Kapitulo 41
Bendisionan ni Jesus dagiti Ubbing
Mapmapan ni Jesus iti Jerusalem. Iti dalanna kayat ti sumagmamano a tao a bendisionan ni Jesus dagiti annakda. Imbaga dagiti disipulo kadakuada a saanda a singaen ni Jesus.
Ngem ay-ayaten ni Jesucristo dagiti ubbing. Imbagana kadagiti disipulo a bay-anda dagiti ubbing nga umasideg Kenkuana. Imbaga pay ni Jesus kadagiti disipulo a nasken nga agbalinda a kas kadagiti babassit nga ubbing. Kalpasanna mabalinda ti makipagnaed iti Dios iti langit.