“Marso 4–10. Mateo 8–9; Marcos 2–5: ‘Ti Pammatim Pinaimbagnaka’” Umaykayo, Sumurot Kaniak—Para iti Primary: Baro a Tulag 2019 (2019)
“Marso 4–10. Mateo 8–9; Marcos 2–5,” Umaykayo, Sumurot Kaniak—Para iti Primary: 2019
Pannakaagas kadagiti Payakna, ni Jon McNaughton
Marso 4–10
Mateo 8–9; Marcos 2–5
“Ti Pammatim Pinaimbagnaka”
Rugian babaen ti panangbasa iti Mateo 8–9 ken Macos 2–5. Umaykayo, Sumurot Kaniak—Para kadagiti Indibidual ken Pamilia ket makatulong kenka tapno maawatam dagitoy a kapitulo, ken mangted daytoy a balabala kenka kadagiti kapanunotan iti panangisuro.
Isuratmo Dagiti Impresionmo
Yawis ti Panagbibinninglay
Kiddawen kadagiti ubbing a mangibinglay ti estoria ni maipapan ken Jesus a nga agar-aramid iti milagro (kitaen iti listaan dagiti milagro iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia). Mabalin met nga ipakita dagiti mainaig a ladawan (kitaen iti Libro ti Arte ti Ebanghelio, num. 40, 41, wenno LDS.org).
Isuro ti Doktrina
Dagiti In-inaudi nga Ubbing
Adda bileg ni Jesus nga agaramid kadagiti milagro.
Kabayatan ti panangbasam maipapan kadagiti milagro ti Mangisalakan maipapan iti panagagas, panunotem no ania dagiti milagro a maibinglay. Kasano a matulongam dagiti ubbing a sursuruam a maawatanda ti akem ti pammati kadagiti milagro nga inaramid ni Jesus?
Dagiti Mabalin nga Aktibidad
-
Ibinglay ti pakaammuan maipapan iti tao a di makagunay manipud ti Marcos 2:1–12. Para iti tulong, kitaen iti “Kapitulo 23: Ti Tao a Saan a Makapagna,” Dagiti Estoria iti Baro a Tulag, 57–58, wenno ti maitutop a video iti (LDS.org). Ibagam kadagiti ubbing a saan a makapagna ti tao a di makagunay. Tulongam ida a mangbigbig a daytoy a lalaki ket pinaimbag ken pinakawan ti Mangisalakan.
-
Awisem dagiti ubbing a agpammarang a “nakariingda” kas ti anak a babai ni Jairo a mabasayo manipud iti Marcos 5:22–23, 35–43. Tulongam ida a makaawat nga inaramid ni Jesus a posible tapno maaddaantayo amin iti agnanayon a biag.
-
Basaen ti Marcos 5:34. Tulongam dagiti ubbing a mangikabesa ti ragup dagiti balikas “Ti pammatim inagasannaka,” nalabit a ti panangted iti tunggal ubing iti balikas ket kalpasanna paisao kadagiti ubbing dagiti balikasda iti husto nga urnos. Adda kadi am-ammoda a naagasan idi masakitda?
-
Kiddawem kadagiti ubbing a mangikidem kadagiti matada ket dumggegda kabayatan iti panangbasam manipud iti Mateo 9:27–30. No mabasam ti maipapan ken ni Jesus a nangpaimbag kadagiti bulsek a tattao, awisem dagiti ubbing nga agmulagatda. Kasano ti marikna dagiti ubbing no pinaimbag ida ni Jesus?
-
Awisem dagiti ubbing nga agsarita maipapan iti panawen a nagsakitda. Isaritam ti maysa kadagiti pakaammuan ni Jesus a mangag-agas iti masakit, ken paneknekam a ti bileg ni Jesus ket makapaimbag ken mangbendision kadatayo bayat ti panangkararag ken panangawattayo kadagiti bendision iti priesthood. Ilawlawag a nupay no dadduma saan nga ited ti Apo kadatayo dagiti milagro a tarigagayantayo, ay-ayatennatayo ket ammona dagiti kasapulantayo. Isuna ket mangted kadatayo iti liwliwa a kasapulantayo.
No mabuteng wenno agpeggadak, matulongannak ni Jesus a makarikna iti talna.
Ti pakaammo maipapan ken ni Jesus a mangpatalna iti bagyo ket makatulong kadagiti ubbing a mangammo a maikkanna ida iti kappia no mariknada ti agbuteng.
Dagiti Mabalin nga Aktibidad
-
Tulongam dagiti ubbing a mangipapan nga addada iti bapor bayat ti panangbasam iti Marcos 4:35–41. (Kitaen met iti “Kapitulo 21: Bilinen ni Jesus dagiti Angin ken Dalluyon,” Dagiti Estoria iti Baro a Tulag, 53, wenno ti maitutop a video iti LDS.org.) Pailadawan kadagiti ubbing no ania ti mariknada no addada koma sadiay. Kaano a nagbuteng dagiti ubbing? Kasano a nagun-odda ti liwliwa?
-
Awisem dagiti ubbing nga agaramidda kadagiti uni ti bagyo ket agsardeng no adda mangisao iti “Peace, be still.” Paneknekam a kas iti panangisangbay ni Jesus iti talna kadatayo no adda bagyo iti ruar, maisangbayna kadatayo ti talna iti puspusotayo no madi ti riknatayo iti kaunggantayo.
-
Panunotem dagiti tignay a maigiddan iti maikatlo a bersikulo ti Tell Me the Stories of Jesus,” Children’s Songbook, 57.
Ni Cristo a Magpatpatalna iti Bagyo, ni Robert T. Barret
Isuro ti Doktrina
Dagiti In-inauna nga Ubbing
Kabaelan ni Jesus ti agaramid kadagiti milagro iti biagko no adda pammatik Kenkuana.
Nagaramid ni Jesus kadagiti adu a milagro kabayatan ti panagministrona ditoy a biag. Kasano a matulongam dagiti ubbing a mangammo a mapasamak dagiti milagro ita?
Dagiti Mabalin nga Aktibidad
-
Kiddawen kadagiti ubbing a mangala iti maysa kadagiti sumaganad a milagro tapno basaen ken idrowing: Marcos 2:1–12; Marcos 5:22–23, 35–43; wenno Marcos 5:24–34. Pailawlawagmo kadagiti ubbing dagiti drowingda iti klase. Ania ti nasursuroda maipapan ken ni Jesus manipud kadagitoy nga estoria?
-
Kiddawen kadagiti ubbing a mangyakem no kasano ti panagriknada no masakit, naliday, mabuteng, wenno agdanagda. Kasano a matulongannatayo ni Jesus no adda kadatayo dagitoy a rikna? Paneknekam a makatulong ni Jesus kadagiti ubbing iti amin kadagitoy a kasasaad.
-
Awisem dagiti ubbing a mangibinglay kadagiti padasda idi immawatda wenno ti maysa a tao nga am-ammoda iti bendision ti priesthood. Kasano a naagasan wenno nabendisonan dayta a tao?
Kabaelak nga ipakita ti ayat kadagiti dadduma a tao kas ti inaramid ni Jesus.
Impakitana ni Jesus ti naindaklan nga ayat babaen iti panagagas iti masakit ken marigatan. Utobem no kasano a masuruam dagiti ubbing a mangipakita iti panangngaasi kadagiti tao nga agkasapulan.
Dagiti Mabalin nga Aktibidad
-
Pumili iti maysa wenno ad-adu pay a milagro ni Jesus tapno sublien nga adalen kadagiti ubbing, a kas kadagiti adda iti Marcos 2:1–12; Marcos 5:22–23, 35–43; wenno Marcos 5:24–34. (Kitaen met kadagiti video a “Jesus Forgives Sins and Heals a Man Stricken with Palsy,” “Jesus Raises the Daughter of Jairus,” and “Jesus Heals a Woman of Faith” iti LDS.org.) Awisem dagiti ubbing a mangibinglay iti maysa a panawen idi tinulonganda ti maysa a tao nga agkasapulan ken no ania ti nariknada.
-
Ipabuya ti video a “Gordon Hinckley:Lessons I Learned as a Boy” wenno “The Coat” (LDS.org). Kasano a sinurot dagiti ubbing a lallaki kadagitoy video ti pagwadan ni Jesus? Awisem dagiti ubbing a mangibinglay iti dadduma pay a kasasaad no adda maysa a tao nga agkasapulan. Ania ti maaramidtayo a makatulong kadakuada?
-
Ipalagip kadagiti ubbing a ti panangtulong kadagiti dadduma ket paset ti katulaganda iti panagbuniag (kitaen iti Mosiah 18:8–10; Alma 34:28).
No mabuteng wenno agpeggadak, matulongannak ni Jesus a makarikna iti talna.
Kasapulan a maammuan dagiti ubbing a maikkan ida ti Mangisalakan iti kappia no maipasangoda kadagiti pakarikutan ti biag—ita ken iti masakbayan.
Dagiti Mabalin nga Aktibidad
-
Kiddawem iti maysa kadagiti ubbing a mangusar iti Marcos 4:35–41 ken ti ladawan Pagtalnaen ni Jesus ti Bagyo (Libro ti Arte ti Ebanghelio, num. 40) a mangisalaysay iti estoria ni Jesus a mangpatpatalna iti bagyo. Pailadawan kadagiti ubbing no ania ti mariknada no addada koma sadiay.
-
Awisem dagiti ubbing a mangibinlay kadagiti padasda idi nariknada ti talna kalpasan ti panagkararagda para iti tulong. Ipalagip kadakuada a naggapu daytoy a talna manipud iti Mangisalakan.
-
Kantaen ti “Master, the Tempest Is Raging,” Hymns, no. 105, a kaduam dagiti ubbing, nga awisem ida nga agarasaas no kantaenda ti “Peace, be still.”,
-
Ikkan ti tunggal ubing iti sinan ulep a papel, ket paisuratmo kadakuada ditoy ti mabalin a pannubok iti maysa a tao. Ipanyo amin dagiti sinan-ulep iti pisara, agingga a makaluban ti ladawan ti Mangisalakan. Awisem ti maysa nga ubing a mangikkat iti maysa kadagiti sinan ulep ket mangisingasing kadagiti wagas a makatulong iti maysa a tao nga addaan iti dayta a pannubok tapno makasarak iti talna. No maikkat ti amin nga ulep, paneknekam maipapan iti bileg ti Mangisalakan a a mangpatpatalna kadagiti bagyo iti biagtayo.
Yallukoy ti Panagsursuro iti Pagtaengan
Tulongam dagiti ubbing a mangisurat iti aramid ti panagserbi nga aramidendanto para iti maysa a tao daytoy a lawas.
Panangpadur-as iti Panangisurotayo
Aktibo dagiti ubbing. No dadduma mabalin a mariknam a ti enerhia dagiti ubbing ket pakasingaan manipud iti panagsursuro. Ngem mapapigsam dagiti aktibo a kinataoda babaen iti panangawis kadakuada a mangyakem iti maysa nga estoria wenno mangaramid kadagiti garaw a maitunos kadagiti pasamak iti maysa a kanta wenno nasantuan a kasuratan. (Kitaen iti Panangisuro iti Wagas ti Mangisalakan, 25.)