Kapitulo 47

Dagiti Sangapulo a Babbalasang

Insalaysay ni Jesus ti maysa nga estoria maipapan iti sangapulo nga agtutubo a babbai a napan iti maysa a kallaysa. Inurayda ti nobio nga umay ken mangpastrek kadakuada. Saanda nga ammo no ania nga oras ti idadatengna.

Mateo 25:1, 13

Adda pangsilawan dagiti sangapulo a babbai. Lima kadakuada ti manakem. Adda sobra a lana nga intugotda.

Mateo 25:2, 4

Naampang ti dadduma pay a lima a babbalasang. Addaanda laeng iti lana kadagiti pagsilawanda.

Mateo 25:3

Saan nga immay ti nobio iti nabayag a panawen Naibusan ti lana kadagiti pagsilawan. Ad-adu ti lana dagiti 5 a manakem a babbalasang nga ikabil kadagiti pagsilawanda. Masapul a mapan gumatang iti ad-adu pay a lana dagiti lima a naampang a babbalasang.

Mateo 25:5–9

Idi makapanawdan, dimteng ti nobio. Pinastrekna dagiti lima a manakem a babbalasang iti kallaysa.

Mateo 25:10

Idi makasubli dagiti lima a naampang a babbalasang, naiserra ti ridaw. Saanda a makapan iti kallaysa.

Mateo 25:10–12

Maipada ni Jesus iti nobio iti daytoy nga estoria. Maipada dagiti miembro ti Simbaan kadagiti sangapulo a babbai. Inton umay manen ni Jesus, nakasagananto ti sumagmamano a miembro. Nakapagtungpaldanton kadagiti bilin ti Dios. Saanto pay a nakasagana dagiti dadduma. Saandanto a kabaelan ti makidenna iti Mangisalakan inton umay manen.

Matthew 25:13; Doktrina ken Katulagan 45:56–57; 88:86, 92; Jesus the Christ, 576–80