Kapitulo 55
Idauluan dagiti Apostol ti Simbaan
Kalpasan ti panagungarna, nagtalinaed ni Jesus kadagiti Apostolna iti uneg ti 40 nga aldaw. Sinuruanna ida iti adu a banag maipapan iti ebanghelio ken ti Simbaanna.
Imbagana kadakuada a mangisuro iti ebanghelio iti amin a tao. Kinunana pay a panawanna ida iti mabiit, ngem umayto ti Espiritu Santo a mangtulong kadakuada.
Binuya dagiti Apostol ni Jesus nga umul-uli kadagiti ulep. Imbaga ti dua nga anghel a nagkawes iti puraw kadagiti Apostol nga agsublinto ni Jesus manipud iti langit iti maysa nga aldaw.
Dagiti Apostol itan ti dadaulo ti Simbaan ni Jesucristo iti daga. Ni Pedro ti Presidente, da Santiago ken Juan dagiti mammagbagana.
Mateo 16:18–19; Doktrina ken Katulagan 81:1–2; Jesus the Christ, 219–20
Sangapulo-ket-maysa laeng dagiti Apostol—natayen ni Judas. Imbaga ti Nailangitan nga Ama kadagiti Apostol a pilienda ni Matias nga agbalin a maysa kadagiti Sangapulo-ket-dua nga Apostol. Addaan naisangsangayan a pagrebbengan iti kinasaserdote ti amin dagiti Apostol.
Adda pammati iti Apo dagiti Apostol ken dagiti dadduma pay a disipulo. Nagtungpalda kadagiti bilinna. Naggiinnayatda iti tunggal maysa.
Ti kaadda ti kinasaserdote [priesthood] ken bileg ti Espiritu Santo, makaaramid dagiti Apostol iti adu a banag. Inagasanda dagiti masakit ken nagbalinda a misonario. Nangisuroda maipapan ken ni Jesucristo ken ti ebangheliona. Adu ti namati kadagiti balikas dagiti Apostol ken nagkamengda iti Simbaan. Maawagan iti Santo dagiti miembro ti Simbaan.