O Josefa sa raica na tamana, tinana, kei tacina ena matanitu vakasilesitieli (na raivotu nei Josefa Simici ni matanitu vaka-silesitieli, Robert Barrett).

29 ni Noveba–5 ni Tiseba

Vunau kei na Veiyalayalati 137–138

“Na Raivotu ni Nodra Vueti na Mate”

Vakasaqara na ivakavuvuli ena ivakatakila eso oqo ka vaka e bibi baleti ira na gone o vakavulica. E rawa vakacava mo vukei ira mera kila vakavinaka na ivakavuvuli oqo?

Vola na Veika o Vakauqeti Kina

Sureta na Veiwasei

Vakaraitaka e dua na iyaloyalo kei Jisu Karisito ena vuravura ni yalo , me vaka na kena ena ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale. Kerei ira na gone me ra wasea na ka era kila me baleta na vuravura ni yalo.

Vakavulica na iVunau: Gone Sobu

Vunau kei na Veiyalayalati137:1–5

Sa solia vei au na Kalou e dua na sala me ra na tiko tawamudu vata kei au na noqu matavuvale.

Ena dua na raivotu, o Josefa Simici a raica iratou na lewe ni nona matavuvale ena matanitu vakasilesitieli. E rawa vakacava mo vakayagataka na nona raivotu me vakavulici ira na gone ni rawa ni (bulavata) tawamudu na matavuvale?

iTaviqaravi e Rawa ni Caka

• Vakaraitaka na kena iyaloyalo e dua ena nomu matavuvale, ka tukuna me baleta na kena levu nomu via tiko kei koya ena matanitu vakasilesitieli. Vakamacalataka ni tuakai Josefa Simici ko Alaveni a mate ni se cauravou ka calati koya vakalevu sara o Josefa. Wilika na Vunau kei na Veiyalayalati 137: 1, 5, ka kerei ira na gone ka a raica o Josefa Simici ena nona raivotu ni matanitu vakasilesitieli (raica talega na Vunau kei na Veiyalayalati iTalanoa, 152–53). Sureti ira na gone mera dodoka (vakarabaraba yani) na ligadra— yani na lalaga— me vakaraitaka na levu ni nodra lomani na nodra matavuvale, ka kerei ira me ra wasea na vuna era vinakata me ra tiko vata kei nodra matavuvale ena matanitu vakasilesitieli.

• Vakayagataka na Vunau kei na Veiyalayalati 137:1–5 kei na tabana ni itaviqaravi ena macawa oqo me vukei ira na gone me kila na veika matailalai me baleta na raivotu nei Josefa Simici ni matanitu vakasilesitieli. Sureti ira me ra droinitaka e dua na iyaloyalo baleti ira kei na nodra matavuvale ena tabana ni itaviqaravi ni o (vakatagitaka)tabaka se lagata na sere me baleta na matavuvale, me vakataka na “Matavuvale me Tawamudu Tu” (iVolanisere ni Gonelalai, 98).

Vunau kei na Veiyalayalati 138:6, 11

Na Yalo Tabu sa rawa ni vukei au meu kila vakamatata na ivolanikalou.

Na ivolanikalou e rawa ni dredre me kilai ena so na gauna , vakabibi vei ira na gone. E vakavulica na Vunau kei na Veiyalayalati 138:11 ni na Yalotabu e rawa nI dolava “na mata ni yalo[da].”

Na Yalo Tabu ena rawa ni vukei keda me da kila na veika eda wilika ena ivolanikalou.

iTaviqaravi e Rawa ni Caka

• Vakaraitaka na iyaloyalo ni Peresitedi Josefa F. Simici (raica na Gospel Art Book, naba 127). Vakamacalataka ni okoya ea ikaono ni Peresitedi ni Lotu, ka dua na siga a wili ivolanikalou tiko ka vakasamataki ira (vakasamataka me baleta na veika sa kena ibalebale). Ni o wilika na Vunau kei na Veiyalayalati 138:6, 11, sureti ira na gone me ra vakatayaloyalotaka ni o ira o Peresitedi Simici ka cakava eso na ivukivuki e sala vata kei na vosa.

• Tukuna vei ira na gone me baleta e dua na gauna oamo vakasamataka kina e dua na ka mai na ivolanikalou ka vukei iko kina na Yalo Tabu mo kila matata. Lagata e dua na sere ni vuli ivolanikalou, vaka na “Vaqaqara ka Masu” (Volanisere ni Gonelalai, 66). Na cava e tukuna na sere oqo ni sa dodonu me da cakava me kila vakavinaka na ivolanikalou?

Vunau kei na Veiyalayalati 138:18–35

O ira kece na luvei Tamada Vakalomalagi ena yaco mai na gauna me ra rogoca na kosipeli.

Ni sa vakoti oti ki na kauveilatai o Jisu Karisito, a sikova kina na nona Yalododonu yalodina ena vuravura ni yalo. A vakasalataki ira me ra vakavulica na kosipeli vei ira era se bera ni ciqoma.

iTaviqaravi e Rawa ni Caka

• Vakaraitaka na iyaloyalo ni dua na ibulubulu (raica na Gospel Art Book, naba 58, 59 se itaba ena iVolatabu, naba 14), se droinitaka e dua na iyaloyalo ni dua na ibulubulu ena vava ni volavola. Vakaraitaka e dua na iyaloyalo ni iVakabula ena vuravura ni yalo ni se tiko na Yagona e na ibulubulu (me vakataka na kena ena ituvatuva oqo ni macawa ena Lako Mai, Mo Muri Au—Me Baleta na Tamata Yadua kei na Matavuvale). Ni ko cakava oya, taroga na taro me vukei ira na gone me ra raica na bibi ni ituvaki ena Vunau kei na Veiyalayalati 138:18–19, 23–24, 27–30, me vaka era a sikovi mai vei Jisu, na cava era a vakila, kei na veika e kerea o Koya vei ira me ra cakava.

• Vakaraitaka na iyaloyalo ni daukaulotu (raica na Gospel Art Book, naba 109, 110), ka kerei ira na gone me ra wasea na veika era cakava na daukaulotu. Rawa talega mo sureti ira mera cakava eso na ka era dau cakava na daukaulotu. Wilika na Vunau kei na Veiyalayalati 138:31–34 kivei ira na gone. Vakamacalataka me vaka ga e tiko na daukaulotu e vuravura, sa tu talega na daukaulotu ena vuravura ni yalo ka ra sa vakavulici ira tiko na tamata mai kea.

Vakavulica na iVunau: Gone Qase Cake

Vunau kei na Veiyalayalati137:1–5

Sa solia vei au na Kalou e dua na sala me ra na tiko tawamudu vata kei au na noqu matavuvale.

E dua na raivotu ni matanitu vakasilesitieli a raica o Josefa Simici ka raici rau na nona itubutubu kei Alaveni na tuakanatacina e kea. Na raivotu oqo e vakavulica vei keda ni kevaka eda bula dodonu, noda veimaliwai vakamatavuvale e rawa ni tomani tiko ga ena bula ka tarava.

iTaviqaravi e Rawa ni Caka

• Sureti ira na gone me ra wilika na Vunau kei na Veiyalayalati 137:1–5 ka droinitaka e dua na iyaloyalo ni cava era a wilika (raica talega na tabana ni itaviqaravi ena macawa oqo). Na cava beka e vakila o Josefa Simici ni sa raici ira na lewe ni nona matavuvale ena matanitu vakasilesitieli?

• Vakaraitaka na vidio “Families Can Be Together Forever” (ChurchofJesusChrist.org), se lagata na sere me baleta na matavuvale, me vakataka na “Matavuvale me Tawamudu Tu” (iVolanisere ni Gonelalai, 98). Na cava e na vidio se na sere e vakavulica vei keda me baleta na cava e rawa ni da cakava me tawamudu kina na noda matavuvale?

Vunau kei na Veiyalayalati 138:1–11

Ni’u vakasamataka vakatitobu na ivolanikalou, na Yalo Tabu e rawa ni vukea me’u kila na kena ibalebale.

Na cava e rawa ni ra vulica na gone mai na ivakaraitaki nei Peresitedi Josefa F. Simici me rawa ni vakavinakataka kina na ivakarau ni nodra vulica na ivolanikalou?

iTaviqaravi e Rawa ni Caka

• Sureti ira na gone me ra wilika na Vunau kei na Veiyalayalati 138:1–11, ka vukei ira me ra vola e dua na iyatuvosa vakalekaleka a sotava o Peresitedi Josefa F. Simici. Na cava e cakava ka muadodo yani kina na nona raivotu totoka? Na cava na kena ibalebale me da (tutugani se vakanananu) kanamagiti ena ivolanikalou?

• Tarogi ira na gone na cava era cakava ena nodra vakatataro me baleta na kosipeli. Wasea eso na kena ivakaraitaki mai na ivolanikalou se na nomu bula ni ko vakasamataka vakatitobu na ivolanikalou ni kauta mai na kila mai na Yalotabu (raica, me ivakaraitaki, 1 Nifai 11:1–6; Vunau kei na Veiyalayalati 76:19–24; Josefa Simici—Ai Tukutuku 1:11–12).

Vunau kei na Veiyalayalati 138:12–35

Ena yaco mai na gauna me ra na rogoca kece na kosipeli na luvei Tamada Vakalomalagi .

E vakavulica o Peresitedi Josefa F. Simici e tomani tiko na cakacaka ni vunautaki ni kosipeli ena vuravura ni yalo. Na cakacaka oqo e vakadeitaka ni tamata kece ena tiko e dua na gauna me ra ciqoma kina na kosipeli.

iTaviqaravi e Rawa ni Caka

• Vola ena vava ni volavola, eso na tikina mai na wase 138. Qai lisitaka, (dui tuvatuvana) —ena dua na ivakarau duatani, —na itukutuku e ivakaleleka ni veitikina yadua. Sureti ira na gone me ra vakasotara vata na itukutuku vata kei na veitikina e dodonu. Me oka kina na tikina e 12–16 (na yalo bula dodonu e waraki Jisu me rairai mai), 18–19 (a rairai na iVakabula vei ira na yalo dodonu), 29–30 (o Jisu e lesia na italai me ra vunautaka na kosipeli), 31–35 (o ira na yalo dodonu era vunautaka na kosipeli), kei na so tale. Ni ra cakava na gone e dua na kena isa, kerei ira mera wasea na veika era sa vulica mai na veitikina oqori.

• Kerea eso na gone me ra wilika na Vunau kei na Veiyalayalati 138:33 (me kunei se—kena kilai na —ivakavuvuli cava soti ni kosipeli e a vakavulici vei ira na yalo sa mate. Kerei ira na vo ni gone me ra wilika na ivakavuvuli e vakavuvulitaki ena Yavu ni Vakabauta 1:4. Na cava e tautauvata ena veitikina oqo, kei na cava sa (duidui)duatani? Na cava e vakavulica vei keda na ivakatakila oqo me baleta na Tamada Vakalomalagi kei na Nona ituvatuva?

Vakauqeta na Vuli e Vale

Sureti ira na gone me ra tuvanaka e dua na gauna ena macawa oqo ni ra na vakananuma vakatitobu kina na ivolanikalou era wilika tiko.

Vakatorocaketaki Noda Veivakavulici

Vakauqeta na vakarokoroko Vukea na gone me ra kila vakamatata ni sa dua na tiki bibi ni vakarokoroko na vakananumi ni Tamada Vakalomalagi kei Jisu Karisito. E rawa ni o veivakananumi vei ira na gone mera vakarokoroko ena (nodra)nomu lagata malua se gudrutaka e dua na sere ni Lalai se vakaraitaka toka e dua na iyaloyalo kei Jisu.