“Marso 11–17. Mateo 10–12; Marcos 2; Lucas 7; 11: ‘Dagitoy Sangapulo-ket-dua nga Imbaon ni Jesus’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Marso 11–17. Mateo10–12; Marcos 2; Luke 7; 11,” Umaykayo, Sumurot Kaniak—Para kadagiti Indibidual ken Pamilia: 2019
Marso 11–17
Mateo 10–12; Macos 2; Lucas 7; 11
“Dagitoy Sangapulo-ket-dua nga Imbaon ni Jesus”
Bayat ti panangbasam iti Mateo 10–12; Marcos 2; ken Lucas 7; 11, isuratmo dagiti impresion a maawatmo manipud iti Espiritu Santo. Ibilangmo ti panagutob ken panangisurat kadagitoy.
Suratmo Dagiti Impresionmo
Nadaras a naiwaras ti damag maipapan kadagiti milagro ti panagagas ni Jesus. Simmurot dagiti ummong Kenkuana, a mangnamnama iti pakabang-aran manipud kadagiti sakitda. Ngem idi kinita ti Mangisalakan dagiti ummong, nakitana ti ad-adda pay ngem kadagiti sakit ti bagida. Napno iti panangngaasi, nakitana “dagiti karkarnero nga awan ti pastorda” (Mateo 9:36). “Adu ti anien,” napaliiwna, “ngem bassit dagiti agani” (Mateo 9:37). Isu a iti kasta inayabanna dagiti Sangapulo-ket-dua nga Apostolna, “Inikkanna ida iti pannakabalin,” ken inbilinna ida a mangisuro ken agministro kadagiti “napukaw a karnero iti balay ti Israel” (Mateo 10:1, 6). Ita nga agdama dakkel ti panagkasapulan para iti ad-adu pay nga agtrabaho tapno agserbi kadagiti annak ti Nailangitan nga Ama. Adda pay laeng dagiti Sangapulo-ket-dua nga Apostol, ngem adda dagiti ad-adu pay a disipulo ni Jesucristo ngem idi—dagiti tao a makaipakdaar iti sangalubongan, “Ti pagarian ti langit dimtengen” (Mateo 10:7).
Dagiti Kapanunotan para iti Bukod a Panagadal iti Nasantuan a Kasuratan
Ti Apo ket mangted iti bileg kadagiti katulongna nga agaramid iti trabahona.
Ti panangiwanwan nga inted ni Jesus iti Mateo 10 ket para kadagiti Apostolna, ngem adda pasettayo amin iti aramid ti Apo. Ania a pannakabalin ti itned ni Cristo kadagiti Apostolna tapno makatulong kadakuada a mangipatungpal iti misionda? Kasano a mairanudka iti pannakabalinna iti aramid a nakaawagam nga aramiden? (kitaen iti 2 Taga Corinto 6:1–10; DkK 121:34–46).
Aramiden dagiti Sangapulo-ket-dua nga Apostol ti aramid ti Apo ita nga agdama.
Bayat ti panangbasam iti komision nga inted ni Cristo kadagiti Apostolna, mabalin a makaawatka kadagiti impresion maipapan iti aramid a kayat ti Apo nga aramidem Maysa a chart a kas iti sumaganad ti makatulong kenka a mangurnos kadagiti kapanunotam:
|
Dagiti Impresion a maawatko | |
|---|---|
|
Nangted ti Mangisalakan iti pannakabalin kadagiti disipulona. | Dagiti Impresion a maawatko Ikkannak ti Dios iti pannakabalin a kasapulak a mangaramid iti trabahok. |
Dagiti Impresion a maawatko |
Kitaen met iti Pagannurotan ti Pammati 1:6; Pangiwnwan iti Nasantuan a Kasuratan, “Apostol”;“Jesus Calls Twelve Apostles to Preach and Bless Others” (video, LDS.org).
No addaak iti panagserbi iti Apo, Isu ti mangparparegtanto kaniak no ania ti isaok.
Nasirmata ti Apo a maidadanesto ken mapagduduaan dagiti disipulona maipapan ti pammatida—maysa a banag a maipada no ania ti mabalin a padasen dagiti disipulona itiiagdama. Ngem inkarina kadagiti disipulo a maammuanda babaen ti Espiritu no ania ti isao. Naddaankayo kadin iti padas a daytoy nadiosan a kari ket naipatungpal iti biagmo, nalabit idi imburaymo ti pammaneknekmo, nangted iti maysa a bendision, wenno iti nakisarsarita iti maysa a tao? Ibilangmo ti mangibinglay kadagiti padasmo iti maysa nga ipatpategmo wenno isuratmo dagitoy iti journal.
Kitaen pay Lucas12:11–12; Doktrina ken Katulagan 84:85.
Ania ti kayat a sawen ni Jesus iti “saanak nga immay mangiwara iti talna, no di ket kampilan”?
Insuro ni Elder D. Todd Christofferson: “Agtalekak nga adda kadakayo ti nailaksid ken impuera dagiti amma ken innayo, kakabsat a lallaki ken babbai iti panangawatyo iti ebanghelio ni Jesucristo ken simrek iti katulaganna. Iti maysa wenno sabali a wagas, kasapulan iti natan-ok a panagayatmo ken ni Cristo ti panangisakripisio kadagiti relasion a napateg kadakayo, ken nagarubos ti adu a luam. Ngem addaan iti bukodmo nga ayat a di agmawmaw, kimpetka a di nagsarday iti baba daytoy a krus, a mangipakpakita iti bagim a saan a mangibain iti Anak ti Dios.” (“Finding Your Life,” Ensign, Mar. 2016, 28).
Daytoy akinatallugod a mangpukaw kadagitoy maipatpateg a relasion tapno sumurot iti Mangisalakan ket umay nga addaan iti kari a “t makapukaw iti biagna gapu kaniak masarakannanto” (Mateo 10:39).
Ikkannakto ni Jesucristo iti inana no agtalekak Kenkuana ken ti Pannubbotna.
Baklayentayonto amin dagiti dagensen—sumagmamano ket bunga dagiti bukodtayo a basol ken biddut, sumagmamano ket gapuanan dagiti pili ti dadduma, ken sumagmamano ket awan ti akinbiddut no di ket simple laeng a paset ti biag ditoy daga. Ania man ti gapu dagiti pannakirisiristayo, ni Jesus ket agpakaasi kadatayo nga umasideg Kenkuana tapno makatulong kadatayo nga agibtur kadagiti dagensentayo ken mabang-aran (kitaen met iti Mosiah 24). Insuro ni Elder David A. Bednar ti “Panagaramid ken panagtungpal kadagiti sagrado a katulagan ket mangisangol kadatayo iti Apo a ni Jesucristo” (“Bear Up Their Burdens with Ease,” Ensign wenno Liahona,Mayo 2014, 88). Sipapannunot iti daytoy, utobentayo dagiti saludsod a kas kadagiti sumaganad tapno nasaysayaat ti pannakaawattayo kadagiti balikas ti Mangisalakan kadagitoy a bersikulo: “Kasano a dagiti katulagak ket maisangol kaniak ken iti Mangisalakan?” “Ania ti nasken nga aramidek tapno umasideg ken ni Cristo?” wenno “Iti ania a kaipapanan a nalaka ti sangol ti Mangisalakan ken nalag-an ti dagesenenna?”
Ania dagiti dadduma pay a saludsod nga umay iti panunotmo bayat ti panangbasam? Isuratmo dagitoy ket sukisokem dagiti sungbat iti daytoy a lawas kadagiti nasantuan a kasuratan ken iti balikas dagiti propeta. Masarakam dagiti sungbat iti sumagmamano a saludsodmo iti mensahe ni Elder David A. Bednar a naibasar iti ngato.
Bayat ti pannakapakawanko kadagiti basolko, umun-uneg ti panagayatko iti Mangisalakan.
Makitam kadi ti bagim iti pakaammuan kadagitoy a bersikulo ti panangbisita ti Mangisalakan ken ni Simon a Pariseo? Kasla ka kadi ken ni Simon? Ania ti maaramidmo tapno masurotmo ti pagwadan ti babai a nangipakita ti kinapakumbaba ken panagayat ken ni Jesucristo? Kaano ti pannakapadasmo iti kinadungngo ken kinaasi a kas iti impakita ti Mangisalakan iti babai? Ania ti nasusurom manipud kadagitoy a bersikulo maipapan iti no kasano a ti panangpakawan ket mangpatibker iti ayattayo para iti Mangisalakan?
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan a kaduam ti pamiliam, makatulong ti Espiritu kenka a mangammo no ania dagiti pagbatayan a yunay-unay ken ilawlawag tapno maipaay dagiti kasapulan ti pamiliam. Dagitoy ti sumagmamano a singasing:
Bayat ti panangibilangtayo kadagiti mensahe ti kaudian a sapasap a komperensia, kasano ti ar-aramidentayo kas pamilia iti panangawat ken panangsurot iti balakad dagiti kabaruanan nga Apostol? Kasano a ti panagtungpaltayo iti pammagbagada ket ad-adda a mangyasideg kadatayo ken ni Jesucristo?
Mabalinmo a tulongan ti pamiliam a mangiladawan iti panunotda dagiti pannursuro ti Mangisalakan kadagitoy a bersikulo babaen ti panamagsisinnublatmo kadakuada a mangpadas a mangguyod iti ania man a banag a nadagsen, umuna babaen iti bagida, ket kalpasanna babaen iti tulong ti sabali. Ania dagiti sumagmamano a pakadagsenan nga im-imetentayo? Ania ti kayat a sawen ti panangala ti sangol ni Cristo iti bagbagitayo? Makatulong kenka ti ladawan a naipakuyog iti daytoy nga balabala a mangilawlawag no ania ti sangol.
Kasano a makapagbalintayo a silaw iti lubong? Mateo 12:12 Iti ania a wagas a paimbagennatayo ti Mangisalakan iti Sabbath?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Bukod a Panagadal
Dumngeg iti Espiritu. Bayat ti panagadalmo, ikasom dagiti pampanunotmo ken riknam (kitaen iti DkK 8:2–3), uray no kasla saan a mainaig dagitoy iti no ania ti basbasaem. Mabalin a dagita nga impresion ti mismo a kayat ti Dios a maammuam ken aramidem.
Kinuna ti Mangisalakan, “Alaenyo ti sangolko kadakayo” (Mateo 11:29).
Ti Kirtland ken ti Immuna a Templo, ni Dan Burr