Kapitulo 11

Nasulisog ni Jesus

Napan ni Jesus iti let-ang tapno makadenna ti Dios. Nakisao ti Mangisalakan iti Nailangitan nga Ama. Saan a nangan iti ania man iti 40 nga aldaw gapu ta nagay-ayuno Isuna.

Mateo 4:1–2 (kitaen dagiti footnote 1b ken 2c); Lucas 4:1–2 (kitaen iti footnote 2a)

Immay ti diablo ket sinulisogna ni Jesus a mangipaneknek nga Isu ti Anak ti Dios. Umuna, imbagana ken ni Jesus a pagbalinenna a tinapay ti sumagmamano a bato. Mabisin ni Jesus, ngem ammona nga usarenna laeng ti pannakabalinna a mangtulong iti dadduma a tao. Saanna nga inaramid no ania ti kinuna ti diablo.

Mateo 4:2–4; Jesus the Christ, 128–29

Sumaruno impan ti Espiritu Santo ni Jesus iti nangato a lugar iti templo. Sinulisog ti diablo ni Jesus iti maikadua a gundaway, a nangibagbaga kenkuana a tumappuak Isuna iti manipud iti pader ti templo. Kinuna ti diablo a no Anak ti Dios ni Jesus, saan koma nga ipalubos dagiti anghel a madangran Isuna. Saan a timmappuak ni Jesus. Ammona a biddut nga usaren dagiti sagrado a pannakabalinna iti kastoy a wagas.

Mateo 4:5–7 (kitaen iti footnote 5a ken 6a)

Kalpasanna impan ti Espiritu Santo ni Jesus iti tuktok ti maysa a bantay. Impakitana ken ni Jesus ti amin a pagarian ken kinabaknang ti lubong. Imbaga ti diablo ken ni Jesus a matagikuana ti amin dagitoy a banag no agtungpal Isuna kenkuana. Kinuna ni Jesus nga agtungpal laeng Isuna iti Nailangitan nga Ama. Imbagana iti diablo a pumanaw. Pimmanaw ti diablo. Dimteng dagiti anghel ket binendisionanda ni Jesus. Nakasagana ni Jesus a mangirugi iti trabahona.

Mateo 4:8–11 (kitaen iti footnote 8a ken 9a)