Kapitulo 61
Da Pablo ken Silas iti Pagbaludan
Idi limmabas da Pablo ken Silas, simmurot ti ubing a babai kadakuada. Idi aramidenna daytoy, nagsao ti dakes nga espiritu. Maysa nga aldaw binilin ni Pablo ti dakes nga espiritu a pumanaw kenkuana. Naaramid. Nagunget dagiti lallaki a pangtrabahuanna. Ita saanda a makaullo iti kuarta.
Impan dagiti lallaki da Pablo ken Silas kadagiti dadaulo ti siudadda. Kinunada a da Pablo ken Silas ti gapu ti riribuk.
Pinasaplit ken pinaipupok dagiti dadaulo da Pablo ken Silas iti pagbaludan.
Dayta a rabii nagkararag da Pablo ken Silas ken nagkantada kadagiti himno iti Nailangitan nga Ama. Nangngegan ida ti amin iti pagbaludan. Pagam-ammuan ta nangrugi a nagkintayeg ti daga. Naglukat dagiti ridaw ti pagbaludan.
Nakariing ti guardia ket nakitana dagiti naluktan a ridaw. Impagarupna a naglibas dagiti balud. Imbaga ni Pablo iti guardia a saan nga agdanag. Adda pay laeng idiay ti amin a balud. Pinagparintumeng da Pablo ken Silas ti guardia ket indawatna no kasano ti pannakaisalakanna.
Insuro da Pablo ken Silas ti ebanghelio iti guardia ken ti pamiliana. Dayta a rabii nabuniagan ti guardia ken ti pamiliana.
Iti kabigatanna winayawayaan dagiti dadaulo ti siudad da Pablo ken Silas. Napan da Pablo ken Silas iti sabali a siudad tapno agtrabahoda iti ad-adu pay kas misionario.