Kapitulo 15

Ti Babai iti Bubon

Ni Jesus nga agdaldaliasat

Pimmanaw ni Jesus iti Jerusalem a mapan iti Galilea. Nagdaliasat isuna iti Samaria ket nakadanon iti maysa a bubon.

Juan 4:3–6

Ni Jesus a makisarsarita iti babai

Nabannog isuna, ket naginana iti abay ti bubon. Immay ti maysa a babai a taga Samaria a sumakdo iti danum. Kiniddaw ni Jesus kenkuana nga ikkanna iti inumen.

Juan 4:6–7

babai nga agtaktakder

Idinto a gagangay a saan a makisasao dagiti Judio kadagiti taga Samaria, nasdaaw ti babai.

Juan 4:9

Ni Jesus nga agsarsarita

Imbaga ni Jesus iti babai a maikkanna isuna iti kita ti danum a mangigapu kenkuana a saanto iti kaano man a mawaw manen. Inlawlawagna nga Isu ti Mangisalakan. Ti danum a maited kenkuana ket ti “danum a nabiag” ti biag nga agnanayon.

Juan 4:10, 13–15, 25–26

babai a makisarsarita kadagiti tao

Napan ti babai iti siudad ket imbagana iti adu a tattao maipapan ken ni Jesus. Napanda iti bubon ket dimngegda mismo ken ni Jesus. Adu kadakuada ti namati kadagiti balikasna.

Juan 4:28–30, 39–42