Sucu ena Umber kei na kopa, mai vei J. Kirk Richards

20–26 ni Tiseba

Siganisucu

Na iSolisoli Sega ni Vakatautauvatataki rawa ni Luvena Vakalou na Kalou

Siganisucu sa dua dina na gauna ni marau vei ira na gone. Vakasamataka na sala o na vukei ira me semata na reki ena gauna ni Siganisucu kei na reki ni kosipeli ni iVakabula.

Vola na Veika o Vakauqeti Kina

Sureta na Veiwasei

Sureti ira na gone me ra wasea na veika era a vakayacora na macawa sa oti me marautaka na nona sucu na iVakabula.

Vakavulica na iVunau: Gone Sobu

Au rawa ni “wasea na [noqu] ivakadinadina” me marautaki kina na sucu i Jisu.

Ena “The Living Christ” (ChurchofJesusChrist.org), era a solia kina nodra ivakadinadina kei Jisu Karisito na Mataveiliutaki Taumada kei na Kuoramu ni iApositolo Le Tinikarua me ra “vakananuma na sucu i Jisu Karisito.” Vakasamataka na sala ko na vakayaloqaqataki ira kina na gone me ra wasea na nodra ivakadinadina vei ira na tani.

iTaviqaravi e Rawa ni Caka

• Vakaraitaka vei ira na gone e dua na ilavelave ni “The Living Christ” (raica na ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale). Dusia na vosa Karisito ena ulutaga oqo, ka me ra dusia talega na vosa na gone. Dusia talega na saini ena boto ni tabana, ka tukuna vei ira na gone ni ena 2000, era a vola nodra ivakadinadina kei Jisu Karisito na Mataveiliutaki Taumada kei na iApositolo Le Tinikarua , sainitaka kina na yacadra, ka wasea vei vuravura.

• Vakaraitaka e dua na iyaloyalo kei Jisu Karisito, ka sureti ira yadua na gone me ra tucake ka wasea e dua na ka era kila me baleti Koya. Kevaka era gadreva na veivuke, vakatura na dina mai na “The Living Christ.” (Vakananuma) vei ira na gone ni gauna era tukuna vei ira na tamata me baleti Jisu, era sa wasea tiko na nodra ivakadinadina.

• Tukuna vei ira na gone o rawata vakacava nomu ivakadinadina kei Jisu Karisito kei na cava o sa cakava tiko mo maroroya na nomu ivakadinadina ena kaukauwa. Vukei ira mera vakasamataka na sala eso era rawa kina me ra vaqaqacotaka na nodra ivakadinadina kei Jisu Karisito, ka sureti ira mera digitaka e dua na ka era na cakava.

Ko Tamada Vakalomalagi e tala mai na Luvena me vaka e dua na iloloma vei keda.

Na soli kei na ciqomi ni isolisoli e dua na ivakarau tudei ni tiki ni Siganisucu vei ira e vuqa na tamata. Na ivakarau oqo e dodonu me vukei keda meda nanuma tiko na “isolisoli ni Kalou sega ni vakatautauvatataki rawa ni Luvena vakalou” (“The Living Christ”).

iTaviqaravi e Rawa ni Caka

• Kerei ira na gone me ra tukuna me baleta na isolisoli era sa solia se ciqoma. Wilika vei ira na iotioti ni yatuvosa ni “The Living Christ,” ka sureti ira mera vakarorogo ki na isolisoli sa solia vei keda na Kalou. (Kevaka e gadrevi, vukei ira me ra kila ni “sega ni vakatautauvatataki rawa” e kena ibalebale me “vinaka cake mai na veika tale eso.”) Na cava na vuna sa isolisoli vinaka duadua kina na Luve ni Kalou, o Jisu Karisito?

• Me lagati vata e dua na sere baleti Jisu Karisito, vaka na “Tala Mai Na Luvena” (iVolanisere ni Gonelalai, 20). Vukei ira na gone me ra tomika e dua na malanivosa mai na sere o ya era na vinakata mera droinitaka (me vakataka na “(gone sucuvou) luvena” se na “(mai bula) tamata”). Ni ra droini tiko, kerei ira na gone me ra tukuna vei iko na veika era vakila me baleta na veika sa cakava vei ira o Jisu. Wasea vakakina na nomu nanuma.

E sureti au o Jisu Karisito meu muria na Nona ivakaraitaki.

E tiki ni “veivakayarayarataki … bibi” ni iVakabula ena vuravura sa Nona ivakaraitaki vinaka sara. Ena rawa vakacava ni o vakauqeti ira na gone me ra vakamuri Koya?

iTaviqaravi e Rawa ni Caka

• Na ikarua ni parakaravu ni “The Living Christ,” wilika vei ira na gone eso na ka a vakayacora o Jisu. Vakaraitaka na iyaloyalo eso mai na Nona bula (raica na tabana ni itaviqaravi ena macawa oqo), ka sureti ira na gone me ra veitalanoataka na veika e cakava tiko na iVakabula ena iyaloyalo. Vukei ira me ra vakasamataka eso na sala e rawa ni ra vakamuria kina na Nona ivakaraitaki.

• Digitaka e dua na vidio ni “Light the World” (ComeuntoChrist.org) me vakaraitaka vei ira na gone, se me tukuna vei ira me baleta e dua na gauna o sa vakalougatataki kina mai na nona veiqaravi va-Karisito e dua na tamata. Sureta e dua na gone me matanataka e dua na ivalavala rawarawa ni veiqaravi, ka kerei ira na vo ni gone mera vakilakila na cava e sa cakava tiko. Me ra vakaitavi yadudua kina na gone. Vukei ira na gone me ra vakasamataka e dua na ka e rawa ni ra cakava me ra qarava kina e dua ena nodra matavuvale.

Vakavulica na iVunau: Gone Qase Cake

“Eda solia na noda ivakadinadina.”

Na nodra ivakaraitaki na parofita kei na iapositolo, ka ra a vola na “The Living Christ” e rawa ni vakauqeti ira na gone me ra wasea na nodra ivakadinadina baleti Jisu Karisito.

iTaviqaravi e Rawa ni Caka

• Vola ena vava ni volavola na Au kila ni o Jisu Karisito … ka sureti ira na gone me ra wasea na veisala era vakacavara kina na iyatuvosa. Vakatura me ra vaqaqara vakasama ena “The Living Christ”. Na cava eda rawa ni cakava meda vakaukauwataka kina na noda ivakadinadina i Jisu Karisito? Era sa vakalougatataki vakacava na tani ni da wasea na noda ivakadinadina?

• Vakamatatataka ni “The Living Christ” a sainitaki mai vei iratou na Mataveiliutaki Taumada kei na iApositolo Le Tinikarua. Wilika vata na Vunau kei na Veiyalayalati 107:23. Na cava e duidui kina na iApositolo “mai vei ira na vakailesilesi tale eso ni Lotu”? Digitaka e dua na vidio ni “Special Witnesses of Christ” me wasea vata kei ira na gone (ChurchofJesusChrist.org). Na cava na vuna eda sa vakavinavinaka vakalevu kina ni tiko o ira na ivakadinadina bula kei Karisito ena noda gauna oqo?

“Sega ni dua tale e a veivakayarayarataki bibi tudei.”

Era tukuna ena “The Living Christ,”o ira na parofita kei na iApositoloni sega ni dua e levu cake na nona veivakayarayarataki vei ira na luve ni Kalou mai vei Jisu Karisito. Vakasamataka mada na sala o na vukea kina na gone me ra vulica me baleta na veivakayarayarataki (titobu) ni iVakabula me baleti keda kece sara.

iTaviqaravi e Rawa ni Caka

• Solia vei ira yadua na gone e dua na iyatuvosa se malanivosa mai na “The Living Christ,” ka kerei ira me ra droinitaka na iyaloyalo ni malanivosa se yatuvosa. Ni ra vakaraitaka yadua na gone ki na kalasi na nodra iyaloyalo, kerei ira na vo ni gone mera vakilakila na cava e vakaraitaka na iyaloyalo ka raica na yatuvosa (veisemati) ena “The Living Christ.” Eda vakalougatataki vakacava ena vuku ni bula kei na ilesilesi nei Jisu Karisito?

• Vukei ira na gone me ra raica na duidui ni yaca, se na itutu i Jisu Karisito ena “The Living Christ” ka makataka ira, e rawa beka ni (so na kena ivakaraitaki e oka kina na Mesaia, na Ulumatua, na ivakatekivu kei na ivakataotioti, na dautataro, na kena ivakadei ena tutu ni vale). Ni veivosakitaka na cava e vakavulica vei keda na itutu yadua oqo me baleti Koya. (E so vei ira na itutu oqo sa vakamatatataki tu ena na iDusidusi ki na iVolanikalou se na Bible Dictionary.)

“O koya na rarama, na bula kei na inuinui kei vuravura.”

Na siganisucu sa dua na gauna marautaki ena vuku ni inuinui e kauta mai o Jisu Karisitoki na vuravura mai na Nona ivakavuvuli, ivakaraitaki, kei na isoro veivakaduavatataki.

Na Rarama kei Vuravura, maivei Howard Lyon

iTaviqaravi e Rawa ni Caka

• Sureti ira yadua na gone me ra droinitaka e dua na vunikau ni Siganisucu, se droinitaka e dua ena vava ni volavola. Sureti ira na gone mera ukutaka na vunikau vata kei na vosa se malanivosa mai na “The Living Christ” e vakamacalataka e dua na isolisoli e sa solia vei keda na iVakabula (me vaka na “rarama,” “bula,” kei na “inuinui”). Me ra veivosakitaka na vuna era digitaka kina na veivosa se na malanivosa oqori.

• Vukei ira na gone me digia na serenilotu ni Siganisucu eso e tukuna na rarama, bula, kei na inuinui e kauta mai ki vuravura na nona sucu na iVakabula — me kena ivakaraitaki, “Koro ko Peceliema” se “Agilosi Era Sere” (Serenilotu, naba 123, 126). Ni laga serenilotu vata, ka me ra wasea na gone na sala sa kauta mai kina ki na nodra bula o Jisu na rarama, bula, kei na inuinui.

• Kerea eso na gone me ra wilika me baleta na ivakatawa ni sipi ena Luke 2:8–20. Kerea eso tale mera wilika na veika baleti Simioni ena Luke 2:25–33. Sureti ira me ra veiwaseitaka vakai ira na veika era vakila o ira na ivakatawa ni sipi kei Simioni me baleta nodra a kunea ni sa sucu o Jisu. Na cava era a vakila kina vakaoqo? Na cava na vuna e kauta mai kina vei keda na “reki vakalevu” na Nona sucu?

Vakauqeta na Vuli e Vale

Sureti ira na gone me ra vakasamataka mada e dua ena nodra matavuvale era na rawa ni wasea vua na nodra ivakadinadina baleti Jisu Karisito. Vukei ira me ra vakasamataka na ka era rawa ni kaya me vaqaqacotaka na vakabauta ni tamata oya me baleti Koya.

Vakatorocaketaki Noda Veivakavulici

Vakavakarau ena vulici na ivolanikalou. “Ni da vulica ena masumasu na vosa ni Kalou ena yaco meda na lomavata kei na Yalo Tabu. E rawa ni qai vakauqeti keda o Koya meda tautauri mai na veika eda sa vulica ni da veivakavulici ka laveti ira tale eso” (Veivakavulici ena iVakarau ni iVakabula, 12).