Josep eaar lo jemen, jinen, im būratōr eo an ilo (Joseph Smith’s Vision of the Celestial Kingdom, Robert Barrett).

Nobōm̧ba 29–Tijem̧ba 5

Katak im Bujen Ko 137–138

“Visōn eo kōn Lo̧mo̧o̧r eo an ro Remej”

Lale pedped in katak ko ilo revelesōn kein me eaorōk n̄an ajri ro kwoj katakin. Ewi wāween am̧ naaj jipan̄ er meļeļe pedped in katak kein?

Je En̄jake ko Rej Im̧we Eok

Kajjitōk bwe ren Kwaļo̧k

Kwaļo̧k juon pijain an Jisōs Kraist ilo laļ eo an jetōb, āinwōt eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko. Karuwaineneik ajri ro n̄an kwaļo̧k jet men rejeļā kake kōn laļ eo an jetōb.

Katakin Katak eo: Ajri ro Reddikļo̧k

Katak im Bujen Ko 137:1–5

Anij eaar letok n̄an eō juon wāween n̄an pād ippān baam̧le eo aō indeeo.

Ilo visōn eo, Josep Smith eaar lo ro uwaan baam̧le eo an rej ippān doon ilo laļ eo an celeltial. Elmen am maron̄ kōjerbal visōn in n̄an katakin ajri ro bwe baam̧le ko remaron̄ ippen doon n̄an indeeo.

Makūtkūt ko Maron̄ Kōm̧m̧ani

• Kwaļo̧k pijain juon ilo baam̧le eo am, im kōnono kake elmen am kōņaan bwe kwon pād ippān ilo laļ eo an celestial. Kōmeļeļeiki bwe būratōr eo an Josep Smith Alvin eaar mej ke ej dik wōt im Josep Smith eaar lukkuun on̄ kake. Riiti Katak im Bujen Ko 137:1, 5, im kajjitōk ippān ajri ro wōn eo Josep Smith eaar loe ilo visōn eo an ilo laļ eo an Celestial (bar lale Bwebwenato ko ilo Katak im Bujen Ko 152–53). Karuwaineneik ajri ro n̄an erļo̧k peier n̄an kwaļo̧k ewi jon̄an aer iakwe baam̧le ko aer, im kajjitōk ippāer n̄an kwaļo̧k etke rekōņaan bwe ren pād ippāer baam̧le ko aer ilo laļ eo an celestial.

• Kōjerbal Katak im Bujen Ko 137:1–5 im peij in m̧akūtkūt eo an wiik in n̄an jipan̄ ajri ro lo meļeļe ko kōn visōn eo an Josep Smith kōn laļ eo an Celestial. Kauwaineneik ajri ro n̄an jin̄aik juon pijain er make im baam̧le eo aer ilo peij in m̧akūtkūt eo ilo am kōjan̄ juon al kōn baam̧le, āinwōt “Families Can Be Together Forever” (Children’s Songbook, 188).

Katak im Bujen Ko 138:6, 11

Jetōb Kwojarjar eo emaron̄ jipan̄ eō meļeļe kōn jeje ko rekwojarjar.

Jeje ko rekwojarjar remaron̄ jet iien pen n̄an meļeļe, eļaptata n̄an ajri ro. Katak im Bujen Ko 138:11 kwaļo̧k bwe Jetōb Kwojarjar emaron̄ kōpeļļo̧k “mej ko [mejed] n̄an meļeļe.”

Jetōb Kwojarjar emaron̄ jipan̄ kōj meļeļe ta jej riiti ilo jeje ko rekwojarjar.

Makūtkūt ko Maron̄ Kōm̧m̧ani

• Kwaļo̧k juon pija in Būreejtōn Joseph F. Smith (lale Gospel Art Book, no. 127). Kōmeļeļeik bwe ekar Būreejtōn eo kein kajiljilino an Kabuū in, im juon raan eaar riiti jeje ko rekwojarjar im kōļmenļo̧kjeņ kaki (ļōmņak kōn ta meļeļeier). Ilo am riiti Katak im Bujen Ko 138:6, 11, karuwaineneik ajri ro n̄an katen wōt n̄e er Būreejtōn Smith n̄an kōm̧m̧an m̧akūtkūt ko me rej iokļo̧k naan ko.

• Ba n̄an ajri ro kōn juon tōre kwaar kōļmenļo̧kjeņ kōn men ko ilo jeje ko rekwojarjar im Jetōb Kwojarjar eaar kōmeļeļeik eok. Al juon al kōn ekkatak, eo āinwōt “Search, Ponder, and Pray” (Children’s Songbook, 109). Ta eo al in ej ba kake jej aikuj kōm̧m̧ane n̄an meļeļe jeje ko rekwojarjar?

Katak im Bujen Ko 138:18–35

Aolep ro nejin Jemedwōj Ilan̄ naaj bōk iien em̧m̧an n̄an ron̄ gospel in.

Ālkin an Jisōs Kraist kar dōbwāāl, Eaar loļo̧k ro An Rekwojarjar ilo laļ eo an jetōb. Eaar katakin er n̄an katakin gospel eo n̄an ro rejjan̄in bōke.

Makūtkūt ko Maron̄ Kōm̧m̧ani

• Kwaļo̧k juon pija in juon lōb (lale Gospel Art Book, nos. 58, 59 ak Bible Photographs, no. 14), ak jin̄aik juon pija in juon lōb ioon bo̧o̧t eo. Kwaļo̧k juon pijain an Jisōs Kraist ilo laļ eo an jetōb, āinwōt eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko). Ilo am kōm̧m̧ane, kajjitōk kajjitōk ko n̄an jipan̄ ajri ro kile unin kōmeļeļe ko ilo Katak im Bujen Ko 138:18–19, 23–24, 27–30, āinwōt ro Jisōs eaar loļo̧k, elmen aer en̄jake, im ta kajjitōk ko Eaar kajjitōkin er n̄an kōm̧m̧ane.

• Kwaļo̧k juon pijain mijinede ro (lale Gospel Art Book, nos. 109, 110), im kajjitōk ippān ajri ro n̄an kwaļo̧k ta mijinede ro rej kōm̧m̧ane. Kwomaron̄ bar karuwaineneik er n̄an m̧akūtkūt jet iaan men ko me mijinede ro rej kōm̧m̧ane. Riiti Katak im Bujen Ko 138:31–34 n̄an ajri ro. Kōmeļeļeik bwe āinwōt an lōn̄ mijinede ro ioon laļin, ebarāinwōt wōr mijinede ro ilo laļ eo an jetōb ro rej katak armej ro ijeņ.

Katakin Katak Ko: Ajri ro Rerūttoļo̧k

Katak im Bujen Ko 137:1–5

Anij eaar letok n̄an eō juon wāween n̄an pād ippān baam̧le eo aō indeeo.

Josep Smith eaar wōr juon an visōn kōn laļ eo an celestial im kar lo ro jinen im jemen im būratōr eo an Alvin. Visōn in ej katakin kōj bwe eļan̄n̄e jej wānōk, jemdoon ko an baam̧le ko ad remaron̄ wōnm̧aanļo̧k ilo mour eo tok juon.

Makūtkūt ko Maron̄ Kōm̧m̧ani

• Karuwaineneik ajri ro n̄an riiti Katak im Bujen Ko 137:1–5 im jin̄aik juon pija in ta eo raar riiti (bar lale peij in m̧akūtkūt eo an wiik in). Elmen an Josep Smith kar en̄jake ke eaar ro ro uwaan baam̧le eo an ilo laļ eo an celetial?

• Kwaļo̧k pijaan alooj “Families Can Be Together Forever” (ChurchofJesusChrist.org), ak al juon al kōn baam̧le, āinwōt “Families Can Be Together Forever” (Children’s Songbook, 188). Ta eo pijaan alooj in ak al in ej katakin kōj kake kōn ta eo jemaron̄ kōm̧m̧ane bwe baam̧le ko ad ren pād indeeo?

Katak im Bujen Ko 138:1–11

N̄e ij kōļmenļo̧kjeņ kōn jeje ko rekwojarjar, Jetō Kwojarjar emaron̄ jipan̄ n̄a meļeļeier.

Ta eo ajri ro remaron̄ ekkatak jān waanjon̄ok eo an Būreejtōn Joseph F. Smith me emaron̄ jipan̄ kōkm̧anm̧an wāween ekkatak jeje ko rekwojarjar?

Makūtkūt ko Maron̄ Kōm̧m̧ani

• Karuwaineneik ajri ro n̄an riiti Katak im Bujen Ko 138:1–11, im jipan̄ er je juon iaan jentōj in kōmeļeļeik en̄jake eo an Būreejtōn Joseph F. Smith. Ta eo ekar kōm̧m̧ane bwe en tōl visōn in an ekwbwilōn̄lōn̄? Ta meļeļein kōļmenļo̧jeņ ioon jeje ko rekwojarjar?

• Kajjitōk ippān ajri ro ta eo rej kōm̧m̧ane n̄e ewōr aer kajjitōk kōn gospel in. Kwaļo̧k jet waanjon̄ok ko jān jeje ko rekwojarjar ak kōn mour eo am make n̄e kōļmenļo̧kjeņ kōn jeje ko rekwojarjar ekar bōktok meļeļe jān Jetōb (lale, n̄an waanjon̄ok, 1 Nipai 11:1–6; Katak im Bujen Ko 76:19–24; Josep Smith—Bwebwenato 1:11–12).

Katak im Bujen Ko 138:12–35

Aolep ro nejin Jemedwōj Ilan̄ naaj bōk iien em̧m̧an n̄an ron̄ gospel in.

Būreejtōn Joseph F. Smith eaar jeļā bwe jerbal in kwaļo̧k gospel in ej wōnm̧aanļo̧k wōt ilo laļ eo an jetōb. Jerbal in ej lukkujn lale bwee aolep naaj bōk iien em̧m̧an n̄an bōk gospel in.

Makūtkūt ko Maron̄ Kōm̧m̧ani

• Ioon bo̧o̧t eo, laajrake jet eoon jān jekjōn 138. Innām laajrak, lo juon wāween eoktak, ennaan eo ej kōmeļeļeiki kajjojo eoon. Karuwaineneik ajri ro n̄an kajim̧we ennaan ko ippān ļo̧k eoon ko rejim̧we. Eoon ko remaron̄ 12–16 (jetōb ko rewānōk rej kuk ippān doon n̄an kōttar an Jisōs waļo̧k), 18–19 (Rilo̧mo̧o̧r ej waļo̧k ļo̧k n̄an jetōb ko rewānōk), 29–30 (Jisōs ej jilkinļo̧k rikōnnaan n̄an kwaļo̧k gospel eo), 31–35 (jetōb ko rewānōk rej kwaļo̧k gospel eo), im ko jet. Ālkin an ajri ro kōmājāāj, kajjitōk ippāer n̄an kwaļo̧k ta eo raar ekkatak jān eoon ko.

• Kajjitōk ippān jet iaan ajri ro n̄an riiti Katak im Bujen Ko 138:33 n̄an lale ta pedped in katak ko an gospel in kar kwaļo̧ki n̄an jetōb ko remej. Kajjitōk ippān ajri ro jet n̄an riiti pepded in katak ko ilo Laajrak in Tōmak Ko 1:4. Ta eoon ko reijuon, im ta oktak ko? Ta eo ej katakin kōj kōn Jemedwōj Ilan̄ im karōk eo An?

Kōketak Ekkatak ilo M̧weo

Karuwaineneik ajri ro n̄an peek juon iien wiik in n̄e renaaj kōļmenļo̧kjeņ kōn jeje ko rekwojarjar renaaj riiti.

Kōkōm̧anm̧anļo̧k Ad Katakin

Rōjan̄ n̄an kautiej. Jipan̄ ajri ro meļeļe bwe wāween eo eaorōk kōn kautiej ej ļōmņak kōn Jemedwōj Ilan̄ im Jisōs Kraist. Komaron̄ kakeememej ajri ro n̄an kautiej ilo aer al mera ak in̄ūrn̄ūri juon al ak kwaļo̧k juon pija in Jisōs.