Kapitulo 60
Isubli ni Pedro ti Biag ni Tabita
Agnaed iti siudad ti Joppe ti maysa a nasayaat a babai nga agnagan iti Tabita. Isu ti maysa a pasurot ni Jesucristo. Tinulonganna ti adu a tao ken adu a nasayaat a bambanag ti inaramidna.
Nagsakit ket natay isuna.
Naibaon dagiti gagayyemna a mangayab ken ni Pedro. Idi makadanon idiay, indawatna kadagiti gagayyem ni Tabita a pumanawda iti siled.
Nagparintumeng ken nagkararag ni Pedro, kalpasanna imbagana ken ni Tabita a tumakder. Nagmulagat ket timmakder isuna.
Tinulongan ni Pedro a tumakder. Inawaganna dagiti gagayyemna. Immasidegda ket nakitada a sibibiag isuna. Inusar ni Pedro ti bileg ti kinasaserdote a mangisubli iti biag ni Tabita. Adu a tao iti Joppe ti namati ken ni Jesucristo idi maammuanda maipapan iti panagsubli iti biag ni Tabita.