Kapitulo 30
Ti Tinapay ti Biag
Iti sumaruno nga aldaw pinadas a sapulen dagiti adu a tattao ni Jesus. Simmurotda Kenkuana iti Capernaum a nakalugan iti bilog.
Ammo ni Jesus a kayat dagiti tao a pakanenna manen ida.
Insuro ni Jesus kadakuada a mabalin ti tinapay a mangpatalinaed kadakuada a sibibiag iti uneg laeng ti ababa a panawen. Kinunana nga adda sabali pay a kita ti tinapay a nasken a sapulenda—ti Tinapay ti Biag. Imbagana kadakuada nga Isu ti Tinapay ti Biag.
Insuro ni Jesus kadagiti tao nga isakripisiona ti biagna para kadakuada. Kinunana a no sumurotda Kenkuana ken mamati Kenkuana, magun-oddanto ti biag nga agnanayon.