juon baam̧le

Tijem̧ba 13–19

Baam̧le Eo: Juōn Naan in Kean̄ n̄an Laļ in

“Baam̧le Eo Ej Dilepen Karōkin Kōm̧anm̧an eo”

Ta pedped in katak ko kwoj loi ilo “Baam̧le Eo: Juōn Naan in Kean̄ n̄an Laļ in” me kwoj en̄jake in kwaļo̧k n̄an ajri ro? Ilo am keppopo n̄an katain, je im̧we ko kwoj būki jen Jetōb.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Karuwaineneik ajri ro n̄an pijaik baam̧le eo aer n̄an kwaļo̧k n̄an kūlaaj. Kajjitōk ippān ajri ro n̄an kwaļo̧k jet me em̧m̧an ippāer kōn baam̧le eo aer ak ta eo raar jeļā kōn baam̧le ilo wiik in.

pija in katakin

Katakin Katak eo: Ajri ro Reddikļo̧k

Baam̧le ko relukkuun aorōk ilo karōk eo an Jemedwōj Ilan̄

Elmen am maron̄ kōjerbal kean̄ eo an baam̧le n̄an jipan̄ ajri ro meļeļe aorōk eo an baam̧le ko ilo karō eo an Anij

Makūtkūt ko Maron̄ Kōm̧m̧ani

• Jipan̄ ajri ro ļōmņaki men ko me raorōk me rekōņaan kwaļo̧k n̄an jabdewōt. Kwaļo̧k n̄an ajri ro juon kape in “Baam̧le Eo: Jun Naan in Kean̄ n̄an Laļ in,” im kōmeļeļeiki bwe rikanaan ro im rijillōk ro raar je n̄an jiron̄ aolep ewi jon̄an an aorōk baam̧le ko n̄an Jemedwōj Ilan̄. Kajjitōk ippān ajri ro etke rej ļōmņak baam̧le ko raorōk n̄an Jemedwōj Ilan̄. Kwaļo̧k jet men jān kean̄ eo me kwoj en̄jake aolep raikuj in jeļā kake.

• Kwaļo̧k n̄an ajri ro juon piaj in juon tampeļ im juon pijain juon baam̧le. Kōtļo̧k bwe ajri ro ren jibwee pija ko ilo am riiti jentōj eo āliktata in pārokurāāp jilu in kean̄ eo an baam̧le. Kajjitōk ippāer n̄an jitōn̄ pija eo ejim̧we n̄e kwoj riiti naan ko “tampeļ ko” im “baam̧le ko.” Kam̧ool bwe kōn kain̄i ko ilo tampeļ, baam̧le ko ad remaron̄ bar ippān doon indeeo. Al juon al ippān doon kōn baam̧le indeeo, āinwōt “I Love to See the Temple” (Children’s Songbook, 95), im jipan̄ ajri ro ron̄jake naan ko āinwōt “tampeļ” im “baam̧le.”

• Kajjitōk ippān ajri ro ta jemaron̄ kōm̧m̧ane bwe men ko ren kajoorļo̧k—āinwōt n̄iid, ānbwinnid, ak juon em̧. Ta eo jemaron̄ kōm̧m̧ane bwe baam̧le eo ad en kajoor? Jipan̄ ajri ro meļeļe pedped in katak ko me rej tōlļo̧k n̄an m̧ōņōņō ilo mour in baam̧le, loi ilo pārokurāāp jiljilimjuon in kean̄ eo an baam̧le (bar lale peij in m̧akūtkūt eo an wiik in). Jipan̄ ajri ro karōk wāween ko renaaj kōkajoorļo̧k baam̧le ko aer.

  iien kōmat an baam̧le

  Ro jinen im jemen kōkaajririik ajri ro nejier ilo iakwe im jim̧we.

Kajjojo rej “jetōb jitenbōro likao im jiron̄ nejin jined im jemād ilan̄.”

Kean̄ eo an Baam̧le ej katakin bwe jej aolep ro nejin Jined im Jemed Ilan̄ im jej pād ioon laļin n̄an erom̧ āinwōt Er.

Makūtkūt ko Maron̄ Kōm̧m̧ani

• Al ippān doon “N̄a Nejin Anij” (Al ko Al in Ajri, 44). Innām joļo̧k booļ eo n̄an ajri ro ilo am ba, “Ijeļā etan ajri eo nejin Anij [etan ajri eo].” Kajjitōk ippān ajri eo n̄an joļo̧k booļ eo n̄an bar juon ajri, ba ejja naan ko wōt im ba etan ajri eo. Āliji m̧akūtkūt in m̧ae aolep im bōk kuņaer Kam̧ool bwe kajjojo rej “ jetōb jitenbōro likao im jiron̄ nejin Jined im Jemād Ilan̄.”

• Ļōmņaki wāween ko kwomaron̄ kōmeļeļeiki kōnke jej ro nejin Jined im Jemā Ilan̄, jemaron̄ erom āinwōt Er. N̄an waanjon̄ok, kwaļo̧k pijain mennin mour ko im men ko nejier, ak kwee make im ro jinōm̧ im jem̧ōm̧ ak ajri ro, im jipan̄ ajri ro lo oktakier. Kam̧ool bwe nin̄nin̄ ko rej rūttoļo̧k im āinwōt ro jineer im jemeer, jemaron̄ juon iien erom̧ āinwōt jined im jemād Ilan̄.

pija ej bōk jikin katakin

Katakin Katak Ko: Ajri ro Rerūttoļo̧k

Baam̧le ko rej dilepen n̄an karōk eo an Jemedwōj Ilan̄.

Kean̄ eo an Baam̧le kar letok n̄an kapen m̧ool ko kōn baam̧le. Ļōmņake elmen am naaj jipan̄ ajri ro kapen naan in kam̧ool ko aer kōn m̧ool ko.

Makūtkūt ko Maron̄ Kōm̧m̧ani

• Kajjitōk ippān ajri ro eļan̄n̄e rejeļā eo eaar je kean̄ eo an baam̧le. (Ilo ennaan eo an “Karōk eo im Kean̄ eo” [Ensign ak Liahona, Nov. 2017, 28–31], Būreejtōn Dallin H. Oaks kar kōmeļeļeik elmen an kar je.) Jipan̄ ajri ro meļeļe ta naan ko “lukkuun kean̄” ilo jinoin pārokurāāp eo. Kajjitōk ippāer n̄an kwaļo̧k ļōmņak ko aer etke rikanaan im rijilōk ro raar kōņaan bwe “lukkuun kean̄” ej m̧ool ko kōn baam̧le ilo tōre in ad.

• Kwaļo̧k jet enaan jān kean̄ eo an baam̧lee me eļaptata meļeļein n̄an eok. Kajjitōk ippān ajri ro n̄an kwaļo̧k en̄jake ko aer kōn m̧ool ko. Elmen an mour ko ad kar oktak eļan̄n̄e jeban kar jeļā men kein? Al ippān doon juon al me eiokļo̧k m̧ool ko loi ilo kean̄ eo, āinwōt “I Will Follow God’s Plan” ak “Families Can Be Together Forever” (Children’s Songbook, 164–65, 188).

• Kwaļo̧k n̄an ajri ro pija ko (ak karuwaineneik er n̄an jin̄aik) m̧ool ko loi ilo kean̄ eo an baam̧le. Emaron̄ pijain juon tampeļ, baam̧le eo jar ak ikkure ippān doon, ak ripālele rej m̧are. Karuwaineneik ajri ro n̄an pukot jentōj eo ilo kean̄ eo an baam̧le me eiokļo̧k pija kein. Ta eo jentōj in ej katakin kōj?

• Kepooj jet kajjitōk me emaron̄ in uwaak ilo kean̄ eo an baam̧le, āinwōt “Elmen an Anij en̄jake kōn m̧are?” im “Ta eo kōm̧m̧an bwe juon baam̧le lem̧ōņōņō?” Kōtļo̧k bwe kajjojo ajri en bōk juon kajjitōk, im jipan̄ er pukot uwaak ko ilo kean̄ eo.

• Karuwaineneiktok juon m̧am̧a im baba an juon iaan ajri ro n̄an kwaļo̧k n̄an kūlaaj eo elmen aer “jipan̄ doon āinwōt juon m̧ōttā ro rej juon wōt” ilo “eddo eo aer ekwojarjar” ilo baam̧le eo aer. Karuwaineneik ajri ro n̄an kōnono ta eo remaron̄ kōm̧m̧ane n̄an keppopo n̄an erom̧ lieo im ļeo pālele rewānōk, m̧am̧a ro im baba ro.

Baam̧le ko rej m̧ōņōņō n̄e rej ļoor Jisōs Kraist.

Jemedwōj Ilan̄ ej iakwe aolep ro Nejin, im Ej kōņaan bwe ren m̧ōņōņō. Elmen am maron̄ jipan̄ ajri ro kwoj katakin meļeļe bwe m̧ōņōņō eo em̧ool ej itok jān ļoor katak ko im waanjon̄ok ko an a Rilo̧mo̧o̧r Jisōs Kraist?

Makūtkūt ko Maron̄ Kōm̧m̧ani

• Jin̄aik juon annan̄in juon menono kileplep ioon bo̧o̧t eo, im karuwaineneik ajri ro n̄an riiti pārokurāāp jiljilimjuon in kean̄ eo. Kajjitōk ippāer n̄an pukot men ko remaron̄ kōm̧m̧ani n̄an jipan̄ baam̧le ko aer m̧ōņōņō, im je uwaak ko aer iturin menono eo. Karuwaineneik ajri ro n̄an bōk jet men me remaron̄ jerbali n̄an kōm̧m̧an bwe m̧oko im̧weer ren m̧ōņōņōņō ļo̧k.

• Karuwaineneik ajri ro n̄an kwaļo̧k en̄jake ko aer n̄e rej en̄jake iakwe jen baam̧le eo aer. Jipan̄ ajri ro kalikkar pedped in katak ko jān pārokurāāb jiljilimjuon in kean̄ eo me emaron̄ jipan̄ baam̧le eo en̄jake iakwe. Elmen an jeļā eo ad aikuji ilo gospel eo an Jisōs Kraist jelet wāween ad kōm̧m̧an n̄an baam̧le ko ad?

• Kajjitōk ippān ajri ro ta remaron̄ ba eļan̄n̄e juon m̧ōttāer ekajjitōk ippāer etke m̧are ak neji eaorōk. Elmen ad maron̄ jipan̄ in m̧ōttad meļeļe ewi aorōkin baam̧le ko n̄an Jemedwōj Ilan̄? Jipan̄ ajri ro lo ennaan in ilo kean̄ eo an baam̧le me emaron̄ jipan̄; lale pija eo “What Is the Purpose of Family?” (ChurchofJesusChrist.org).

pija ej bōk jikin ekkatak

Kōketak Ekkatak ilo M̧weo

Karuwaineneik ajri ro n̄an kōm̧m̧an juon karōk n̄an jet men n̄an kōkajoorļo̧k baam̧le ko aer. Kōketak er n̄an kwaļo̧k ļōmņak ko aer ippān baam̧le ko aer ilo m̧ōko.

Kōkōm̧anm̧anļo̧k Ad Katakin

Jeļā Ilo am katakin m̧ool ko ilo kean̄ eo an baam̧le, jouj im kile bwe elōn̄ ajri ro rej rūttoļo̧k ilo baam̧le ko me ejjab jejjet kōmeļeļe eo ilo kean̄ eo n̄an er. Kojbarok am̧ ba jabdewōt me emaron̄ kōm̧m̧an bwe ren ebweer ak en̄jake aer jaorōk.

peij in m̧akūtkūt: baam̧le ko relukkuun aorōk ilo karōk eo an Jemedwōj Ilan̄