Kapitulo 23
Ti Lalaki a Saan a Makapagna
Maysa nga aldaw mangisursuro ni Jesus iti maysa a grupo ti tattao iti maysa a balay.
Binagkat ti sumagmamano a lallaki ti gayyemda a nakaidda tapno mangkita ken ni Jesus. Saan a makagunay ti gayyem. Saan a maiserrek dagiti lallaki isuna iti balay gapu iti kaadu ti tattao.
Impan dagiti lallaki ti gayyemda iti atep ti balay. Inikkatda ti paset ti atep ket imbabada ti gayyemda iti balay.
Idi makitana ti dakkel a pammati dagitoy a lallaki, imbaga ni Jesus iti masakit a lalaki a napakawanen dagiti basolna. Imbagana kenkuana a bagkatenna ti iddana ket agawiden. Timmakder ti lalaki. Nalainganen isuna. Binagkatna ti iddana ket nagna a nagawid. Nagyaman unay isuna iti Dios.