Kapitulo 5

Mayanak ni Jesucristo

Nagaramid ti emperor a Romano iti maysa a linteg a nasken nga agbayad iti buis ti tunggal maysa. Nagnaed da Joseph ken Maria iti Nazaret. Nasken a pagnaenda ti 65 milia (105 km) a mapan iti Bethlehem tapno agbayad iti buisda.

Lucas 2:1–5

Saan a nalaka nga agdaliasat ni Maria a mapan iti Betlehem. Asidegen a maipasngay ti maladagana.

Lucas 2:4–5

Idi makadanon da Jose ken Maria iti Betlehem, napno ti amin a siled iti tattao. Nasken nga agtalinaed da Maria ken Jose iti maysa a kuadra. Ti kuadra ket maysa a lugar a pagyanan dagiti ayup.

Lucas 2:6–7

Idiay a naipasngay ti maladaga. Binungon ni Maria Isuna iti lampin ket impaiddana Isuna iti maysa a kulluong. Ninaganan da Jose ken Maria ti maladaga iti Jesus.

Lucas 2:7, 21

Iti sardam a nayanak ni Jesus, ay-aywanan dagiti pastor ti karneroda kadagiti talon nga asideg ti Betlehem. Immay ti anghel kadakuada. Nagbuteng dagiti pastor.

Lucas 2:8–9

Imbaga ti anghel kadakuada a saanda nga agbuteng. Adda napintas a padamagna: Nayanak ti Mangisalakan, ni Jesucristo, iti Betlehem. Masarakandanto Isuna a nakaidda iti maysa a kulluong.

Lucas 2:10–12

Napan dagiti pastor iti Betlehem, a nakakitaanda iti maladaga a ni Jesus.

Lucas 2:15–16

Naragsak dagiti pastor a makakita iti Mangisalakan. Imbagada iti dadduma a tao maipapan iti nangngegan ken nakitada.

Lucas 2:17, 20