Nativity in Copper im Umber, jān J. Kirk Richards

Tijem̧ba 20–26

Kūriijmōj

Menin Letok eo an Nejin Anij Ekwojarjar

Kūrijm̧ōj ej juon iien ekalimomo n̄an elōn̄ ajri ro. Ļōmņake elmen am naaj jipan̄ er errik m̧ōņōņō ilo iien Kūrijm̧ōj ippān m̧ōņōņō eo an gospel eo an Rilo̧mo̧o̧r.

Je En̄jake ko Rej Im̧we Eok

Kajjitōk bwe ren Kwaļo̧k

Karuwaineneik ajri ro n̄an kwaļo̧k ta eo raar kōm̧m̧ane ilo wiik eo ļo̧k n̄an keememe lo̧tak eo an Rilo̧mo̧o̧r.

Katakin Katak eo: Ajri ro Reddikļo̧k

Imaron̄ “kwaļo̧k [aō] naan in kam̧ool” n̄an keememe lo̧tak eo an Jisōs.

Ilo “Kraist Eo Emour” (ChurchofJesusChrist.org), Būreejtōnji eo Kein Kajuon im Doulul eo an Jon̄oulruo Rijilōk ro raar letok naan in kam̧ool eo kōn Jisōs Kraist n̄an “keememeje lo̧tak eo an Jisōs Kraist.” Ļōmņake elmen am naaj rōjan̄ ajri ro n̄an kwaļo̧k naan in kam̧ool ko aer n̄an ro jet.

Makūtkūt ko Maron̄ Kōm̧m̧ani

• Kwaļo̧k juon kape in “Kraist Eo Emour” (lale laajrak eo an wiik in ilo Itok, Ļoor Eō—N̄an Kajjojo Armej im Baam̧le ko). Jitōn̄ ļo̧k naan eo Kraist ilo taitōļ eo, im kōtļo̧k bwe ajri ro ren jitōn̄ ļo̧k bar naan eo. Bar jitōn̄ ļo̧k jain ko itulaļ in peij eo, im ba n̄an ajri ro bwe ilo 2000, Būreejtōnji eo Kein Kajuon im Jon̄oulruo Rijilōk ro raar je naan in kam̧ool eo aer kōn Jisōs Kraist, kar jaini etaer, im kwaļo̧k n̄an laļin.

• Kwaļo̧k juōn pijain Jisōs Kraist, im karuwaineneik kajjojo ajri n̄an jutak im kwaļo̧k jet men rejeļā kōn E. Eļan̄n̄e rej aikuj jipan̄, ba m̧ool ko jān “Kraist Eo Emour.” Kakeememej ajri ro bwe n̄e rej ba n̄an ro jet kōn Jisōs, rej kwaļo̧k naan in kam̧ool ko aer.

• Ba n̄an ajri ro elmen am kar bōk naan in kam̧ool eo am kōn Jisōs Kraist im ta eo kwoj kōm̧m̧ane n̄an dāpij kajoor in naan in kam̧ool eo am. Jipan̄ er ļōmņake wāween ko remaron̄ kōkajoorļo̧k naan in kam̧ool ko aer kōn Jisōs Kraist, im karuwaineneik er n̄an kālet juo̧n men renaaj kōm̧m̧ane.

Jemedwōj Ilan̄ eaar jilkintok Nejin āinwōt juōn menin letok n̄an kōj.

Leļo̧k im bōk mennin letok ko ej juon m̧attin Kūrijm̧ōj n̄an elōn̄ armej. Manit in eaikuj jipan̄ kōj keememej Anij “menin letok eo An Nejin ekwojarjar” (Kraist Eo Emour”).

Makūtkūt ko Maron̄ Kōm̧m̧ani

• Kajjitōk ippān ajri n̄an ba kōn menin letok ko kar letok ak būki. Riiti n̄an er jentōj eo āliktata in “Kraist Eo Emour,” im karuwaineneik er n̄an ron̄jake menin letok ko Anij eaar litok n̄an kōj. (Eļan̄n̄e emennin aikuj, jipan̄ er meļeļe bwe “menin letok” means “em̧m̧anļo̧k jen jabdewōt.”) Etke Nejin Anij, Jisōs Kraist, ej menin letok eo em̧m̧antata?

• Al juōn al ippān doon kōn Jisōs Kraist, āinwōt “Ekar Jilkintok Nejin m̧aanChildren’s Songbook, 34–35). Jipan̄ ajri ro bōk juōn ennaan jān al eo me remaron̄ in jin̄aiki (āinwōt “nin̄nin̄ eo elo̧tak” ak “etetal ippān armej ro ”). Ilo aer jin̄a, kajjitōk ippān ajri ro n̄an ba n̄an kwe elmen aer en̄jake kōn ta eo Jisōs eaar kōm̧m̧ane n̄an er. Kwaļo̧k en̄jake ko am̧ barāinwōt.

Jisōs Kraist ej karuwaineneik n̄a n̄an ļoor waanjon̄ak ko An.

Mōttan ko an Rilo̧mo̧o̧r “lo … im̧we” ilo laļ eo eaar waanjon̄ok eo An em̧m̧an. Elmen am naaj im̧we ajri ro n̄an ļoor E?

Makūtkūt ko Maron̄ Kōm̧m̧ani

• Jān pārokurāāp juōn in “Kraist Eo Emour,” riiti n̄an ajri ro jet iaan men ko Jisōs ekar kōm̧m̧ani. Kwaļo̧k pija ko jān mour eo An (lale peij in m̧akūtkūt eo an wiik in), im karuwaineneik ajir ro n̄an kōnono kake ta eo Rilo̧mo̧o̧r eaar kōm̧m̧ane ilo pija in. Jipan̄ er ļōmņak kōn wāween ko remaron̄ ļoor waanjon̄ok eo An.

• Kālet juon “Kōmramļo̧k Laļin” pijaan alooj (ComeuntoChrist.org) n̄an kwaļo̧k n̄an ajri ro, ak ba kōn juon iien kwaar jeraam̧m̧an kōn jerbal jipan̄ āinwōt Kraist. Karuwaineneik juōn ajri n̄an m̧akūtkūti jerbal in jipan̄ eo epidodo, im kajjitōk ippān ajri ro jet n̄an kajjidedediki ta eo ej kōm̧m̧ane. Kōtļo̧k bwe kajjojo ajri ren bōk kuņaer. Jipan̄ ajri ro ļōmņak jet men ko remaron̄ kōm̧m̧ane n̄an jipan̄ juon ilo baam̧le eo an.

Katakin Katak Ko: Ajri ro Rerūttoļo̧k

“Jej kwaļo̧k ad naan in kam̧ool.”

Waanjon̄ok eo an rikanaan ro im rijilōk ro rekar je “Kraist Eo Emour” emaron̄ im̧we ajri ro n̄an kwaļo̧k naan in kam̧ool ko aer kōn Jisōs Kraist.

Makūtkūt ko Maron̄ Kōm̧m̧ani

• Je ioon bo̧o̧t eo Ijeļā bwe Jisōs Kraist … im karuwaineneik ajri ro n̄an kwaļo̧k wāween ko n̄an kam̧ōj jentōj eo. Ba bwe ren lale “Kraist Eo Emour” n̄an ļōmņak ko. Ta eo jemaron̄ kōm̧m̧ane n̄an kōkajoorļo̧k naan in kam̧ool ko ad kōn Jisōs Kraist? Ewi wāween ad jeraam̧m̧an n̄e jej kwaļo̧k naan in kam̧ool ko ad?

• Kalikkar bw “Kraist Eo Emour” kar jaini jān Būreejtōnji eo Kein Kajuon im Doulul eo an Jon̄oulruo Rijilōk ro. Riiti ippān doon Katak im Bujen Ko 107:23. Ta ekōm̧m̧an oktak ilo Rijilōk ro “jān opija ro jet ilo Kabun̄ in? Kālet juon iaan “Special Witnesses of Christ” pija n̄an kwaļo̧k n̄an ajri ro (ChurchofJesusChrist.org). Etke jej kam̧m̧oolol bwe en wōr rikam̧ool ro rejenoļo̧k an Kraist ilo tōre in ad?

“Ejjeļo̧k juon ekar bōk im̧we jab in.”

Ilo “Kraist Eo Emour,” rikanaan ro im rijilōk ro raar kwaļo̧k bwe ejjeļo̧k juon im̧we eļapļo̧k ippān ro nejin Anij jen Jisōs Kraist. Kōļmenļo̧kjeņ elmen am naaj jipan̄ ajri ro jeļā kōn im̧we an Rilo̧mo̧o̧r n̄an kōjwōj aolep.

Makūtkūt ko Maron̄ Kōm̧m̧ani

• Leļo̧k n̄an kajjojo ajri juon ennaan ak jentōj jān “Kraist Eo Emour,” im kajjitōk ippāer n̄an jin̄aik juon pija jen ennaan im jentōj eo. Kajjitōk ippān kajjojo ajri n̄an kwaļo̧k n̄an kūlaaj eo pija eo an, kajjitōk ippān ajri ro jet n̄an kajidedeiki ta pija eo ej kōmeļeļeiki im pukot uwaak eo ilo jentōj “Kraist Eo Emour.” Elmen ad kar jeraam̧m̧an kōn mour im mijen eo an Jisōs Kraist?

• Jipan̄ ajri ro lo oktak in āt ko ak taitōļ ko an Jisōs Kraist ilo “Kraist Eo Emour” im kōkaļļeiki, eļan̄n̄e ekkar (jet waanjon̄ok ekoba, Messaia, Maanje, jinoin im jem̧ļo̧kin, rijojomar, im jeban dōkā in em̧). Kōnono ta ia kajjojo taitōļ ej katakin kōj kōn E. (Jet iaan taitōl kein rej waļo̧k ilo Unin Tōl n̄an Jeje ko Rekwojarjar ak Bible Dictionary.)

“E ej meram eo, mour eo, im kōjatdikdik eo an laļ in.”

Kūrijm̧ōj ej juon iien lem̧ōņōņō kōnke kōjatdikdik bwe Jisōs Kraist eaar itok n̄an laļin kōn katak ko An, waanjon̄ok, im en̄taan in pinmuur.

Meram eo an Laļin, jān Howard Lyon

Makūtkūt ko Maron̄ Kōm̧m̧ani

• Karuwaineneik kajjojo ajri n̄an jin̄aik juon wōjke in Kūrijm̧ōj, ak jin̄aik ioon bo̧o̧t eo. Karuwaineneik kajjojo ajri n̄an kainōknōke wōjke eo kōn naan ak ennaan ko jān “Kraist Eo Emour” me ej kōmeļeļeik juon menin letok an Rilo̧mo̧o̧r eaar letok n̄an kōj (āinwōt “meram,” “mour,” im “kōjatdikdik”). Kōtļo̧k bwe ren kōnono etke raar kāleti naan ak ennaan ko.

• Jipan̄ ajri ro pukot al in Kūrijm̧ōj ko me rej kwaļo̧k kōn merem, mour, im kōjatikdik bwe lo̧tak an Rilo̧mo̧o̧r kar itok n̄an laļin—n̄an waanjon̄ok, “O Little Town of Bethlehem” ak “Hark! The Herald Angels Sing” (Al, nos. 208–9). Al ippān doon, im kōtļo̧k bwe ajri ro ren kwaļo̧k elmen an Jisōs kar bōktok mer am, mour, im kōjatdikdik n̄an mour ko aer.

• Kajjitōk ippān jet iaan ajri ro n̄an riit kōn seperd ro ilo Luk 2:8–20. Kajjitōk ippān ro jet n̄an riit kōn Simeon ilo Luk 2:25–33. Karuwaineneik ajri ro n̄an kwaļo̧k n̄an doon elmen an seperd ro im Simeon kar en̄jake in lo bwe Jisōs ekar lo̧tak. Etke raar en̄jake wāween in? Etke lo̧tak eo An eaar bōktok “m̧ōņōņō eļap” n̄an kōj?

Kōketak Ekkatak ilo M̧weo

Karuwaineneik ajri ro n̄an ļōmņake juon iaan baam̧le eo aer me remaron̄ kwaļo̧k naan in kam̧oolo eo aer kōn Jisōs Kraist. Jipan̄ er ļōmņake ta remaron̄ ba n̄an kōkajoorļo̧k tōmak eo an armej eo kōn E.

Kōkōm̧anm̧anļo̧k Ad Katakin

Keppopo jen ekkatak jeje ko rekwojarjar. “Lukkuun ekkatak naan in Anij ej likūt kōj ilo mejatoto eo ippān Jetōb Kwojarjar. E emaron̄ im̧we kōj n̄an epaake kōj ilo ta eo jej ekkatak ilo ad katakin im lōn̄aj ro jet” (Teaching in the Savior’s Way, 12).