua na sala rawarawa eso na yavu ni dina eda vakabauta vaka-Yalododonu Edaidai.

iTaviqaravi e Rawa ni Caka

• Sureti ira yadua na gone mera digitaka e dua na vosa bibi se malanivosa mai na dua na yavu ni vakabauta ka wasea ki na kalasi. Me qai vakilakila na vo ni gone (se kunea) na yavu ni vakabauta na vosa se malanivosa e lako mai kina. Kerei ira na gone me ra wasea na vuna e bibi kina na vosa se malanivosa e ra taura.

• E vica na siga ki liu, kerea e lewe vica vei ira na gone mera vakavakarau mera wasea ena kalasi ena dua na itukutuku lekaleka me baleta na nodra yavu ni vakabauta taleitaki. Nodra itukutuku e rawa ni oka kina e dua na iyaloyalo, e dua na sere, e dua na italanoa se veika sotavi, se so tale na ivolanikalou. Sureti ira mera wasea na vuna era vinakata kina na yavu ni vakabauta era digitaka.

• Vola ena vava ni volavola eso na taro e tu vei ira na tamata eso me baleta na noda vakabauta, ka rawa ni saumi mai na dua na yavu ni vakabauta. Kerei ira na gone me (digia) tomika e dua na taro ka kunea e dua na yavu ni vakabauta e sauma. Mera vakatovotovo me sauma na taro ena kena vakayagataki na yavu ni vakabauta.

Ai Vakaro Raraba 1 kei na 2

Era na vukei keda na parofita meda kila na loma ni Tamada Vakalomalagi.

Ai Vakaro Raraba 1 kei na 2 e sa ivakaraitaki uasivi ni ra ciqoma ka cakacakataka na parofita na ivakatakila mai vua na Kalou. E rawa vakacava mo vukei ira na gone me vakalevutaka na nodra vakabauta ni Kalou sa dusimaka tiko na Nona Lotu ena ivakatakila?

iTaviqaravi e Rawa ni Caka

• Kerei ira na gone me ra kunea e dua na yavu ni vakabauta ka vakavulica me baleta na parofita se na ivakatakila. Sureti ira mera wasea na vuna era vakavinavinakataka kina ni sa tiko e dua na parofita bula. Wasea eso na ivakaraitaki ni sala e dusimaka kina na Lotu na Kalou ena ivakatakila, oka kina na ivakaraitaki e vakamacalataki tiko ena Ai Vakaro Raraba 1 kei na 2, ka laiva na gone me ra wasea na ivakaraitaki era sa kila vakavinaka tu (me vaka na veisau wale tikoga oqo ena lawatu se na parokaramu ni Lotu).

• Solia vei ira na gone na idusidusi vakaivolanikalou oqo: 2 Nifai 26: 33; Jekope 2:27. Sureti ira me ra vakatulewataka na ivolanikalou e veisemati ki na Ai Vakaro Raraba 1 (ka a muataki ki na icavacava ni vakamau vakalevu) kei na kena semati tiko ki na Ai Vakaro Raraba 2 (ka solia na veivakalougatataki ni matabete kei na valetabu vei ira na tamata duikaikai kece). Wasea na nomu ivakadinadina ni na vakaraitaka na Turaga na Nona lewa kivei ira na parofita ni gauna makawa kei na gauna oqo.

• Vola ena vava ni volavola na veika oqo mai na Ai Vakaro Raraba 1 : “O sa vakatulewa ga vakai iko.” Na cava na ibalebale ni vakatulewa vakai keda ena gauna e ciqoma kina na parofita na ivakatakila? Me vukei ira na sauma na taro oqo, sa rawa mo wasea na itukutuku oqo mai vei Peresitedi Russell M. Nelson: “E rawa ni ko kila vakataki iko na ka e dina kei na cava e sega ena nomu vulica mo kila na vakasolokakana ni Yalotabu” (“Na Loloma kei na Lawa ni Kalou” [Lotu ni Brigham Young University, 17 ni Sepi., 2019], 4, speeches.byu.edu).

• Droinitaka se vakabira e dua na iyaloyalo ni vuravura ena vava ni volavola. Sureta e dua vei ira na gone me wilika na iotioti ni rua na parakaravu ni ivola ni Mataveiliutaki Taumada ena ika 8 ni June, 1978 e tukuni ena iVakaro Raraba 2 (tekivu ena “Sa rogoca na neimami masumasu …”). Kerei ira na gone me ra wilika e rairai mai vakavica na vosa “vakalougatataki” kei na “veivakalougatataki”. Na kosipeli e kauta mai na veivakalougatataki cava? Sureti ira na gone me ra vola ena vava ni volavola e na kena droini se iyaloyalo ni vuravura. Wasea na nomu ivakadinadina ni Kalou e lomani ira kece na luvena ena veiyasai vuravura ka vinakata me vakalougatataki ira ena Nona kosipeli.

Vakauqeta na Vuli e Vale

Vukei ira na gone me digitaka e dua na yavu ni vakabauta era na vinakata mera cavuqaqataka, ka vukei ira mera cakava e dua na ituvatuva me ra vakayacora vakakina.

Vakatorocaketaki Noda Veivakavulici

Era taleitaka na gone me ra wasea na veika era vulica tiko. Ni ra se gone ga, sa rawa vei ira me ra vaqaqacotaka na vakabauta ni lewe ni nodra matavuvale. Vakayaloqaqataki ira na gone me ra wasea ki na nodra matavuvale e dua na ka era vulica ena Lalai. (Raica na Veivakavulici ena iVakarau ni iVakabula,30.)