Kapitulo 27
Panangaramid iti Trabaho ti Amana iti Daga
Iti maysa nga aldaw ti piesta dagiti Judio, napan ti Mangisalakan iti tanke [pagdigusan] ti Betesda iti Jerusalem. Impagarup dagiti tao a no aggaraw ti danum iti tanke [pagdigusan], maagasan ti umuna a tao a tumakdang iti danum.
Nakita ni Jesus ti lalaki nga asideg ti pagdigusan a saan a makapagna iti uneg ti 38 a tawen. Aldaw ti Panaginana [Sabbath] idi. Sinaludsod ni Jesus no kayat ti lalaki a mapaimbag iti sakitna. Kinuna ti lalaki a saan isuna a mapaimbag gapu ta saan iti kaano man a makaasideg iti danum nga umuna.
Imbaga ni Jesus iti lalaki, “Tumakderka, bagkatem ta iddam ket mangnaka.” Dagus a naimbagan ti lalaki.
Namati ti adu a tattao a Judio a maysa a basol ti agaramid kadagiti milagro iti Sabbath. Tinarigagayanda a patayen ni Jesus.
Insungbat ni Jesus nga ar-aramidenna laeng iti aldaw ti Sabbath no ania ti aramiden ti Amana.