The Bridegroom Cometh, jān Elizabeth Gibbons

Nobōm̧ba 15–21.

Katak im Bujen Ko 133–134

“Kom̧in Pojak n̄an Itok eo an Ļeo Pālele”

Ļōmņake aikuj ko an ajri ro kwoj katakin—jim̧or ro rej ekkatak ilo kapijuknen im ro me remaron̄ jab. Elmen am̧ maron̄ jipan̄ er katakin doon kōn men ko raar ekkatak?

Je En̄jake ko Rej Im̧we Eok

Kajjitōk bwe ren Kwaļo̧k

Kwaļo̧k juon pija in am kar kōjerbale ilo juon katak ilo Būraimere, im karuwaineneik ajri ro n̄an kwaļo̧k ta eo rej keememeje jān katake eo.

Katakin Katak eo: Ajri ro Reddikļo̧k

Katak im Bujen Ko 133:19–21, 25

Jisōs Kraist enaaj bar itok.

Ilo jekjōn 133, Irooj eaar kōmeļeļeik Itok eo An Kein Karuo im karuwaineneik armej ro An n̄an keppopo n̄an iien eo eaiboojoj. Elmen am maron̄ jipan̄ ajri reim̧aanļo̧k n̄an jepļaaktok eo an Rilo̧mo̧o̧r?

Makūtkūt ko Maron̄ Kōm̧m̧ani

• Ņooj pija in Itok Kein Karuo an Rilo̧mo̧o̧r itulikin juon nuknuk, āinwōt n̄e nuknuk eo en kar juon katiin (kwomaron̄ bar kōjerbal pija eo ilo laajrak eo an wiik ilo Itok, Ļoor Eō—N̄an Kajjojo Armej im Baam̧le ak Gospel Art Book, no. 66). Karuwaineneik ajri ro n̄an bōk kūņaer kōm̧akūt “katiin” eo im kōtan wōt n̄e rej reilo̧k jen wintō eo. Kajjitōk ippāer n̄an kwaļo̧k elmen aer kar en̄jake eļan̄n̄e rej reilo̧k jen wintō eo im lo an Jisōs wanlaļtak jen lan̄. Riiti naan in “kom̧in ilo̧k, kom̧in diwōjļo̧k n̄an iioon E” (eoon 19), im jipan̄ ajri ro āliji naan in.

• Ium̧win kajjojo jea an ajri, ņooj juon pijain juon men jemaron̄ kepooje n̄an Itok eo Kein Karuo an Jisōs Kraist (āinwōt riiti jeje ko rekwojarjar, kwaļo̧k gospel eo, ak jipan̄ baam̧le ko ad). Kōtļo̧k bwe ajri ro ren pukot pija ko, im kōnono kaki elmen kōm̧m̧ani men kein jipan̄ kōj pojak n̄an ioon Rilo̧mo̧o̧r n̄e Ej ro̧o̧ltok.

• Al juon al kōn Itok eo Kein Karuo an Rilo̧mo̧o̧r eo, eo āinwōt “When He Comes AgainChildren’s Songbook, 82–83). Kwaļo̧k am iakwe n̄an Rilo̧mo̧o̧r im am en̄jake kōn An jepļaaktok n̄an laļ in. Karuwaineneik ajri n̄an bar kwaļo̧k en̄jake ko aer.

Katak im Bujen Ko 133:52–53

Jisōs Kraist ej iakwe im jouj.

Eoon kein rekōmeļeļeik jet iaan elōn̄ wāween ko Irooj eaar kwaļo̧k An “iakwe im jouj” n̄an armej ro An. Ta eo kwomaron̄ kōm̧m̧ane n̄an jipan̄ ajri ro en̄jake iakwe eo an Rilo̧mo̧o̧r n̄an er?

Makūtkūt ko Maron̄ Kōm̧m̧ani

• Kwaļo̧k juon pija me ej kwaļo̧k bwe Jisōs ej iakwe im jouj (lale Gospel Art Book, no. 42, 47). Kajjitōkin ajri ro n̄an kwaļo̧k men ko jet me Jisōs ekar kōm̧m̧ani n̄an kwaļo̧k iakwe im jouj. Riiti naan in “renaaj ba kōn iakwee im jouj eo an aer Irooj” (eoon 52), im jipan̄ ajri ro ļōmņake wāween ko remaron̄ ba n̄an ro jet kōn iakwe eo an Rilo̧mo̧o̧r.

• Al ippān doon juon al kōn Jisōs, eo āinwōt, “Jesus Is Our Loving FriendChildren’s Songbook, 58). Kwaļo̧k naan in kam̧ool eo am elmen an Rilo̧mo̧o̧r kar kwaļo̧k an iakwe n̄an eok.

Katak im Bujen Ko 134:5

Irooj ekōņaan bwe in pokake kien.

Ajri ro reddik ekkā ļoor kien ko n̄an ļoori ilo kapijuknen, ilo jikuuļ, im ijoko jet. Kwomaron̄ jipan̄ er meļeļe bwe Irooj ekōņaan bwe jen ļoor kakien im kien ko ilo jukjukinpād ilo juon laļ.

Makūtkūt ko Maron̄ Kōm̧m̧ani

• Karuwaineneik ajri ro n̄an ikkure jidik ikkure ilo jab ļoor jabdewōt kien, innām kōtļo̧k bwe ren ikkure ikkure ko ewōr kakien ko ie. Ekōjkan an kien kein jipan̄ kōj? Kwaļo̧k am kam̧m̧oolol kōn kien ko an jikin eo.

• Jipan̄ ajri ro āliji laajrakin tōmak ko jon̄oulruo. Kalikkar naan ko raorōk, āinwōt “pokake, kautiej, im rie,” im kōnono kaki n̄an ajri ro kōn ta meļeļein naan ko. Kwaļo̧k n̄an er etke eaorōk n̄an pokake kien eo.

Katakin Katak Ko: Ajri ro Rerūttoļo̧k

Katak im Bujen Ko 133:4–5, 14–15

Irooj ekōņaan bwe in erreeo.

Katak im Bujen Ko 133 emaron̄ jipan̄ ajri ro meļeļe elmen kōjparok er make n̄an erreeo jān im̧we ko an laļin ipeļakier.

Makūtkūt ko Maron̄ Kōm̧m̧ani

• Karuwaineneik ajri ro n̄an riiti “Babel, Babylon” ilo Tōl n̄an Jeje ko Rekwojarjar (scriptures.ChurchofJesusChrist.org) n̄an lale ta in Babilon im ta eo ej bōk jikin. Innām riit ippān doon Katak im Bujen Ko 133:4–5, 14–15. Ta meļeļein “kom̧in diwōjļo̧k jān Babilon”? (eoon 5). Ta jikin ko jet im jekjek rot ko Irooj ekōņaan bwe jen pād ettoļo̧k jeni? Ta eo jemaron̄ kōm̧m̧ane n̄an bōbrae jeni?

• Likūt juon kōkkaļļe ioon juon jikin ilo ruum̧ eo me ej ba “Zaion,” im likūt bar juon kōkkaļļe ioon jikin eo jun me ej ba “Babilon.” Je ioon peba ko naan ko jān Katak im Bujen Ko 133:4–5, 14–15 me ej kōmeļeļeik Zaion ak Babilon (āinwōt “nana,” “erreeo,” ak “jorrāān”), im karuwaineneik ajri ro n̄an likūt kajjojo peba ium̧win kōkkaļļe eo ekkar.

Katak im Bujen Ko 133:19–25, 46–52

Jisōs enaaj tōl laļin.

Elder D. Todd Christofferson eaar ba, “Kōppopo eo eaorōk n̄an Itok eo Kein Karuo an Irooj Jisōs Kraist” (“Kōppopo n̄an Ro̧o̧ltok eo an Irooj,” Ensign Kweilo̧k eo Eļap, Eprōļ 2019, 81). Emen am naaj jipan̄ ajri ro meļeļe elmen aer maron̄ bōk kūņaer ilo jerbal in eaorōk?

Makūtkūt ko Maron̄ Kōm̧m̧ani

• Kwaļo̧k juon pije ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko, im karuwainenei ajri ro n̄an kwaļo̧k ta eo rejeļā kōn Itok eo Kein Karuo an Jisōs Kraist. Innām, kōjerbal Katak im Bujen Ko 133:19–25, 46–52, karuwaineneik er n̄an riiti men ko ilo laajrak eo aer. Kwaļo̧k naan in kam̧ool eo am bwe Itok eo Kein Karuo enaaj juon raan ekam̧ōņōņō n̄an ro rewānōk.

• N̄an jipan̄ ajri ro meļeļe eoon 19, kōnono n̄an er elmen an ļio pālele maron̄ pojak n̄an kejota eo an (bōlen juon eo ej kab m̧ōj an m̧are emaron̄ jipan̄ ilo ekōnonono in). Elmen ad āinwōt juon lieo pālele pojak “n̄an itok eo an ļeo pālele,” Jisōs Kraist? Eļan̄n̄e kwoj ļōmņake ejipan̄, etale ippān ajri ro kōn būrabōļ in kōn virgin ro jon̄oul (lale Matu 25:1–13). Etke eaorōk n̄an pojak n̄an Itok eo Kein Karuo an Rilo̧mo̧o̧r? Ta eo jemaron̄ kōm̧m̧ane n̄an m̧aanjabpopo?

Katak im Bujen Ko 134:1–2

Irooj ekōņaan bwe in pokake kien.

Men̄e elōn̄ ejaak in kien ko ipeļaakin laļin, Irooj ekōņaan bwe jen “rejetake im rie … kien ko im [jej] jowe ie” (Katak im Bujen Ko 134:5).

Makūtkūt ko Maron̄ Kōm̧m̧ani

• Karuwaineneik ajri ro n̄an laajraki kien ko ak kakien ko rej pokaki. Ta jekjek in mour n̄e juon ejjab pokake kien kein? Riiti Katak im Bujen Ko 134:1–2 ippān ajri ro, jipan̄ er meļeļe jabdewōt naan ak ennaan remaron̄ jab meļeļe. Etke Irooj ekōņaan bwe jen bōk kien im kakien ko?

• Je kajjojo ennaan ak naan jān Jon̄oul juōn im laajrak in tōmak eo kein kajon̄oul ruo ilo bar juōn peba. Kōjeplōklōki peba ko, im kajjitōk ippān ajri ro n̄an jerbal ippān doon im likūti ilo jejjetier. Elmen ad kwaļo̧k bwe jej tōmak ta eo laajrak in tōmak ko rej katakin?

Kōketak Ekkatak ilo M̧weo

Leļo̧k n̄an kajjitōk ajri juon kajjitōk n̄an kajjitōkin baam̧le eo ilo kapijuknen. N̄an waanjon̄ok, eļan̄n̄e kwaar jeļā kōn Itok eo Kein Karuo an Rilo̧mo̧o̧r, ajri ro emaron̄ kajjitōk, “Ta jemaron̄ kōm̧m̧ane n̄an pojak n̄an bar itok eo an Jisōs?”

Kōkōm̧anm̧anļo̧k Ad Katakin

Pukot n̄an meļeļe ajri ro kwoj katakin. Kwojeļā kajjien ajri ro kwoj katakin. Ļōmņak ko ilo laajrak in emaron̄ menin aikuj n̄an lōn̄aj aikuj ko aer eļap. N̄an jipan̄ eok, lale aolep laajrak in m̧akūtkūt ko ilo laajrak in, ejjab baj juon iaaer n̄an iiō ko an ajri ro kwoj katakin. (Lale Katakin ilo Wāween eo an Rilo̧mo̧o̧r, 7.)