Kapitulo 4
Ni Jose ken ti Anghel
Nasingpet ken naasi a tao ni Jose. Planoda ken Maria ti agkallaysa. Idi naammuanna nga asidegen nga agpasngay ni Maria iti maladaga, saanna nga ammo no ania ti aramidenna. Gapu ta saanna nga anak ti maladaga, napanunotna a nasken a saan a makikallaysa kenkuana.
Maysa a rabii immay ti maysa nga anghel ken ni Jose iti tagtagainep ket imbagana kenkuana nga Anak ti Dios ti maladaga ni Maria. Imbaga ti anghel ken ni Jose nga ikallaysana ni Maria ken nagananna ti maladaga iti Jesus. Ni Jesucristo ti agbalin a Mangisalakan ti lubong.
Tinungpal ni Jose ti anghel ket inkallaysana ni Maria.