Marso 11–17

Mateo 10–12; Marcos 2; Lucas 7; 11

“Imbaon ni Jesus dagitoy Sangapulo-ket-dua”

Bayat ti panangbasam iti Mateo 10–12; Marcos 2; ken Lucas 7; 11, makaawatkanto kadagiti parikna manipud iti Espiritu Santo a makatulongto kenka nga agsagana. Dagitoy a parikna, agraman iti Umaykayo, Sumurot Kaniak—Para Kadagiti Indibidual ken Pamilia ken daytoy a balabala, ket makatulong kenka iti panagsaganam.

Isuratmo Dagiti Impresionmo

Yawis ti Panagbibinninglay

Allukoyem dagiti ubbing a mangibinglay no kasano angilinenda ti Aldaw a Panaginana.

Isuro ti Doktrina

Dagiti In-inaudi nga Ubbing

Mateo 10:1–10

Inawagan ni Jesus ti Sangapulo-ketdua nga Apostol ken inikkanna ida iti pannakabalin a mangaramid iti trabahona?

Ammo kadi dagiti ubbing a sursuruam nga addaantayo iti Sangapulo-ket-dua nga Apostol iti agdama? Kasano a mausarmo dagitoy a bersikulo a mangisuro kadakuada maipapan iti kinapateg dagiti agdama nga Apostol ken no ania ti nakaawaganda nga aramiden?

Dagiti Mabalin nga Aktibidad

• Gupgopen ti Mateo 10:1–10 iti simple a pannao. (Kitaen iti Ni Cristo a Mangor-Orden kadagiti Apostol, Libro ti Arte ti Ebanghelio, num 38.) Ilawlawag nga awagan ni Jesus dagiti Apostol a mangtulong Kenkuana a mangbangon iti Simbaanna.

• Pabilangmo kadagiti ubbing dagiti Apostol iti ladawan Ni Cristo a Mangor-Orden kadagiti Apostol (Libro ti Arte ti Ebanghelio, num.( 38) ken iti maysa a ladawan ti agdama a Korum dagiti Sangapulo-ket-dua nga Apostol (kitaen iti LDS.org wenno iti isyu ti sapasap a komperensia iti Ensign wenno Liahona). Ilawlawag nga addaantayo iti Sangapulo-ket-dua nga Apostol iti agdama, kas met iti panawen ni Jesus.

• Ilemmeng dagiti ladawan dagiti Apostol iti kabaruanan nga aldaw iti lawlaw ti siled (para kadagiti ladawan, kitaen iti isyu ti nabiit pay a sapasap a komperensia iti Ensign wenno Liahona). Awisem dagiti ubbing a mangsarak kadagiti ladawan, ket ibagam bassit kadakuada ti maipapan iti tunggal Apostol (kitaen iti “Meet Today’s Prophets and Apostles” iti LDS.org).

• Awisem ti maysa nga ubing a mangitag-ay iti maysa a ladawan ti Umuna a Panguluen ken ti maysa a ladawan ti Korum dagiti Sangapulo-ket-dua nga Apostol. Kiddawem iti ubing a mangiturong kadagiti dadduma pay nga ubbing iti lawlaw ti siled agingga iti maysa a ladawan ni Jesus. Paneknekam nga iturongdatayo dagiti propeta ken apostol ken ni Jesucristo.

• Ibinglaymo ti pamaneknekmo maipapan kadagiti Apostol ti Apo.

Aramiden dagiti Sangapuloketdua nga Apostol ti aramid ti Apo ita nga agdama.

Mateo 11:28–30

Tulongannakto ni Jesus no umasidegak Kenkuana.

Marikna dagiti ubbing ti liwliwa iti pannakaammoda a tulonganto ida ni Jesus kadagiti a pakadagsenanda no umasidegda Kenkuana.

Dagiti Mabalin nga Aktibidad

• Basaem ti Mateo 11:28–30 ket ipakitam ti ladawan dagiti nakasangol a baka iti balabalam iti daytoy a lawas iti Umaykayo, Sumurot Kaniak—Para kadagiti Indibidual ken Pamilia. Ilawlawag a makaguyod dagiti nakasangol a baka iti nadagdagsen a timbang a sangsangkamaysa ngem no saggaysada a mangguyod. Paneknekam a no malidayan, mariribukan, wenno mabutbutengtayo, mabalin a sapulentayo ni Jesus ket tulongannatayonto.

• Kiddawem iti maysa nga ubing a mangbagkat iti nadagsen a banag. No marrigatan, idiayam ti tulong. Kasano a tumulong ni Jesus kadatayo nga agaramid kadagiti naririgat a banag? Narikna kadin dagiti ubbing ti tulongna?

Mateo 12:1–13

Kabaelak a pagtalinaeden a nasantuan ti Aldaw ti Panaginana.

Ania dagiti sumagmamano a naragsak a wagas a mabalinmo nga isuro kadagiti ubbing maipapan ti aldaw ti Sabbath [Aldaw a Panaginana] ken no apay a pagtalinaedentayo a nasantuan?

Dagiti Mabalin nga Aktibidad

• Basaem ti Mateo 12:10–13 ti napigsa. Awisem dagiti ubbing a tumakder ken agtugaw iti tunggal kanito a sawem ti “Sabbath”, ket ulitem kadakuada ti ragup ti balikas nga “[umno] kadagiti aldaw ti panaginana ti panagaramid iti naimbag” (Mateo 12:12). Ania iti panagkunada a kaipapanan daytoy?

• Mangipakita iti maysa a kalendario kadagiti ubbing ket i-highlightmo ti Sabbath para kadakuada. Ania ti ar-aramidentayo iti dadduma pay nga aldaw iti lawas? Ania ti mabalintayo nga aramiden iti Sabbath tapno aramiden a maidumduma daytoy iti dadduma pay nga aldaw? (Kitaen iti Isaias 58:13–14).

• Kiddawen kadagiti ubbing nga agdrowing kadagiti nasayaat a banag a mabalinda nga aramiden iti aldaw ti Sabbath (kitaen iti panid ti aktibidad iti daytoy a lawas).

• Awisem dagiti ubbing a mangpaadda kadagiti tignay a makatulong kadakuada a manglagip kadagiti wagas a pakapagsaganaantayo para iti Sabbath bayat ti panagkantada iti kanta a “Saturday,” Children’s Songbook, 196.

• Mangidrowing kadagiti mata, lapayag, ngiwat, ken ima iti pisara. Paibagam kadagiti ubbing kenka no ania ti maaramid ti tunggal maysa kadagitoy a paset dagiti bagitayo tapno pagtalinaedentayo a nasantuan ti Sabbath.

Isuro ti Doktrina

Dagiti In-inauna nga Ubbing

Mateo 10:1–10; Marcos 3:13–19

Maisuro kaniak dagiti Sangapulo-ket-dua nga Apostol ti maipapan ken ni Jesus.

Kasano a ti panangsursuro maipapan kadagiti Sangapulo-ket-dua nga Apostol iti tiempo ni Cristo ket makatulong kadagiti ubbing a maawatan a nasaysayaat no ania ti ar-aramiden dagiti Sangapulo-ket- dua nga Apostol nga agdama?

Dagiti Mabalin nga Aktibidad

• Mangipakita kadagiti ladawan dagiti Apostol iti panawen ni Jesus ken iti aldawtayo (kitaen iti Ni Cristo Mangor-Orden kadagiti Apostol, Libro ti Arte ti Ebanghelio, nu. 38, ken iti nabiit pay a komperensia nga isyu ti magasin ti Simbaan). Kiddawen kadagiti ubbing a mangbasa iti Mateo 10:1–10 ken Marcos 3:14–15 tapno maammuan no ania ti ar-aramiden dagiti Apostol.

• Awisem ti sumagmamano nga ubbing nga umay a nakasagana a mangibinglay iti maysa nga estoria nga insalaysay ti maysa kadagiti Apostol a sibibiag. Kasano a makatulong kadatayo dagiti sibibiag nga Apostol tapno agbalintayo a kas ti Mangisalakan?

• Isurat ti nagnagan dagiti agdama nga Apostol kadagiti panid ti papel. Awisem dagiti ubbing a mangiparis ti tunggal nagan ti Apostol iti ladawanna (LDS.org). Mabalin a maulit daytoy nga aktibidad iti sumagmamano a gundaway.

• Mangibinglay iti adu a pagarigan ti pammaneknek dagiti agdama nga Apostol ni Cristo kadagiti ubbing (kitaen iti kaudian a mensahe iti sapasap a komperensia wenno “Ti Sibibiag a Cristo: Ti Pammaneknek dagiti Apostol”, Ensign wenno Liahona, Abr. 2000, 2).

• Tulongam dagiti ubbing a mangyulo ken makaawat iti Pagannurotan ti Pammati 1:6.

Mateo 11:28–30

Tulongannakto ni Jesus no umasidegak Kenkuana.

Kasano a matulongam dagiti ubbing a makaawat a mangtedto ti Mangisalakan kadakuada iti inana manipud kadagiti pannubok bayat ti yaasidegda Kenkuana?

Dagiti Mabalin nga Aktibidad

• Awisem dagiti ubbing a mangibinglay iti maysa a panawen a nariribukan wenno nagdanagda iti maysa a banag. Awisem ida a mangsukisok iti Mateo 11:28–30 para iti balakad a makatulong kadakuada kadagiti maipada a kasasaad.

• Awisem dagiti ubbing a mangidrowing kadagiti ladawan ti ar-aramidenda tapno makaasidegda ken ni Jesus ken masursuruanda iti maipapan Kenkuana. Ti maikapat a pagannurotan ti pammati ket makaited kadakuada kadagiti kapanunotan.

Mateo 12:1–14

Ti Sabbath ket maysa nga aldaw a panagaramid kadagiti nasayaat a banag tapno ad-adda a mayasidegak iti Dios.

Mapapigsam dagiti ubbing a sursuroam bayat ti panangyunay-unaymo kadagiti panggep ken bendision ti panangpatalinaed a nasantuan iti Sabbath.

Dagiti Mabalin nga Aktibidad

• Mangawis iti maysa nga ubing a mangyakem iti kinatao ti maysa a lalaki a ti imana ken inagasan ti Mangisalakan (kitaen iti Mateo 12:10–13). Ti sabali nga ubbing ket mabalin a manginterbiu kaniana maipapan iti padasna.

• Sangsangkamaysa a basaen ti Mateo 12:12. Ania dagiti sumagmamano a banag a mabalintayo nga aramiden iti Sabbath? Padrowing kadagiti ubbing dagiti kapanunotanda iti panid ti aktibidad iti daytoy a lawas, manggetteng iti babassit a pedaso, ken agsisinnublatda a pagkakamangen dagiti pedaso a sangkamaysa ti puzzle ti tunggal maysa.

• Ilemmeng dagiti sumagmamano a ladawan dagiti tao nga agar-aramid kadagiti banag a mangipakita iti ayat para iti Nailangitan nga Ama iti aldaw ti Sabbath. Pasapul kadagiti ubbing dagiti ladawan ken paibinglay no kasano a mangipakita iti panagayattayo iti Dios ti panangaramid kadagiti banag nga adda iti ladawan.

• Ikkam ti tunggal ubing iti bag a punnuenda kadagiti kapanunotan maipapan kadagiti nasayaat a banag nga aramiden iti Sabbath. Masarakanda dagiti sumagmamano a kapanunotan iti “Panangtungpal iti Aldaw ti Panaginana” iti Para iti Pigsa dagiti Agtutubo, 30–31.

Yallukoy ti Panagsursuro iti Pagtaengan

Awisem dagiti ubbing a mangibinglay iti pamiliada kadagiti kapanunotan tapno mapagtalinaed a nasantuan ti aldaw ti Sabbath.

Panangpadur-as iti Panangisurotayo

Yallukoyen ti panagraem. Tulongam dagiti ubbing a makaawat a ti napateg nga aspekto ti panagraem ket ti panangpanunot maipapan iti Nailangitan nga Ama ken ni Jesucristo. Mabalin a ipalagipam dagiti ubbing nga agbalin a managraem babaen ti siuulimek a panangkanta wenno panangdayyeng iti kanta wenno panangi-display iti ladawan ni Jesus.