Kapitulo 16
Ti Anak a Lalaki ti Pangulo
Maysa a pangulo dagiti tao a Judio ti adda anakna a lalaki a masakit unay. Impagarup ti tunggal maysa a dumanin matay ti anakna a lalaki.
Pinanawan ti lalaki ti anakna iti pagtaengan ket nagdaliasat iti adu a milia a napan iti siudad ti Cana. Idiay a nasarakanna ni Jesus.
Kiniddaw ti lalaki iti Mangisalakan nga umay ket agasanna ti anakna. Imbaga ni Jesus kenkuana a maagasanto ti anakna. Namati ti lalaki ken ni Jesus, ket nagawid.
Immay sinabat ida dagiti katulonganna. Imbagada kenkuana a malalainganen ti anakna a lalaki ket agbiag. Sinaludsodna kadakuada no ania nga oras idi mangrugi a malaingan ti anakna a lalaki. Imbagada kenkuana. Maipada daytoy iti oras idi kinuna ni Jesus a maagasanto ti anakna a lalaki.
Ammo ti lalaki nga inagasan ni Jesucristo ti anakna a lalaki. Namati isuna ken ti amin iti pamiliana iti Mangisalakan.