Kapitulo 37
Dagiti Sangapulo nga Agkukutel
Napan ni Jesus iti bassit nga ili a nakakitaanna iti sangapulo nga agkukutel. Tattao a masakit dagiti agkukutel. Ti sakitda ti gapu ti pannakaalada kadagitoy nakaro a panagletteg iti amin a bagida.
Saan a matulongan dagiti mangngagas dagiti agkukutel. Mabuteng dagiti tao nga umasideg kadakuada. Saanda met a kayat ti agsakit.
Indawat dagiti agkukutel ken ni Jesus nga agasanna ida. Ammoda a mabalinna nga ikkaten dagiti lettegda.
Kayat ni Jesus a malainganda. Kinunana kadakuada a mapan ket ipakitada ti bagbagida kadagiti papadi.
Iti dalanda a mapan kadagiti papadi, naagasan dagiti sangapulo nga agkukutel. Awanen dagiti lettegda.
Ammo ti maysa kadagiti agkukutel nga inagasan ida ni Jesus. Nagsubli a nagyaman Kenkuana. Dinamag ni Jesus no sadino dagiti dadduma pay a siam nga agkukutel. Saanda a nagsubli. Imbaga ni Jesus iti agkukutel a nagyaman Kenkuana a ti pammati ti agkukutel ti nangpaimbag kenkuana.