Carthage Jail

Nobōm̧ba 22–28

Katak im Bujen Ko 135–136

“Eaar Sili Mijen im Jerbal ko An kōn Bōtōktōkin Make”

Ilo am keppopo n̄an katakin Katak im Bujen Ko 135–36, pukot pedped in katak ko me raar im̧we mour eo am. Ļōmņake elmen ļōmņak ko ilo laajrak in maron̄ jipan̄ ajri ro ekkatak im mour kake pedped in katak kein.

Je n̄jake ko Rej Im̧we Eok

Kajjitōk bwe ren Kwaļo̧k

Karuwaineneik ajri ro n̄an kwaļo̧k jet men raar keememej jen ekkatak ilo iiō in kōn Josep Smith im ta eo eaar kōm̧m̧ane. Kwaļo̧k pija ko ilo iiō in Itok, Ļoor Eō—N̄an Kajjojo Armej im Baam̧le ko ak peij in m̧akūtkūt ko ļo̧k n̄an jipan̄ er.

Katakin Katak eo: Ajri ro Reddikļo̧k

Katak im Bujen Ko 135:1–2

Josep Smith im Hyrum Smith raar leļo̧k mour ko aer n̄an gospel in an Jisōs Kraist.

Bwebwenato eo kōn mej eo an Josep im Hyrum Smith emaron̄ jipan̄ ajri ro en̄jake kam̧m̧oolol kōn naan in kam̧ool ko im wūjļepļo̧k ko kōn em̧m̧aan rein em̧m̧an.

Makūtkūt ko Maron̄ Kōm̧m̧ani

• Kōjerbal“Jebta 57: The Prophet Is Killed” (Bwebwenato ko ilo Katak im Bujen Ko, 201–5) im ba n̄an ajri ro elmen an kar Rikaknaan Josep Smith im ļaddik eo jein mej. Ak kōtļo̧k bwe juon iaan ajri ro ren kwaļo̧k bwebwenato eo. Kwaļo̧k am naan in kam̧ool bwe Josep Smith eaar juon rikanaan eo em̧ool im bwee eaar leļo̧k mour eo an n̄an Irooj im gospel eo An.

• Kwaļo̧k n̄an ajri ro juon eoon ilo naan ko jān Bok in Mormon me Hyrum Smith eaar riiti m̧okta jen an etal n̄an Carthage Jail, kar je ilo Katak im Bujen Ko 135:5. Kōnono kake elmen an eoon in maron̄ kar kaenōm̧m̧an Hyrum. Kwaļo̧k eoon ko me ej kaenōm̧m̧an eok n̄an kwoj inepata ak būrom̧ōj.

Katak im Bujen Ko 135:3

Josep Smith eaar juon rikanaan an Anij.

Ilo aolepen iiō eo, ajri ro raar ekkatak ta eo Irooj eaar kwaļo̧k n̄an Rikanaan Josep Smith. Kwomaron̄ jipan̄ er keememej im kam̧m̧oolol elmen an jerbal ko an Josep kar kōjeraam̧m̧an ko mou aer.

Makūtkūt ko Maron̄ Kōm̧m̧ani

• Kwaļo̧k men me ej pinej jenkwan jerbal eo an Rikanaan Josep Smith, āinwōt Bok in Mormon, Katak im Bujen Ko, ak juon pijain mijinede ro ak juon tampeļ. Kōjerbal naan ko jān Katak im Bujen Ko 135:3, kwaļo̧k n̄an ajri ro jet men ko me Irooj eaar kōm̧m̧ani kōn Josep Smith n̄an lo̧mo̧o̧r eo ad. Karuwaineneik ajri ro n̄an kālet juon iaan men kein im kwaļo̧ki etke rej kam̧m̧oolol kake.

• Ilo an ajri ro kōļar ilo peij in m̧akūtkūt eo an wiik in, al ak kōjan̄ al ko kōn Josep Smith, āinwōt “Jenaj Kautej Nōn Eman Eo” (Al ko Al in Ajri, nō. 32). Kwaļo̧k en̄jake ko am kōn Rikanaan eo.

  

  Rikanaan eo an Amedka, jān Del Parson

Katak im Bujen Ko 136

Anij ej letok n̄an kōj kien ko n̄an jipan̄ kōj.

Ro Rekwojarjar raar ioon elōn̄ apan̄ ko ilo iiō ko ālkin mej eo an Josep Smith. Elmen kapilōk eo an Irooj maron̄ leļo̧k n̄an ro Rekwojarjar jipan̄ ajri ro kwoj katakin?

Makūtkūt ko Maron̄ Kōm̧m̧ani

• Kwaļo̧k n̄an ajri ro jet iaan kapan̄pan̄ ko ro Rekwojarjar raar iooni ilo aer etal jān Nauvoo im aiin doon ilo Winter Quarter (lale jebta 60 im 62 ilo Bwebwenato ko ilo Katak im Bujen Ko, 211–16, 222–24). Likūt juon pijain Nauvoo Tampeļ ilo turājet in ruum̧ eo, im kōm̧m̧ane jidik jikin ilo turājet eo juon—bōlen kōn juon bulan̄kōj im jet jea ak juon taibōļ. Karuwaineneik ajri ro n̄an aiintok doon iturin pija eo, im ba n̄an er bwe juon iiō im jimettan ālkin mej eo an Josep Smith, ro Rekwojarjar kar kipel er n̄an etal jen Nauvoo. Karuwaineneik ajri ro n̄an etel jen tampeļ eo im aiin doon ilo jikin eo n̄an pinej jenkwan em̧m̧akūt eo n̄an Winter Quarter.

• Kōmeļeļeik bwe Irooj eaar leļo̧k juon revelesōn n̄an Brighan Young, waļo̧k ilo Katak im Bujen Ko 136, n̄an jipan̄ ro ilo aer em̧m̧akūt n̄an Salt Lake Valley. Riiti jejjo̧ ennaan jān jekjōn 136 epād ie kapilōk eo me ajri ro reddik remaron̄ meļeļe, im karuwaineneik er n̄an anōke ak jin̄aik ta eo Irooj eaar kajjitōk ippān ro Rekwojarjar n̄an kōm̧m̧ane ilo aer kar etal. N̄an waanjon̄ok, ajri ro remaron̄ jin̄aik er aer make kōrool jet men raar baroik jān juon m̧ōttāer, ak remaron̄ al juon al in Būraimere ilo aer katen wōt n̄e rej eeb iturin juon kijeek (lale eoon 25, 28).

Katakin Katak Ko: Ajri ro Rerūttoļo̧k

Katak im Bujen Ko 135

Josep Smith im Hyrum Smith raar leļo̧k mour ko aer n̄an gospel in an Jisōs Kraist.

Ron̄ kōn en̄taan ko an Josep Smith im Hyrum Smith emaron̄ kōkajoorļo̧k tōmak ko an ajri ro im ikideelel eo aer n̄an m̧ool n̄an naan in kam̧ool ko aer.

Makūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo rejeļā elmen an kar Josep Smith im Hyrum Smith mej? Eļan̄n̄e rej aikuj jipan̄, ren lale Katak im Bujen Ko 135:1 ak “Jebta 57: The Prophet Is Killed” (Bwebwenato ko ilo Katak im Bujen Ko, 201–5). Karuwaineneik ajri ro n̄an antoone n̄e ren kar jokwe ilo Nauvoo ke Rikanaan eo eaar mej. Kajjitōk ippāer n̄an kwaļo̧k elmen aer naaj kar en̄jake. Kwaļo̧k naan in kam̧ool eo am̧ kōn Josep Smith, im rōjan̄ ajri ro n̄an kōm̧m̧an āinwōt.

• Kwaļo̧k pija in rikanaan ro (lale Gospel Art Book, nos. 14, 18, 67). Ta jet iaan men ko Anij ej jiron̄ rikanaan ro n̄an kōm̧m̧ane? Kōmeļeļeiki bwe Irooj ej kallim̧ur n̄an kōjeraam̧m̧an rikanaan ro An kōn wūjļepļo̧k ko rej kōm̧m̧ani ilo jerbal in An (lale Matu 10:39).

Katak im Bujen Ko 135:3

Josep Smith eaar juon rikanaan an Anij.

Āinwōt aolep rikanaan ro, Josep Smith eaar kam̧ool kōn Jisōs Kraist im kar katakin kōj elmen ad itok n̄an E. Jipan̄ ajri ro lale elmen an Josep Smith kar kadedeļo̧k mijen eo an.

Makūtkūt ko Maron̄ Kōm̧m̧ani

• Riiti ippān doon Katak im Bujen Ko 135:3, im kajjitōk ippān ajri ro n̄an kalikkar ta eo Josep Smith eaar kadedeļo̧k. Je ioon bo̧o̧t eo ta eo reloe? Karuwaineneik ajri ro n̄an kālet juon iaan men kein im kwaļo̧ki etke rej kam̧m̧oolol kake.

• Rōjan̄ ajri ro kajjojo n̄an ļōmņake juon m̧ōttāer ak eo ejitenbōro eo ejjab jeļā kōn Josep Smith. Ta eo ren kar ba kōn armej in, “Etke Josep Smith eaorōk n̄an kwe?” Karuwaineneik ajri ro n̄an kamminene ta eo ren kar ba kōn armej in.

Katak im Bujen Ko 136:4, 10–11, 18–30

Irooj emaron̄ kōjeraam̧m̧an eō n̄e ij apan̄.

Ālkin mej eo an Josep Smith, kar kadiwōjļo̧k ro Rekwojarjar jān Nauvoo. Brigham Young eaar tōl er n̄an Winter Quarters, ijo raar pojak n̄an bōk eļapļo̧k ito-itak n̄an Salt Lake Valley.

Makūtkūt ko Maron̄ Kōm̧m̧ani

• Kōmeļeļeik en̄jake ko an ro Rekwojarjar ālkin mej eo an Rikanaan Josep Smith (lale jebta 58, 60, im 62 ilo Bwebwenato ko ilo Katak im Bujen Ko, peij 206–8, 211–16, 222–24). Karuwaineneik ajri ro elmen aer kar en̄jake eļan̄n̄e ren kar likūt m̧oko im̧weer n̄an pukot juon jikin ekāāl n̄an jokwe ilo āne jem̧aden. Kōmeļeļeik bwe ilo Katak im Bujen Ko 136, Irooj eaar leļo̧k kapilōk in n̄an jipan̄ ro Rekwojarjar ilo iaļ eo aer. Leļo̧k n̄an jet ajri eoon ko jān revelesōn in, āinwōt eoon 4, 10–11, 18–30, im kajjitōk ippān ajri ro n̄an pukot jet men me emaron̄ jipan̄ er kōn inepata im mijak ko aer.

• Jipan̄ ajri ro ļōmņaki apan̄ ko an armej ro rainin. Karuwaineneik er n̄an lale ilo jekjōn 136 bwe ren kwaļo̧k n̄an rōjan̄ ro jet ro rej ioon apan̄. Ajri ro remaron̄ bar ennaan ko ilo “Itok, Itok ro Rekwojarjar” (Al, nō. 4), juon al ro Rekwojarjar raar al ilo iaļ eo aer.

Kōketak Ekkatak ilo M̧weo

Karuwaineneik ajri ro n̄an kwaļo̧k n̄an baam̧le eo aer ak eo m̧ōttāer etke rej kam̧m̧oolol kōn Rikanaan Josep Smith.

Kōkōm̧anm̧an Ad Katakin

Ajri ro reniknik. Ilo jabdewōt iien kwomaron̄ en̄jake bwe ajri ro rejjab kōņaan ekkatak. Ak kwomaron̄ kalōk itok limo eo aer jen karuwaineneik er n̄an jin̄a, al kake, ak kōm̧m̧ane jen pedped in katak an gospel in (lale Katakin ilo Wāween eo an Rilo̧mo̧o̧r, 25–26).