Kapitulo 26
Pakawanen ni Jesus ti Babai
Kiniddaw ti maysa a Fariseo iti Mangisalakan nga umay iti balayna ket makipangan kenkuana.
Nagnaed iti siudad ti maysa a babai nga adu ti basbasolna. Ammona a mangmangan ni Jesus iti balay ti Fariseo. Kayatna nga aramiden ti maysa a banag a naisangsangayan para ken ni Jesus.
Nagparintumeng isuna ket binugguanna ti saka ti Mangisalakan kadagiti luana. Kalpasanna pinunasanna ti sakana iti buokna ket inagepna dagitoy. Sinapsapuanna pay dagitoy iti bangbanglo. Ammo ti Fariseo nga inaramid ti babai ti adu a banag a biddut. Impagarupna a saan koma nga impalubos ni Jesus ti babai a mangsagid Kenkuana.
Ammo ti Mangisalakan no ania ti pampanunoten ti Fariseo. Imbagana iti Fariseo nga inaramid ti babai ti ad-adda pay a panangasikaso Kenkuana ngem dagiti Fariseo. Saan nga inikkan dagiti Fariseo ni Jesus iti danum a pangbuggo iti sakana wenno lana a para iti ulona, kas iti masansan a maaramid para kadagiti sangaili.
Imbaga ni Jesus iti Fariseo a napakawanen dagiti basol ti babai gapu ta ay-ayatenna ti Mangisalakan ken adda pammatina Kenkuana. Imbaga ni Jesus iti babai nga agawiden a sitatalna.
Lucas 7:47–50; Doktrina ken Katulagan 58:42–43; Jesus the Christ, 262–63